上星期同一間公司IR 溝通, 提到負債對公司的影響, 雖然佢不能明言, 但真係學到野
市場普遍覺得美國下次加0.5, 然後情況大好, 股市暢旺
但就算加0.5, 再加0.25, 再加0.25, 都就黎5厘
然後維持一兩年, 你估有幾多企業融資有問題, 利潤大減?
除非你覺得佢加到0.25 就即刻開始減, 我覺得機會細
意思係未來兩年大機會息口維持係4-5厘, 下年先係公司見真章的時候
反推當定期5厘, 一堆公司利潤大減, 只有一種企業有機會增長, 就係負債低或者淨現金公司
股市又GOGOGO reopen 同內房, 早幾日追382 兩個鐘輸左皮幾, 我發發發誓唔再投機啦....
睇黎要打去戒賭熱線
財演MODE:
聯通近多個交易日成交開始轉旺，而且幾日間已由幾天線和幾十天線，一舉抽穿幾百天線，爬升勢頭強勁，更沒有大沽壓阻礙，升勢有望進一步加劇，再向歷史高位10元出發。
以上純粹吹水, 但聯通呢幾幾日好強, 港股通喪掃貨係事實, 被認為係中字頭低股第一線+ 混改領頭羊, 今年PE5-6 自由現金流4-500億, 放眼全球我真係搵唔到第二隻.....
利哭中國我由0.9 開始買, 買到0.55, 中間清過又買番, 頂佢唔順
呢隻股你話佢老千, 佢從來無供過股, 只係唔派息
你話小劉奸仔, 人地3蚊真金白銀係外資買左一半貨, 都算係咁啦, 仲渣到74%
市值8億係咩概念? 兩個上海大久光商場, 兩棟上海寫字樓, 蘇州一個商場, 加兩個死場
而家算係我倉內最重的疫情復甦股, 當然呢D 細價, 反彈你唔好預佢, 但慢慢睇佢疫情放寬業務回正軌, 每年賺三四五億好正路
有D 師兄話建業, 漢國仲好啦有息收, 但講物業集中度同低估程度, 2136 真係令人發紫
我不嬲唔睇PB 買股, 但真係忍唔住, 而家渣35 萬股, 成本0.7, 又睇下點? 私有化? 有未當bonus 囉
股市最殘忍的唔係一直線咁跌, 而係跌完, 拉一拉等你以為轉勢, 再爆跌, 然後又拉一拉, 然後來個終極一跌
情況就好似女人收兵咁, 永遠最殘忍都係比下狗糧你以為可以升做將軍, 最後先知自已由始至終都係一隻兵
熊市拉升追貨唔係唔得, 我都追左少少836 同廣汽, 但真係控制注碼, 最低位無入的, 錯過左就錯過左, 唔好FOMO, 寧願慢慢買, 一層層利潤咁疊上去, 直到確定轉勢
星期五又炒開放, 都唔知炒左幾多十次, 次次都呃到人 (包括我, 狂被FAKE), 股民真係極渴望一個好消息, 但事實係大環境無變, 息照加, 中央唔否認大家就FF, 真係太慘,
我睇法係咁即係未到終極一跌....到全世界都絕望, 對好消息都麻木, 可能先會見曙光
今早割晒全部REITS, 輸死我, 原因係我計漏左利息一項....
778 我一直有留意, 75%定息, 25%浮息, 都仲可以
808 大部份係H+0.86%, 查番六月到11月, H 加左兩厘半多D, 即係利息支出禾味龍
簡單講REITS 未來要接受幾樣風險
1. 無風險利率向上, 吸引下跌
2. 租用率96%以上, 未來只會跌不會升
3, 租金跌
4. 利息支出升
5.香港樓按未跟足老美, 影響似係岩岩開始, 就算老美下年唔加, KEEP 住5厘一年, 你都禾味龍
10厘半的808 的確吸引, 但上面有機會造成戴維斯三殺, 有機會一跌就3,4 成可分派, 加上尋晚老飽鴿頭鷹尾, 決定全清REITS 睇下路先
778 清左4萬股, 輸一皮
808 清左12萬股, 輸兩皮
痛....太痛了.....三皮夠我買隻OMEGA 海馬仔......
換入836, 1071
762 無啦啦爆話同700 合營, 吹到好似要收購700 咁, 笑死我, 可惜今朝升10% 都無, 唔係短期做個靚T 都禾味龍....
三大電訊食TMT 係大趨勢, 未來只會不斷吸佢地流量, 好事, 但唔係今日即刻可以業績升幾倍, 無乜好炒其實
成個組合最有信心的一隻股, 762聯通, 利潤上年已係歷史新高140幾億, 今年肯定超過150 億, 但股價跌到歷史新低3.27, 我已經加倉加到無力, 加到同941 一樣咁多
如果今晚三季報唔岩FEEL, 我即刻就要入ICU, 但睇941 728, 三季報似有共識隱藏利潤以免被人話吸血饅頭, 我希望按年有10%增長就還神
話說今日HKBN 爆跌, 呢隻股一路都借錢派高息, 兩三年前渣FIT 人仲竟然話以後只會加派息唔會減 (類似, 唔太記得細節), 我真係R 頭, 同樣質地的8 仔, 楷哥都唔敢咁牙刷, 最多默默加派息同加負債
HKBN 捱到今日先爆都算係咁, 比足逃生門大家, 又一隻收息陰陽路之我在你左右
762 會唔會又變陰陽路, 今日收市就知, 祝我好運吧, 各位巴打
第三季利潤無增長, 首三季13%, 每股4.6 人仔
941 只看三個數字, 每股利潤, 現金流, 應收帳
每股利潤影響股息分派, 因為承諾左會升到7成, 當今年全年下限6人仔, 6.5 HKD, 派65% 8.5厘, 派70%9厘 (非實物再扣10%).
BTW 對一個一萬億的重資產公司, 佢想賺1000億又得, 想賺900億又得, 想賺1200 億又得, 所以真係睇管理層意願
第三季現金流負數, 應收脹升同比升一倍, 唔太舒服, 不過都理解
以前TO C, 月月收CASH, 個個按月交錢, 唔交就CUT, 現金流肯定爆靚
而家玩ICT, TO B, 做政企生意, 可以拖數, 一年找一次數, 現金流同應收帳跟本唔係同一個級數
不過無辦法, TO C 你玩到識飛, 都唔會升太多, 加上經濟唔好, 係國內唔可以做吸血鬼, 你估香港地產商, 吸左幾十年人血都無人可以say no
玩第二曲線換增長也無可厚非. 只要整體利潤增速頂到股息, 負債同現金流無大幅惡化, 安心收息無問題, 睇下全年業績是否反映呢樣野
今日應該會全賣中電信, 入1883, 希望比個靚價我
最近掃爆左聯通, 唔想成個倉都係三傻電訊, 又想平衡下人仔爆跌風險, 又想高息
決定賣一半728 @2.91 換回舊愛1883 @2.36, 9厘半
728 真係威, 我都無野好講, 之前業績後2.85減左一半換941 762, 蝕到入肉, 但我堅持728 今年回A 攤薄好勁,
728 2.9 最多派0.25 HKD, 8厘左右,
941 估佢派4.7, 9厘半,
762最難估, 上年每股賺0.57, 今年當佢0.65, 派一半, 0.32, 9厘吧
小弟多年前曾買過一隻財演推介的收息股, 卓悅, 當時十厘加送紅股, 簡直就係化妝品界的煤氣
當時我識Q 睇財報, 又唔知原來利潤係可以變出黎, 見咁開心當然9衝買入
當時成本1.5, 買左幾萬蚊, 而家1 毫
財報雖然係廢, 但無奈係老散唯一可以睇到公司質素的地方
而家雖然一街9-15厘, 但大家搞收息真係睇清楚利潤的可持續性同質素
特別係熊市無底的情況, 淨係去用收息率買股真係等於自殺
無風險利息已上升到四厘, 我見好多人仲去睇以前5-6厘的股跌到10厘哇哇哇9衝, 真係唔好學我卓悅
我都會買D 10厘垃圾(新世界) 但只係博反彈, 大家真係唔好心存僥倖
熊市買貨真係要嫌尖D, 有少少暇痴就要小心, 而家擺明殺高負債(特別係美債)弱現金流的收息股
雖然我睇好三電訊, 但都唔敢話唔會補跌呀, 去到尾個市就會沽D 無跌的撈貨
而家我一定唔會重倉幾類高息股
1. 高負債 , 特別美元債
2. 利潤cover 唔到派息, 利潤係一炮過
3. 少於8厘
4. 含大量不確定性 (例如內銀)
三電訊, 低負債公路股, 應該OK, 883都強現金流, 但睇個人吧
香港REITS 同恒基希慎, 我都會慢慢買, 只要你相信香港不死鳥同老美加息期少於三年
因為恒基所以睇下霉氣, 而家7蚊, 市盈TTM 20倍, 4.9厘
似乎不太吸引, 可能以前不斷有十送一, 十年多一倍, 十年前差不多17-20 蚊, 加埋十年的息, 而家應該平手
每股收益最高峰係2012 年的每股0.89, 之前可能因為每年攤10%, 無一年上得番去
市值1300 億, 今年應該可賺100億? 唔知煤氣係咪淨現金, 如果可以收益全派好似都可以
BTW 呢個價值恒基好似正D, 不過無論幾時恒基都平過煤氣, 折讓問題
https://finance.mingpao.com/fin/instantf/20220606/1654494458167/%E7%85%A4%E6%B0%A3%E5%BE%85%E6%A5%AD%E7%B8%BE%E5%9B%9E%E5%8D%87%E5%86%8D%E8%80%83%E6%85%AE%E9%80%81%E7%BA%A2%E8%82%A1
///另有女小股東在會前表示，她曾經在公司股價逾16元追入，但是公司股價現時只有8.9元左右，已跌很多，她也想知道將來公司會否再送紅股。
其實送紅股唔到令到你賺多左錢......好彩無派, 派埋而家得番六蚊.....
估唔到有機會再見到恒指萬七點
呢個時候有現金的人一定好爽, 遍地低估的港股更低估
我都曾經幻想有一日REITS 大暴跌就瘋狂買入, 然後十年不看
我相信呢個想法九成投資者都係咁諗
但到真係遍地REITS 8,9厘, 我也只敢小刀
人性真係有趣的東西
呢個blog 個名, 方舟打造, 雖然有D kai, 但其實係我投資的初衷
就係老有所依, 有隻舢舨仔, 可以載住我滿船收息股, 唔洗擔心
幻想很美好, 事實很骨感, 玩左十幾年發現想法太單純
現實係, 長期投資不等於長渣一隻股
沒有不勞而獲的事, 投資一樣, 你要做好, 花的功夫不比打工少
低位永遠有更低, 錯過左今波買入機會, 又不知要等幾耐
偉哥講得岩, 你要做左側就要預左慢慢買同鎖倉, 如果唔係乖乖等右側吧
講到尾, 資金量, 心態, 目的, 計劃, 決定你是否可以捱過今次熊
萬物皆週期, 我偏向永遠stay 係市場, 累積經驗
最後引用我最鐘意的一句說話
對前途充滿信心，但又直視殘酷的現實。 堅持你一定會成功的信念，同時，要面對現實中最殘忍的事實不論有多大的困難，不論它們是什麼。
共勉之, 大家二萬五再見:)
20.2 買4000 股, 慢慢買...
後記, REITS 打大折, 忍唔住啦~~
賣出941 2000 股 @51.4
賣出883 10000 股@ 9.7
賣出762 20000 股 @3.69
買入778 30000股 @5.85
買入 2778 20000股 @2.89
買入 第一太平30000 股 @2.55
買入 934 20000股 @ 2.28
個組合又平衡番D了
405 跌穿2蚊, 123 升到11 蚊, 說明左什麼?
其實由上上次接123 的金融大廈已經埋下伏線, 之後內房爆煲之下405又接123 物業, 哥陣已經決定刪除405以後唔洗睇
405 簡直係REITS 之殤, 當年我買的第一批股, 都賺左人生第一個萬元, 唏噓
778接1113 物業, 雖然唔會好似123 咁衰, 但都不得不防
側面說明有自主性的REITS -- 領展, 有溢價都係應該
加息週期之下, 利空REITS, 估計可以唔洗睇一排了
有網友分享左佢的朋友係十年前80蚊買左中移動的故事, 我覺得都值得討論下
先聲明無意針對呢個網友, 不過我今朝都諗左一陣, 值得記錄下
我先唔講十年前同十年後941 的基本面有乜分別, 廢事D 人以為我收左941 錢
我試圖猜下呢個散戶係80蚊買中移動的動機, 不外乎係兩個
1, 想每年收取4-5% 的息
2. 想中移動升到90/100/110/120/200
我無詳細搵番十年中移動的派息同基本面, 懶得找, 但我相信作為1 號目標, 中移係稱職的, 呢個散戶亦應該如願以贘
如果係2 號目標, 十年前應該係2012? 睇番股票圖941 2015年最高升到115, 之後一路跌下升下, 唔知呢個散戶有無係110以上走貨?
然後國務院係2015 年宣佈提速降費, 如果呢個老散有留意下呢個新聞, 就算無清倉都應該減倉? 如果無做, 好似又唔怪得中移動...
呢個個案應該都好普遍, 咁岩想起勝率和賠率, 勝率就係股票向上升的機會, 賠率就係升得多定少
呢D 都好個人, 但我覺得應該要找出高勝率高賠率的股, 先係王道, 如果941未來十年跌到25蚊? i am so sorry, 我都唔會怪任何人, 或者怪941, 係自己估錯左勝率和賠率
買股最重要的一樣野, 係買得平呀....要找出價值唔易, 但要找出相對平的估, 相對簡單
學我偶像Jack 哥話頭, 你前面有兩個西瓜, 你蒙著眼, 你無法猜到西瓜的大小, 但你絕對可以分別邊個西瓜比較大 (懷念JACK 哥....)
再戴個頭盔, 如果聽日中央宣佈重新提速降費, 我會即刻減一半倉, 從來唔覺得有一隻股可以渣十年, 老巴哥D 算啦, 價值投資...?
2022 絕對係國企分紅盛世之年, 由三桶油, 幾堆煤, 三電信, 中建材, 到尋日的海控, 全部都實施高分紅
我記得幾年前, 中移動如果有五厘已經要跪謝皇恩, 以前所謂的高息股要係港股小票, 咩賣眼鏡呀, 賣鞋呀, 賣衫呀, 印刷呀, david webb D friend 先有可能有十厘, 而家同你講周街都係, 仲要唔係十幾億, 幾十億的小票, 係一千億, 幾千億, 一萬億的絕世大股, 眼見仲要係可至少持續三年
我相信港股已經到左你敢買就唔會輸的時候, 最多輸時間, 遍地好票, 就算你驚國企, 港股本地股都有一堆困境反轉股, 1270, 215, 008, 778,載通哥D 都一樣只會輸時間不會輸錢
當然你走去高追D 爆升的或走去抄底, 唔敢講未來高增長不會持續, 或者已經到左底部, 但何必呢?
組合入面有兩隻股淨現金超過市值一半, 一隻係215, 1.15買, 一隻係934, 2.36買
215買入價6.5厘, 霍霍霍霍已經講左唔會低過而家個派息, 利潤回升就100%派息, 仲有三十幾億現金
934 買入價8厘幾, 管理層都有講過唔會減派, 不過口講口賠, 手上有五十億, 又話造LNG 又話買碼頭
買入呢D 股真係一分錢都唔可以妥協, 215 我底線第一注係6.5%, 934要8%, 唔好望咩私有化特別息哥D, 你望住黎買你一定輸錢, 倉位都好緊要, 215我只買了5萬股, 希望下溝到20萬股, 934 就四萬股, 應該唔會再加了, 每年減0.2慢慢收息
同理2136 我都有十幾萬股, 成本0.8, 你望住私有化你肯定輸, 要望就望疫情正常化後上海新場的盈利能力, 到時可能十幾億市值每年賺五億, 煤炭股估值, 哈哈
最近想加多D 兩桶油, 越黎越覺得而家係油就係兩年前的煤, 勁高息都無人信, 君不見12 蚊的十厘1088? 當年又係狗也不X
三桶油, 三電信, 兩個壟斷行業都係三間, 係咪巧合? 有趣
活下去, 現金流!! 估唔到任哥同我的想法一樣, 哈
清了所有重資產高負債及有賺假錢嫌疑的股, 增持番少少現金
沽清34
沽清內銀
沽清807, 光水
減持一半1071
買入20000 股762
買入20000股386
買入1000股941
買入5000股778
恒基出左業績, 真係唔太掂水, 新世界股價都下跌左成年, 係得1113 回購同16 暫時頂到
本來預左D 錢買四大發展商, 睇黎都係再望下先
香港樓升左咁多年, 四大發展商作為既得利益者, 股價都咁的衰樣, 重點係, PE 都仲係10以上, 完全無吸引力, 唔知佢地咁多年賺左D 錢去左邊?
多年前我曾經提過一個雪球人物 我是丁蟹, 佢的混沌投資法很有趣, 呢兩星期再重溫, 發現其實都幾適合港股呢個垃圾市場, 佢主張股票所有野都係混沌, 然後股價和估值都係根據一些混沌而來, 所以股價也是混沌, 而由於人腦天生無法處理混沌事物, 所以佢選擇....猴子擲標法, 以混沌方法去處理混沌
人唯一可以控制的就係資金管理(倉位), 所以佢每隻股不超3%, 主要買殘廢高股息, 持有年期由6個月至五年, 佢提到每年收益10-15%, 但從來唔洗用腦
我個人非常鐘意呢個玩法, 重點係可以用極低生活成本達到10-15%回報, 我之前也有提過交易成本除左錢, 仲有生命和生活, 時間等, 人係唔應該花太多時間係交易上面的
同時佢亦提到我另一個好有興趣的人物纏中說襌, 所主張的纏論都係同樣道理, 不過佢更偏向睇技術分析, 唔太岩我, 但纏論中的"纏", 我理解就係混沌
係度我想再重申一次, 一般人係無法學習老巴的, 大家真係唔好太迷信老巴, 價值投資係對的, 但一般人跟本無條件去衡量"價值", "價值"本身就係最混沌的東西, 人們希望透過什麼PB, PE, PEG等等去說服自己或別人隻股好低估, 好值得投資, 跟本只係水中撈月, 希望有新手睇到呢段說話, 救得一個得一個, 哈
我認為成份財報最真實的只有一樣野, 就係股息, 因為係真金白銀派比你, 其他只係會計遊戲
試下學習下混沌大佬, 盡量將電訊組合外的資金打散, 係恒指20000 點時買入一D 覺得低殘的股, 每隻佔1-3%, 又試下行得通無?
中鐵建
合景悠活
建行
農行
807
778
934
彩客
利福中國
watching list
中車
中國通號
北控
大家普遍覺得中聯通三隻電訊之中最廢, 息又最少
但有無人留意到佢係三隻中非個人電訊業務增速最強? 彈性係最勁
如果你當佢係小型BABA, 小型10cent, 會唔會有另一種睇法? 係7-8厘的科技股呀...哈
買股收息最怕就係唔派或減派 (岩岩知道405 又奶左野reits都無仇報), 分紅保証係最理想, 雖然無法律效力, 但起碼寫左入年報, 總好過靠估佢過去5年派息
中資電訊普遍派利潤6-7成, 先唔講利潤下滑, 而家就算唔係估值底部都係非常接近底部, 買入的溢價風險極少, 而且強如中移動, 現金類資產四五千億, 佔市值一半, 加上每年經營現金流三千億, (中電訊和中聯通1000 億), 只要唔再發生國策性風險(提速降廢), 跟本唔會有問題 (內房....其他公用股的減值問題...週期股的週期問題)
中資電訊過去幾年不斷被提速降費搞到雞毛鴨血, 但同時資產用極變態的方法折舊, 中移中電信七年, 聯通誇張到五年, 最近三雄同台唱好, 側面証明已經唔會再打價格戰, 行業前景無大風險
至於D人擔心6G 7G 8G, 咁我只能講你都係擺錢入銀行算, 我都未講IDC 物聯網元宇宙哥D
搞股咁多年, 我都未見過好似中移動而家咁天時地利人和集於一身的收息股, 唔重倉都對唔住我股息廢物回收機的外號
至於點解唔all in, 係對市場的尊敬同保持一個敬畏的心, never say never, 越有信心越要有介心, 見到重倉翻車的例子太多, 無一個不是好似我咁對某股或某行業有信心到飛天( 內房?)
倉位:
941 -->3成
728 -->1成
762 --> 1成
