內銀哥D 都唔洗講, 941 84, 國企基本得番5厘幾
659 都升番8.4 得7厘, 想換馬都無得換
可惜1905 季報唔生性, 唔敢加了
比起出面AI 芯片升到傻
我只想找尋一片收息避風港...
再咁落去可能要買美債了
2026年4月1日 星期三
2026年3月29日 星期日
海通恒信
最後一隻重倉股海通恒信都出左, 派息微增, 現價11 厘, 扣10%後10厘
金融股真係唔識睇, 仲要係融資租賃, 表面淨係睇賺息差, 但資產質素同撥備都要注意
呢隻係跟市場先生買的, 背後係國泰同海通, 只要不出意外, 就不會有意外
邏輯其實好簡單, 業績係上年年尾已公告左, 微跌, 即係已明牌, 只要派息意願不變, 就無問題
加上呢段時間又插番去0.8 樓下, 妥妥的十厘息, 加上人民幣資產, 我當影子銀行股買
而且貨乾到不得之了, 大股東合併後會唔會有私有化概念?
手上的股出晒業績, 基本都無驚無險, 係有幾隻跟風投機的奶野, 百富, 餓女, 融服奶最甘
700 唔算奶, 500 樓下我都仲有加, 萬一AI 又黎呢?
我最怕就係業績期疊加地緣政治, 跟本唔知跌係業績問題定大環境, 變左想換貨都好難
未來睇位買多少少6823, 萬一炒一炒穩定幣, 可能有驚喜, 現價6.7, 除淨後7 厘, 岩數
2026年3月26日 星期四
業績殺尾聲
一早知逢3月業績殺, 之前已減晒D 吹水股
但估唔到我重倉的幾隻收息股, 業績正正常常都要大跌, 今年已白做了
517 全年0.62, 現價就黎10厘, 賺幾多派幾多, 60億淨現金, 因為下半年增速減少就要大跌 -- 嗚
116 全年1 蚊, 現價8厘 5PE, 因為金價跌拖累股價 -- 嗚嗚
659 -- 入左通都係咁的死樣 -- 嗚嗚嗚
反而215 6823 無咩損傷, 果然大巧不工, 為左多一兩厘換去其他股收息, 唔見左十厘八厘
今年業績殺特別堅秋, 因為上年大市爆升, 大家累積的利潤太厚了, 只要唔係超級超預期, 一率跌10%以上, 泡泡呢種高增長更唔洗講, 2 日唔洗30%, 搞到我150 都入左幾手
700 更唔洗講, 15 PE, 正正常常, 因為加大AI 開支唔回購, 唔好意思都要跌10%
三大電訊 -- 增值稅殺一波, 雲又減速, 應收又大增, 唔意思全部都要跌
其他爆雷股更唔洗講, 6626 繼續玩野, 北京痛苦繼續痛苦, 深國際一樣, 國企又如何? 殺!!
今年有D 似上年, 3月業績殺疊加特朗普玩野, 上年好彩放手一博豬中1133反敗為勝, 今年只想保守, 可惜都唔係咁易
張雪峰之死都值得反思, 業內人士估佢年收入過億, 其實一早唔洗做, 但最後都懷疑係勞累引致猝死, 純粹用錢睇未必岩, 可能係太有成功感, 也可能係想博多幾年, 然後幾年後發現仲可以博多幾年, 然後無限loop....
正如之前講, 被動收入夠了, 但發現主動收入仲可以撈多幾年, 然後又幾年, 然後又幾年
人最終都要有放棄的覺悟
2026年3月20日 星期五
風雲變色之變色風雲
2月仲係度GOGOGO, 3月就爆虧陣亡, 股票好玩嗎?
我唔擔心打杖會打到中港, 但會打爆美股同美債, 順便打爆埋港股
今年2月組合YTD 最高上到12%, 仲開心緊咁快全年目標搞掂, 而家得番4%
太飄了, 竟然夠膽飲營養快線, 市場先生總會係適當時候比你一記悶棍
好彩的係半倉香港廢物電訊, 靠霍哥同佢細佬頂住, 加上883, 仲有奇兵東曜同僑洋補血
業績雷差唔多到尾聲, 仲有兩隻重倉股, 1905 同1601
百富打機倉都輸五位數, 派左十年息就唔派, 吹咩?
如果玩收息, 可以重倉的, 真係只有年報寫明派息保証的先可以
否則要判斷現金流, 判斷行業環境, 判斷公司負債, 仲要判斷管理層質素
好以百富咁, 前三關過晒啦, 淨現金39 億, 就係尾門過唔到, 直接歸零
老啦, 受唔起呢D 刺激, 想笑傲江湖, 只能退而求其次買215 6823 呢D 傻豬
659 都有漸進派息保証, 都合格, 係質地差D
1905 同1601 話晒國企, 希望唔好嚇我, 過埋呢兩關, 今年關燈吃面了
2026年3月18日 星期三
訂閱：
文章 (Atom)