收息定收割

收息定收割, 呢個係一個幸福的抉擇

之前有諗過如果一隻收息股收五厘, 突然佢大升, 收割的錢可能等於你收息五年以上先有的錢

咁你會收息定收割?

有師兄話世上沒長渣, 我都好認同, maybe 5年對而家持股已算好長了

收割係快樂的, 但要面臨資金再投資的問題

如果入左另一隻衰股, 又或者持有太多現金望住個市好似牛頓咁又高追番, 最後好似風險更高

可能到最後又係去番基本面等問題

如AK 哥講, 一隻收息股突然變成一隻帶收息特性的成長股

仲唔係戴維斯雙殺?

2018業績期後

手上最後兩隻澳門股尋日都出左業績, 一隻市值85億賺46億, 一隻市值40億賺16億

佢地就係澳門呢兩年最大的樓盤, 濠尚(信德) 同海上居(保利達)

雖然貨極少, 不過都幾開心, 買唔起佢地D 單位買下佢地隻股都過癮, 叫做對沖下

至於大家成日話盈利不能持續?

你會想每年賺兩億賺足五年, 定一次過賺十億袋左先?

持唔持續, 天知地知啦, 年年收租都未必穩定啦, 見到佢D 業務唔係買QQ 係做番本業未得囉

除左中銀外, 倉內的股都出晒業績, 全部都好滿意, 我估中銀都應該持平啦.

倉位反映確定性同值博率, 當中包括有8成信心賺2成, 同有2成信心賺8成, 其實都係值得投資的, 只需用倉位控制便可, 不確定性也有其價值, 呢個係我的想法

====================================

後記, 信德大升6%之後開無力回落番3 蚊, 反而隻1883 又唔知做乜又爆爆爆....

睇黎市場還是喜歡確定性高的股票呀

古惑狼遠展

買左少少遠展後, 突然被網友十倍哥問, 點解我睇好遠展, 我先醒起原來無睇過佢份財報, 即刻拎黎睇下, 果然係有D 古惑狼, 呢個就係有網友的好處, 一言驚醒洛克人

根據最新2018年9月年中財報:

半年純利6億
現金&證券 72億
NAV 281億 (每股12 蚊)
負債40%

1. 現金&證券中, 實際現金得19億, 有53億係可變現證券

2. 成份財報都話自己NAV 有281億, 其實有155億酒店價值係自己搵人估, official 只係得125億NAV

3. 由於有155億估出黎, 自然40%負債都係水水地, 總負債係188億 (淨債188-72=116億), 如果照official 125億資產即係負債比差不多90%

當然酒店以成本入帳係公認的低估, 但155億唔知佢點估出黎, 自己要留意下


半年收入                     30億                  毛利

酒店&管理	8.8億	3.6億
賣樓	14.6億	6億
停車場	3.5億	0.67億
博彩	1.5億	1.2億

可能我眼殘, 成份財表都無好清楚咁話純利係幾多, 主力係毛利同毛利率, 比1113 難睇好多

賣樓佔大份, 不過酒店同停車場都佔左四成, 我覺得佢地target 酒店都幾重

黎緊一年有155億賣樓入帳加上博彩新業務, 未來一兩年應該會有大增長, KEEP 到6厘應該無問題, 小老虎話未來會重視股息增長, 睇得出對股價長期低迷有D 意見, 而且遠展的華人足跡係幾有趣, 全球佈局, 仲玩埋借錢買樓一條龍, 算係幾多元化的一隻"物業股"

壞處係實際現金得19億, 負債188億, 成份表都唔係好睇到實際純利點分配, 搞埋借錢比外國人買樓的融資平台, 唔知呢飯野搞得好唔好, 而且大家對邱氏家族都有D 意見, 好似係因為根叔搞過D 衰野? 有無網友提供下呢方面資料?

ref:

//向The Star作出之投資港幣1,341,000,000元（二零一八年三月三十一日：無）及向BCS按揭組合作 出之投資港幣436,000,000元（二零一八年三月三十一日：港幣146,000,000元）。//

TVB 發債買債券?

//電視廣播行政總裁李寶安接受訪問時表示，由於未能取得星美最新經審核財務數據故需要減值，暫時認為減值5億元足夠。他解釋公司早前認購星美的債券主要因為發債後持有大量現金，故投資了50-60隻債券應付發債所需利息，當中部分用於認購星美債券，主要因為大家業務相近，加上當時星美業務亦很健康，只是近期資金鏈問題導致情況急轉直下。//


傻的嗎? 因為發左債有太多現金所以亂9 咁買其他債券應付利息?


發債唔係為左發展或還錢, 你之前發債派高息都算啦...而家仲講D 咁GE 野?


做你小股東真係一額汗.....


利申: 無貨, 花生友一名

長實業績超求其分析

賣樓賺120 億, 少左40 億, 主要係大陸 (未入帳收入 630 億)
收租 69億, 同上年差不多
酒店賺19億多過上年3億 (扣除折舊4億,任你扣je)
物管3.7億
飛租 12.7億, 多上年3 億
基建40億, 多上年20億

120+69+19+3.7+12.7+40 = 264億, 同核心收入差不多

關於業績差過預期, 我唔覺WO, 除左賣樓全部野都有增長, 講真賣樓都係早推遲推早入數遲入數問題, 佢一路KEEP 住推, 一年推多D 一年推少D OKLA, 2017 推得太勁吸左幾百億, 2018少番D 但核心都有18%增長, 叻豬啦

手上仲有五百幾億, 求其收個四厘回報每年都多廿億固收啦, 下年賺300 億無乜難度, 得閒再賣少少酒店, 搞下分拆重建又得, 係派息樣衰D, 賺10 蚊派2 蚊, 無計, 大公子係咁, 你話佢孤寒又得, 但佢係留錢發展公司唔係買QQ wo, 唔見你話巴棍孤寒? 偏見黎JE, 我覺得鉅鉅無問題WO, 亂9 咁派係好事咩? 你想要咩先?想派息比率超過100% 買5 仔囉

鉅鉅發布會都話酒店部分係最低估, 收入51億實際賺20 億, 毛利率應該有50%, CRAZY, 個個都話酒店係雞肋, 話毛利勁低, 唔明點解1113 咁高, 可能仲有其他更高, 無留意

綜合, 跌左買唔番, 低過60 加下倉, 開心

利申, 有35% 倉位係1113....

跌左買唔番之長和系

頭先番工偷左入廁格睇左一個鐘長和答問會,
鉅鉅真係好鬼正, 唔明點解D 人唔鐘意佢

未詳細睇業績, 長和係咁嚴峻的環境仲可以KEEP 到11%增長, 長實仲爆到33%, 大佬呀, 你地想點呀??

聽日如果長和仲見到83蚊, 我即加碼1500股啦...買唔番架真係.....

無老千, 夠大隻3.8厘, 作風保守中又有D 創新, 你地究竟想點呀?

唔好拎5號仔哥D 黎同我寶貝長和系比丫唔該

嘉華業績求其分析

2019

賣樓: 100億
收租: 5.3億
酒店: 1.1 億

香港賣樓: 70 億 -- 40%毛利 (暴利...)
大陸賣樓: 30 億 -- 25%毛利

核心利潤: 30億 / 137億市值 = 4.5 PE

有十億物業轉左做投資所以重估

有120億賣樓收入會係下兩年入帳, 應該就係大埔嘉熙同部份嘉匯

負債無內房咁進取又無香港四大咁保守, 但佢識得超低息再融資真係抵讚

今年派0.2, 4 蚊計有5厘, 賺三十億派六億無難度啦, 持有收息等價龜不錯


如果你話通街內房都六七厘又財息兼收wo...

我會覺得冒很大風險執5蚊技術上不如冒很少風險執2 蚊

當然風險呢味野的確係因人而異的

但173 對於我就係確定性不錯風險較小, 意思即係勝率較高


利申, 持有173

越升越唏噓

話說1883 由上年年尾唔知做乜一路噴井式爆發
我一路望住佢升, 一路覺得好唏噓
哥種感覺唔係開心, 又唔係唔開心, 好奇怪
可能因為我中間走左1/3, 所以有些悔恨

同時我又擔心之後唔知仲有無機會買番?
如果唔食糊, 之後跌番未好ON居?

買入一隻股其實只係開始

決定唔係淨係買或賣, 其實持有都係一個決定

唔知自己up 緊乜

80蚊買番1500 股長和

英國真係越黎越ON...

又黎啦~
英國唔通過脫歐協議~
英國唔通過硬脫歐~~
如果英國連延遲脫歐都唔通過...

感覺好似一個痴線佬自己同自己講

我唔可以窮!!
我唔可以做野!!
我唔可以搵錢!!
但我又唔可以窮!!

諗諗下, 點解無人發起公投, 每人派一百萬英鎊? 或者每人派一百間獨立屋?

反正一定通過, 如果英國唔做就係漠視民意!!!

其實英國先至係最好福利的國家!!!