9月大執倉

9 月大執倉, 強力減了一半長實, 減了少量長和, 換入其他股, 基本都係睇派息同下年3 月業績相對確定性較高 (相對長和系)

理念係咁的, 當你買入A 時30蚊, 之後出公告有間廠房暫時關閉, 股價跌至25

這時你會加注買A 博反彈回30,  還是全部轉去B, 一間產能正常的公司等佢升20%?

唔係話A 唔會反彈, 可能你一轉佢即刻派特息彈到35

但我相信買股應該用比較法, 去比較勝率, 其實買股就係下注, 芒格都咁話

1122 慶鈴汽車

呢隻慶鈴汽車9厘幾息( 扣埋稅8厘幾), 財務靚仔到不得了, 又係成日係條街見到佢生產的ISUZU貨車, 業務有無增長就真係唔識睇, 毛利都唔算勁, 但睇在派息同盤數份上, 可能值得放小小錢當做定期.....唔知有無其他兄弟有研究?

流動資產總額為人民幣9,065,197,000元，主要包括存貨共計人民幣726,218,000 元、應收賬款、應收票據及其他應收款項及預付款項共計人民幣2,200,279,000 元、原到期日超過三個月之銀行定期存款共計人民幣4,461,042,000元、銀行 存款及銀行結餘（包括受限制銀行結餘人民幣79,999,000元）及現金共計人民幣 1,671,710,000元。 

流動負債總額為人民幣2,716,008,000元，主要包括應付賬款、應付票據及其他 應付款項共計人民幣2,363,428,000元、訴訟撥備人民幣81,960,000元、合約負 債人民幣183,362,000元及退還負債人民幣83,279,000元。 

於二零一九年六月三十日，本集團之非流動負債為人民幣9,592,000元，主要包 括本集團收到的環保設施政府補貼。 流動資產淨值從二零一八年十二月三十一日之人民幣6,595,893,000元降至二零 一九年六月三十日之人民幣6,349,189,000元，減少3.74%。

流動資產90億:

1. 存貨7億

2. 應收賬22億

3. 定期存款44億???????

4. 現金16.7億

流動負債27億

非流動負債 950萬

淨資產65億

係淨利低D, 派息又盡, 行業前景好似麻麻

2019六個月收入24億, 純利得2 億, 派息一年用4億, 都派得幾盡, 第時唔知會唔會減派息?

N 年前 佢日本個拍擋好似出過每股1.9 收購, 唔知黎緊會唔會私有化?

周星馳的半張牌

如果周星馳唔係渣住半張牌, 佢會唔會俾咁多次機會大傻?

如果周星馳渣住21 點, 會唔會話因為驚贏晒你地D 錢行唔出個門口, 所以算?

大佬, 你本來就係為左贏錢而黎架wo....有得贏唔贏??....

賭聖真係一套好電影

AH 股差價

之前內銀AH 股流通時有人曾話過AH 股差價將不會再存在, 因為係"價值"角度佢地係無別

時至今日AH 股差價依然存在, 我相信因為呢個概念而奶野的人不少

點解係"價值"角度一樣, 但係個價可以差一倍以上?

忽略市場流通性, 忽略背後的散戶係咩人, 淨係睇價值可以嗎?

我建議大家都係破除呢個迷思, 將A 和H 當成兩個獨立市場, 始終如果你諗到, 你以為其他人會諗唔到嗎? 既然現象依然存在, 那麼存在必有理


本週操作, 減持長實1000@ 56.6, 一共減左3000股了, 淨低4500 股, 輸萬幾
買入建滔集團, 加倉1883, 信德

就等時間話我知係樣衰定係神操作, 哈哈

減持長實

星期五減持1500股長實@55.6
係有D 樣衰, 不過睇住架火車撞埋黎, 都係避一避先

望下長實最有可能受影響的業務 (賣樓唔計住先)

2018年中盈利

物業租務、35.67億元

酒店、8.76億元

物業專案管理、1.83億元

未計其他持有的REITS收入, 以上幾樣加埋差不多有45億, 基建同飛租就32.5億左右, 半年核心收入77億左右, 一年就154億

如果最差情況, 租金酒店物管都減一半, 即係無左22.5億, 一年就無45億, 佔核心利潤3成

雖然2019全年應該有400億賣樓入數, 加上誠哥十億增持 (次次跟誠哥都蟹...)

但黎緊仲有英國硬脫死線, 最壞情況可能未發生,   風控角度減持部份, 等下機會再入

最後引述我最愛的blogger Jack 哥的一句話:

當你發現每晚都有人拎住火把走入火藥庫, 你要做的唔係估佢邊一次會爆, 而係馬上離開....

朗廷1270

再睇下1270值唔值得現價入, 2.3 其實都接近海笑價, 當佢派得0.15 都有6厘

最簡單, 入去呀膠打搵下房價就知咩料

唔知係淡季定乜, 朗廷唔洗一千蚊一晚有交易, 正常價2000?....有錯請指正

年頭四月先去過住君悅, 都要2000呀......(PS, 而家都仲係2000...)

香港酒店業今獲真係唔係講笑....

有機會過去住一晚都唔錯