買入長和

和記賣野雖然拎到一舊錢, 但我直覺都係買呀媽穩陣,而且誠誠唔會計錯數, 買長和進可攻退可守,  先入一手睇下業績靚唔靚仔先

買下買下原來誠誠D 家當己佔我組合超過50%, 誠誠艾粒U


後記: 賭業績失敗~~~於104.2 沽出, 原本3000利潤番710蚊..........

================================
後後記 @ 8/9:
沽出3000朗廷@3.4 , 3000香港建設@ 5.97 30000 建榮@ 0.35
買入太古B 2500 @ 13.88

持有現金 23 W
伺機加倉名單: 太古B, 建行, 長建

27000 紀錄 + 回應小伙子的留言

組合市值:                                           59W
待入市現金:                                       19W
================================
老婆可以借給我用作終極射熊金:   20W

27000 啦~~好想買好想買好多低殘股好想增持~~

無耐現金水平太低, 27000都係留多D cash 好, 最多必要時入多一手太古B

唔知其他巴打而家持有幾多%現金?


後記, 賣出電能500@77, 買入長建500@71.3

持有電能500, 長建1500

=======================================

To 小伙子:

我的想法係咁的, 電能派特息係只係派出佢原本己有的現金, 其實同其他股如安全倉的特息係不同的, 電能不是因為賣出業務或者盈喜, 所以派幾多次息其實佢基本價值係不變的, 最多只係引起散戶的注意而達到價值回歸 (77蚊PE 己超過25)

而長建本身係無同電能合拼報表, 即係佢會真金白銀收多幾十億股息的收入, 其實再派多一次息, 電能的股東應該要警剔, 因為未來己經無晒催化劑

又或者話, 不是電能不好, 係長建感覺會有發展D HEHE

香港建設的奇幻漂流

話說香港建設最近又升到新高, 我想費up 下點解當初又會買番佢?

第一次買哥陣好老實. 係睇左市場SIR 推介, 一開始有左折讓的印象, 之後只係睇左最近的年報就買左, 後來佢一震我就走了

跟住其實我無再留意佢, 後來係雪球禁禁下, 睇左佢的發展史, 覺得呢隻股票同佢個大佬黃剛, 都可以話係一個奇BA

話說呢隻當年的老千, 分別比好多大財團接過手, 內地巨企又有, 本地薑又有, 外國基金又有, 但就搞黎搞去都搞唔掂, 年年勁蝕唔知咩料, 搞到個個主要股東都喊三聲, 之後黃剛出手接左, 用左十幾年時間, 終於叫有番D 睇頭變番一間"正常"公司

呢D 故仔其實都唔算新奇, 但你留意番黃剛, 佢係印尼金光集團的富2 代 , 正常好地地咁大個集團唔玩, 係都要用十幾億買個爛攤子番黎, 雖然十幾億對金光集團只係零頭, 咁好正常你搞左幾年都搞唔掂. 你都放棄啦, 但黃剛無, 佢一路堅持, 係咁搞, 雖然中間佢有出下D 小手段攤薄小股東利益(但其實當年都無乜利益可言), 又搞下合股, 不過呢D 對於D 正宗老千股, 跟本不算手段吧.

唔好講香港建設本身有乜乜乜資產, 就憑呢個富2代, 十年磨一劍, 白花花的用自己的青春默默係度收搭殘局, 我已經好佩服佢, 情況就如一D 被放逐的皇子, 出去磨練咁, 最後帶兵番去救自己國家 (扯太遠?)

用少少錢去投資呢個被磨鍊的富2 代, 我覺得值得GE



PS. 我記得太概係咁, 太細緻的劇情有錯請原諒 :P

========================================================================

哇~~電能長建加埋又派成9 蚊~~~XoX~~第一次FEEL 到一隻股票係咁派特別息的爽~

雖然明知佢係割肉餵鷹, 但計埋上次的息, 呢兩兄弟派成20 蚊比我, 我無養錯你地呀....

邊位BLOG 友介紹大唐雙龍傳

唔記得係邊個BLOG 友度睇到, 話佢最鐘意的書係黃易的大唐雙龍傳, 於是我就走左去睇, 情況真係一發不可收拾, 睇到我老婆都咋晒型, 其實我好多年無睇武俠小說了, 以前中學成日會收埋係櫃同睇, 金庸古龍梁羽生都有睇, 就係無睇黃易, 估唔到咁正~~~

話說到底係邊個BLOG 友介紹的? 我搵唔番:P



另外呢排睇緊周顯的<理財密碼>, 老實我對佢真係無乜好感, 因為佢之前有本賺錢工具全攻略我睇到訓著, 加上作者的名聲好似不太好? but anyway 每個人都有值得學習的地方, 至少佢見識同吹水/賺錢能力一定在我之上, 平心論呢本理財密碼都不錯, 帶出左以下一D 幾有趣的概念:

"理財係快樂最大化, 投資係金錢最大化",
"錢不是萬能, 但世間跟本不存在萬能的東西, 而錢一定係單一事物中最強的存在"
"將經常性開支壓到最底, 足以維生就夠, 然後用非經常性開支去大大力買快樂"

而且本書好似好厚但入面其實好少字, 有時間可以睇下 :)

https://www.hkbookcity.com/showbook2.php?serial_no=943131

關於注碼的控制

自從睇左雪球前輩的混沌理論, 我開始研究點解我成日幾野就比人震走? 君不見信德, 南航, 創科, 如果我堅持多五個月, 結果己經係唔同晒

基本上我之前的操作都係入一注, 升, 加注, 跌, 震走, 打和

雖然唔洗輸但亦都係運吉, 原來我一直無重視注碼的控制, 對於一D 我唔係超級有信心的股, 我越重注, 持倉效果越差, 最後造成災難

如果係咁, 唔加注雖然食唔正個浪, 但起碼我都得到回報, 對得住我的事前研究丫....

所以我重新買入香港控股, 但今次落好細注, 同理買入嘉里建設 同 建聯

so far 持股都仲可以用平常心, 現金水平亦有40%, 睇下呢個實驗成唔成功, 重點, 係咪一個適合我蛇gue性格的操作, 操作呢味野真係睇個人, 比你抄足人地個組合都無用

===============================================================
又睇完一本書~巴菲特的書你地成日睇, 佢個仔寫GE書你睇過未?
有無興趣幻想下巴菲特點教仔?
呢本絕對不是一本理財的書, 但如果你想了解多D 巴老, 同睇下佢點樣引導佢個仔成才, 又或者對教育下一代都好有用

得知風兄的妻子病重, 係度想同佢打打氣, 人生真係好無常, 希望各位珍惜身邊重視的人, 好多野唔係錢同財唔財自可以取代的, 錢的價值就係用來換野, 錢本身係無價值的, 風兄加油