唔記得係邊個BLOG 友度睇到, 話佢最鐘意的書係黃易的大唐雙龍傳, 於是我就走左去睇, 情況真係一發不可收拾, 睇到我老婆都咋晒型, 其實我好多年無睇武俠小說了, 以前中學成日會收埋係櫃同睇, 金庸古龍梁羽生都有睇, 就係無睇黃易, 估唔到咁正~~~
話說到底係邊個BLOG 友介紹的? 我搵唔番:P
另外呢排睇緊周顯的<理財密碼>, 老實我對佢真係無乜好感, 因為佢之前有本賺錢工具全攻略我睇到訓著, 加上作者的名聲好似不太好? but anyway 每個人都有值得學習的地方, 至少佢見識同吹水/賺錢能力一定在我之上, 平心論呢本理財密碼都不錯, 帶出左以下一D 幾有趣的概念:
"理財係快樂最大化, 投資係金錢最大化",
"錢不是萬能, 但世間跟本不存在萬能的東西, 而錢一定係單一事物中最強的存在"
"將經常性開支壓到最底, 足以維生就夠, 然後用非經常性開支去大大力買快樂"
而且本書好似好厚但入面其實好少字, 有時間可以睇下 :)
https://www.hkbookcity.com/showbook2.php?serial_no=943131
我鐘意金庸多D, 大唐雙龍傳太長, 去到後面有少少悶。不過各個武俠小說作者都有自己長處, 好似古龍寫意境, 但係打鬥就無乜。
回覆刪除至於周顯, 我睇左炒股密碼, 宜家睇緊財技密碼, 作為市場新手我覺得幾有用, 同埋文筆算係通順。
金庸我14本睇晒架啦~有D 仲唔止睇一次, 古龍D 書結局成日出人意表
回覆刪除周顯好在用D 市井之言去解釋, 比較易明白, 間唔中都有D 金句幾正
有機會睇下武道狂之詩, 我睇過前果幾集都算不錯。
刪除謝二當家推介~有空多D 來交流下丫
刪除黃易的話我覺得尋秦記好睇D，大唐長得滯，同埋好明顯收尾收得好求其。
回覆刪除係? 搵日重溫下尋秦記先~提起尋秦記我淨係知有古天樂....
刪除同意, 尋秦記好睇D
回覆刪除黃易的書，我由中學打書釘到佢過身
回覆刪除