繼續215 315 換941

 941 繼續血包, 我一早已有跑輸大市的打算, 但真係估唔到會跌

繼續將215 315 換入, 唔敢再將其他股換941 了, 讓其他股飛一陣先

牛市踏空難受比輸錢高倍

過去三年港股低迷, 渣住一堆收息股天天樂呵呵, 但形勢突然係三日內改變, 鐘擺由極悲三日內變到極好, 港股成交三日內極速打破紀錄, 已經差不多可以confirm 唔係普通老散或空頭平倉咁簡單

呢三日雖然都有錢賺, 但係比起爆升的真係微不足道, 特別係941 嚴重拖後腿情況下, 毛估成個倉只賺3% 左右...

為免踏空過去分別買入少量幾隻龍頭消費, 仲買左幾百股港交所, 兩三日升20-30% 後我就分批賣左轉血包941 762, 呢個操作而家睇好似錯錯地, 因為如果真係外資重回, 咁可能要用2021年以前的股價做比對會比較合理

做得比較對的係將牛熊不相關的215 315 減倉轉去941 762, 但力道唔夠多, 315 因為短期內升左10% 所以減得比較多, 215 因為執行力不足減得比較少

牛市階段一搬先拉金融股同超跌股, 之後回歸理性後如果繼續升可能係內需股或其他, 最後先會拉防守公用股, 呢段時間如果全持公用股, 真係會好難捱

要係真牛市和假牛市之間拿取平衡, 最穩陣係將215 315 先換到大部份去最後升的防守股, 然後再分中倉比一些預計中段會升的, 最後分少倉比已爆升的消費和科技, 穩中求勝係我的宗旨

而家持有的牛市受惠股太少, 只怪自己過去收息太安逸, 已過錯了重倉REITS, 科技, 消費的機會, 要打自己三巴, 但痛定思痛, 所有行動最好的執行日期係今天

215 315 肯定係要換走的, 但換什麼好? 5000 億保險基金貸同3000億企業回購貸, 最後受惠的肯定係央企分紅股, 特別係破淨, 極殘, 被人當垃圾的, 其次係941 883 之類風險低分紅高的, 所以我個人覺得如果中央係真做, 公用央企的啟動時間不會比其他題材股慢很多

只係身在牛市, 一日的差距可以係以前一年的差距, 睇住其他股升一個月, 哥種感受, 絕對係好似天劍無名入劍輪受萬劍穿身之苦咁慘...

所以為左平衡身心, 持有少量倉位的大市同步股, 係必須的

PS. 呢幾日最受惠的竟然係我個供左十幾年的MPF 戶口, 一直全港股無理, 升左10%, 就黎番家, 算係少少安慰, 哈哈

請記住牛市如果來到

牛市消費TMT內房全面爆升, 941 等公用股領跌, 其實都好明顯, 就係港股除左收息股外實在太殘

消費龍頭竟然可以10PE, 係炒股多年未見, 仲要業績唔係衰

今波第一下肯定係將以前不合理的先爆升一波, 而做血包的就係呢兩年強勢的收息股, 無計

但一日收息佬, 終身收息佬, 寧願買215 315 呢D 都唔願重倉消費科技, 都無得講

只係如果真係牛市, 最後941 762 等大藍醜應該都會受惠...掛?

正如一位大佬講, 要信就一開始信, 如果升左幾浸先高追, 又係進退失據, 血的教訓

今日睇位將熊市三寶 8 215 315 換多少少去中特估, 盡量享受下最後的盛宴

殺呀~~762

強力賣出315 50000 股, 買入762

我又番黎啦~老朋友

後記, 沽蒙牛, 安踏, 潤啤, 淨番少少看戲

買入2000 股941, 10000 股762

寧買當頭起

941 股息大軍即將殺到, 透支住少少, 再沽咁少少315

買入蒙牛, 安踏, 潤啤, 中銀香港, 六福

睇下係國慶做SHOW 定係真轉勢? 

總之打野唔緊要, 唔好透支身體...保持造血工具

減息0.5

唔經唔覺, 315, 008, 1310 都已經升左10%, 可惜最重倉的不肖子215 仲係好似剛仔咁

中概TMT 果然爆升, 可惜我一股都無了, 只有MPF 重倉港股中間接持有, 可惜可惜

港股氣氛轉好了, 過兩日又大叫牛市GOGOGO, 真係一年十個牛熊交替, 炒股多年罕見

回歸初心有幾難, 真係超難, 投資應該真係一條孤獨的道路, 否則太易被人影響

REITS 之前被市場當狗糧, 可惜我被舖天蓋地的新聞嚇怕, 只買了極少778 同823

其實炸佢一百幾十萬又何妨? 而家講都係馬後炮, 似乎人生再似錯失低位入REITS 的機會了, REITS 係股市係獨特的, 其實真係應該配一點, 就算得番六七厘, 都係防守絕佳妙品

便宜就是硬道理

垃圾1310 早幾日清左倉點知即刻有異動, 即刻2.7 高位買回一點, 唔經唔覺就黎3 蚊

成日話垃圾股害人, 我就話垃圾股先唔會害人, 因為佢已經話到明你知係垃圾股, 你要買就要自己衡量風險

真正害人的係白馬股, 所以我從來唔買, 因為賭垃圾股你知自己賭緊, 買白馬股你永遠覺得自己做緊價值投資

我最唔鐘意的就係巴巴哥句, 要用合理的價錢買入優質的股票

首先咩係合理?  然後咩係優質?  普通人識條春麼?

不如我直接D 啦, 老王: 只要買上升的股, 100%可以賺錢

最後想講, 普通人能夠比較有能力分辨的, 就係股票的便宜程度

換句話說, 只有便宜先係硬道理, 只有便宜到超出認知, 先係普通人賺錢的好機會

唔係話叫你盲睇PB PE, 我只係話便宜係股票黎講係"相對"容易識別, 都係要做功課

萬劍歸宗

沽左一堆打野收息股, 信利, 1883, 1310, 2388, 3877

買入215 @0.95,  941 @69.75

如來神掌最後一式.............萬劍歸宗!!!

9/13, 

賣出50000股315 @ 3.98 , 入941 @ 71.3

發現215, 315, 941 之間可以輪動下, 有趣有趣

減息預期值博率

減息預期的值博率越黎越低, 會唔會減, 減幾多, 什至最新的問題係, 減左係咪可以經濟唔崩, 都係一個問號, 今次減息係咪仲好似以前咁, 減完可以放飛? 

踏入9月, 我估真係差唔多要埋單, 不要太樂觀, 我直頭覺得應該要悲觀, 減息一時爽, 過一兩個月大家發現減完都係咁的死樣, 到時先係真章...

喂, 個情況點解咁似樓市切辣? 哈

好多人仲吹每減一厘樓市爆升10%, well, maybe, 看你賭唔賭

我就唔賺最後一個銅板了, 本來想賭RETIS 入港股通, 今日都係全換215 算

拎住215 941 315 睇下又有無得捱過難關?

港股的物管股

物管股天生就要食呀媽D 屎, 就算唔比呀媽CAP 水, 都要將管理費送比呀媽去賣樓, 所以基本上呢個係一個糞坑蝶泳的行業, 但跟據萬物有週期的理論, 當中應該都有D 值得賭下

唔好以為國企的仔仔就無事, 保利一樣CAP你水, 越秀可能好D, 但收息唔吸引, 要賭就要賭高息的, 現金大機會係真的, 否則要賭的事太多了, 又要賭加大派息, 又要賭真現金, 又要賭母愛

睇左幾隻, 暫時買左少少新希望同星盛, 只用了利息收入大法去看, 即半年利息收入是否符合佢年報所講的淨現金, 暫時兩隻現金都收到2-3 厘以上, 叫做過關, 新希望係因為我成日飲佢母公司的奶, 買少少睇下賺唔賺得番

前者淨現金10億, 後者淨現金14 億, 同市值差唔多, 應收哥D 就唔好睇啦, 睇你就輸, 糞坑蝶泳就係賭佢無咁臭, 絕不是賭食左會唔會肚痛

其實中概股都係一樣, 不過無息, 唔係我杯茶, 講緊唔係細細隻的, 醜團, 媽媽, 700, 百毒, 精東, 就連最賤格的拼刀刀, 都係現金流爆炸, 現金爆炸, 市值新低, 基本渣一兩年勝面好大

但作為一個收息佬, 學老巴套拳, 要先練好一門手藝, 到股息有一球, 到時想買咩垃圾都無所謂, 因為呢一球係生生不息的, 好似一個人的心臟咁, 源源不絕地供血, 無論邊個部份突然要充血都可以即時送到

未到一球前不要三心兩意了, 專心複投

最後一隻重倉股業績-315

315 繼續四平八穩, 按核心利潤持平, 4.7億, KEEP 到每年派息0.32, 現價8.3 厘

現金由10億爆增到15 億, 睇番半年報都仲係10 億, 唔係好知點解, 但應付度都增加, 可能有D 供應商付款期遲左, 如果下個半年報現金仲係超過15億, 咁就爽了

全年銀行存款利息收入6000萬, 按五厘, 都成12 億, 係咪真係全部cash 拎晒去做定期, 又係一個謎....暫時無break down 存左幾錢入銀行, 可能等下年報

收入減少主要係買電話差左, 但黎緊iphone 16, AI 電話, 衛星電話, 大把世界

漫遊爆增到疫前1.4 倍, 我以前一直以為係遊客黎香港用, 原來係香港人外遊時用, 我自己去旅行都直接買215 的七日無限plan, 68 蚊, 又唔洗轉卡, 東南亞夠玩有餘, 以前落地換卡麻鬼煩, 日本仲要博佢收到訊號先用到

期內執鬼埋澳門, 每年仲慳番2000 萬, 預計下年全年有5 億利潤

///劉若虹又說，相信5G網絡資本投入已經見頂，未來將逐步回落，又指5G家居寬頻市場未飽和，亦有助交叉銷售，認為前景良好。

資本投入見頂, 同215 說法一致, 只係頻譜度續期都係要洗錢, 中報不忘少少政府

總之香港電訊股, 看似大競爭, 實際已經分晒餅仔, 最好的結局都係私有化或者賣比中資啦, 

拿, 幫你諗埋, 中移買215, 電信買數碼通, 聯通本身有8 仔, 一野食埋6823

1310 同1883 合併啦, 唔好搞咁多野, 跟住賣埋比中信

以上純屬幻想, 如有雷同歡迎歡迎