提早寫下2021 回顧
今年真係算係我投資生涯最波動的一年,
一黎基本全年滿倉, 係第一年咁做, 有驚無險, 可幸沒有輸錢, 但同時沒有暴富....哈
今年由年頭1-2月中概爆升, 錢真係我搞股咁耐最易賺, 當然都唔係買好多, 但求其都升5成, pdd, b站, 京東, 百度富途...哥陣你無買真係想死, 但我哥段時間賺最多的係BB...
3 月開始就急轉直下, 之後就沒有之後了, 可幸及時清倉, 之後抄底都及時止蝕
然後開始搞電訊, 電力
間中抄賣下週期股, 其實都係得個吉
今年我最傷的唔係任何一隻股, 係我的交易成本, 真係好誇張, 我計都計唔到
最瘋狂每日買賣超過20次, 因為用銀行, 100一次都2000....我諗後半年我應該交左幾皮野磨擦成本
好彩係電力生性一路向上, 可惜係當中我被震走了好多, 836 持倉只淨番高位時一半, 搞了個寂寞
今年雷特別多, 如果唔係電力電訊, 其實我TMT 內房 物管 中概肯定會中一味, 可幸每次一抄底, 都止蝕成功....(輸錢都算好彩? 哈)
今年賺最多肯定係836, 但因為T 黎T 去同交易成本, 去到後期我已經無記低買賣紀錄, 因為實在太多, 每次諗起都覺得自己操作得非常差
9月10月左右開始搞水務, 807, 855,北水光水, 而家集中807, 少量855
水務應該係每年20-30% 增速, 可以持續3-5年的品種, 但不是爆發力如電力哥種
年尾搞番九建, 利福中國, 遠展, 等地產, 應該同電信一樣只輸時間的品種
電訊依然佔1/3倉, 主要941, 次聯通, 然後中電信
來年中美只會更差, 疫情也反覆, 內地公用股強現金流的, 乎合國情的, 應該係重中之中, 可憐我電訊今年得個吉
電力已升了好多, 我保持不加不減, 下年環保水務基本, 電訊地產留比子孫, 哈
美股係好正, 但我呢D 老SEE 忽, 依然覺得滿地5PE 6-9厘的港股比較甜美, 不是嗎?
每年提自己一次
對前途充滿信心，但又直視殘酷的現實。 堅持你一定會成功的信念，同時，要面對現實中最殘忍的事實不論有多大的困難，不論它們是什麼。
最後. 我已經係第三季清晒1883 , 轉晒去三大電訊, 無係blog 度提, 罪過.....特別講一下
1883 我買左差不多五年了, 我覺得成個交易同持股體驗係非常好的, 最高蜂有50萬股, 咁多年收的息應該都有廿萬吧? 平均成本2.4, 最後2.6-2.7 清了, 唔係唔睇好, 而係覺得1883 升一倍同941 升一倍, 好似後者易D
1883 2.4 樓下有機會, 我會買回的
最近重新睇番一位我以前好鐘意的blogger, 雖然好耐無更新, 但學livermore 話dry, 世間幾百年都一樣, 從來沒有新鮮事
寫blog 的高手越來越來少了, 非常可惜
http://oceaninn.blogspot.com/2013/11/blog-post_25.html
呢個世界上, 交易的成本除左錢, 仲有時間, 或者健康, 親情.....呢D 都係成本
