呢兩年有D 體會, 點解股息咁重要, 其實好多股最怕係倒在黎明前, 好似今年的火電, 或者未來的內房, 如果2,3年前捱唔住個下跌趨勢, 跟本無可能捱到而家
講到尾股票炒股就係一個混沌, 估公司, 估管理層, 估行業, 估國家, 估世界時局.....
睇岩趨勢可以睇錯公司, 睇岩公司可以睇錯管理層
點解要有分紅? 首先分紅係最實在, 可以係而家就回報到你的唯一東西
第二, 人都係要比個借口自己去持有一隻股票, 而所有股票都有黑暗時期
如果你捱唔到, 倒在黎明前, 真係慘過你買中老千
所以我覺得最適合老散, 分析完基本野, 要捱過股票黑暗期, 唯一的就係靠分紅
當然啦, 派息都唔係MUST, 唯有MUST 的派息只有REITS
如果9988 今日有7厘息, 我任佢點打壓, 肯定唔需要擔心
至於什麼賺息蝕價, 跟本係偽命題, 你會蝕, 就算無息, 你都一樣會蝕, 呢個係分析股票的問題
賺息蝕價點都比蝕息蝕價強, 不止十倍吧?
2380遲左抄你功課
回覆刪除我都係2.9先買，無用，ak哥先係2380老手，有請ak哥！
刪除人性善忘
回覆刪除好景時大部份人又會轉哂買增長股
冇耐性等每年5-6厘既股息發放
分散買，組合真係一種藝術，分核心同炒賣倉
刪除作者已經移除這則留言。
回覆刪除謝謝老王分享
回覆刪除如何捱過低谷，真是一種學問
多多交流
刪除樓主好，股息真係一門學問，年青嘅時候諗住炒上炒落，幾個percent睇唔上眼，有返咁上下年紀先諗住穩陣收下息。
回覆刪除依排對1883好有興趣，本身少量持有，冇乜留意佢。
但係最近有見佢加咗派息，令我反思返一個問題。
自己個組合入邊加埋啲美股收息產品有成50隻，其實真係冇咁多心力去睇，加埋唔知真係咁黑仔中咗幾次伏。
都有啲灰心。。。。
自己喺度諗，一年要6-7%回報，其實可以唔使搞到咁複雜，淨係買隻1883 ，一年都8%。。。。。
擺番去357年，等疫情過咗，股價點都冇理由衰過而家，就算股價冇升過，淨係收利息都已經達標。。。
呢個諗法行唔行得通呢😂
師兄，我發現收息要先有本金，例如少過100萬，用純收息其實無乜效果，但如果係300-500萬，一年收20萬，你就開始知道分別，亦不會羨慕人地卜中d幾倍股
刪除其實講就易，你要話揾隻放心長持收息股，都好難，各人唔同，睇你鐘意咩行業，仲要幾年轉一次比較好，因為今時今日可能已沒有值得持有5年以上的行業
多謝老王回覆🙇🏻
刪除依家主要買美股，平均一個月收到兩萬幾，但係有感美股而家真係好貴，而且收息要比30%税。。
今年回報十幾percent，但係自知唔能夠持續，尤其是見過一日輸10幾萬，個人即刻唔開心（可能本身個心態比較渣)
所以先諗住集中醫買幾隻穩陣（eg:1883)，個息口仲靚！
加埋主動收入，希望儲多幾年就可以贖返自己嘅人生😭😭
凡事有兩面
刪除我哋都想資產滾大，資產大，每日金額波幅自然大，係好事，可以慢慢去習慣
日日升跌升跌好多是random walk，只要公司質素同業務冇變差更加重要
1883 本質係買澳門地運，過到肺炎呢一關。發展都唔錯，不過就不要期待高速增長。
刪除美股普遍低息仲抽3成稅，師兄收息一個月都兩萬，猛，換到港股起碼收多一倍，可以分散買下d高息國企，我就鐘意國內電訊3傻，都好多選擇
刪除1883而比有d比不上電訊3傻，我都換左少少過去
老王想請教下點解比唔上電訊三傻？
刪除唔夠穩定？定係前景？
回鄧兄
刪除所以話心理質素渣
回ak兄
唔求大富大貴，但求穩定收入8厘息。
博佢業績之後股價同而家打和，已經心滿意足
應該話三傻的彈性比1883 大好多, 開始釋放利潤同加大派息, 1883 走不出澳門香港, 但無政治風險
刪除最驚就係嗰句降價提速，計幾多數都唔夠佢一句說話嘅破壞力
刪除咁凡事有利有弊嘅，分散買比較好
刪除謝老王
刪除單搵穩守收息股唔難
回覆刪除單搵成長股都唔難
但搵有潛力由穩守轉變成成長股最難。
但也是散戶最有效的資產增值方法
以前內房 新意網 招行都是行這個路數。
係世界變太快，邊個估到火電，2380突然今年變增長股？可以下年內銀又有新邏輯，世界對股票的估值變得太快，已沒有長持等退休呢招
刪除我已經預計到2380
刪除只是從2020年開始埋伏，不過都花了年半時間。2020年新能源曾爆發一波，2380都沒有受惠。
內銀很難有新轉變，除非成功招商化。
估值看轉變就要從未來科技大勢去觀察去找尋相關潛力收息股。
師兄早d講丫....唉，賺少2個億...
刪除我老豆夠聽我講買華潤電力，他12蚊賣了。
刪除最近跟你買左少少亞洲胃星
刪除現金奶牛，奶水充足。
刪除