一副山乳肉來的感覺

呢排逼自己盡量不時時刻刻Mon 住個組合, 發覺內心平靜了不少

以前真係好癲, 一有時間就refresh 睇下有咩新聞, 真係好累

而家每日中午同收市時望一次, 希望之後做到幾日一次, 一星期一次...


AnyWay 唔知有無人覺得個市Chock得有D 怪...? 定我多心??

增持中信國際

業績不錯, KEEP 到5厘, CTM + 國企+ datacenter 概念, 增持至24000 股

唔通呢隻將會成為我第一隻的核心持股??

太古真的慘慘豬2

太古出左業績, 同5 號仔一樣, 一個字: 屎!! 一如意料仲大減埋派息, 屎上加屎!!
一早話左佢無得玩, 全部業務都陷入困境, 唔係一時三刻搞得掂, 淨係靠太古地產, 太古地產己經支持左佢好多年, 仲有幾多年光輝?

再次証明淨係睇佢以前的派息率係唔夠的, 一間公司無錢賺必減派息, 係5 號波唔知點解咁威威可以反其道而行

我以前真係好鐘意太古, 覺得佢百年英資值得信賴, 但單單憑國泰對沖對到蝕八十幾億, 我就要寫個服字比佢, 未來真係唔係好敢買佢, 個森林咁大大把樹靚仔過佢

===============================================================
係度想推薦一本好書: 多少才夠

呢本書真係好好好好睇, 好睇到我想係圖書館偷左佢番屋企珍藏, 我覺得所有打住財自旗號的人都應該睇呢本書, 諗清楚你地係想追逐 "錢" 本身定係錢帶比你地的價值, 錢之所以有意義係因為你地知道佢可以為你地帶黎D 乜野, 而唔係有一堆錢就會好開心, 我強調只有當知道財自左自己應該做D 乜的人先應該去諗財自, 而唔係為左唔打工而財自左先去諗做D 乜

錢只係提升你快樂的工具, 如果你連自己點先會快樂, 或者幻想唔洗做日日起身行公園去圖書館睇報紙會好快樂, 咁有一百萬同有一千萬我諗對你都唔會有好大分別

豬UP 完畢

後記, 原來已故的台灣前輩Allan一早己提出呢樣野, 係度要再向佢致敬:

http://allanlin998.blogspot.com/2013/03/how-much-is-enough.html

乾坤一擲

聽日就議息有結果啦, 但係跟據之前經驗, 越係以為有大上大落個市就越係平靜, 我覺得聽日都不外乎係加0.25 OR 唔加, 個市都預左, 除非佢突然加1 厘, 又或者話黎緊每年會加5 次息, 咁就會有較強的反應, anyway 我都留左一手到時發生意想不到的事下入貨, 應該都係地產, 領展OR 置富

呢排睇左好多blogger 都有乾坤一擲而成功的經驗, 我真係幾羡慕佢地, 唔止羡慕佢地賺大錢, 而係羡慕佢地可以堅信自己咁不斷儲貨直到現實証明佢地係岩GE, 呢個成功感先係最難能可貴, 賺錢只係市場獎勵佢地做正確的事GE 副作用

可惜我一路都未搵到一隻可以令我乾坤一擲的股, 其實簡簡單單係46蚊買5號仔, 八十幾蚊買新鴻基, 8蚊買永利, 5個幾買路勁, 又或者3個幾買恆大, 都一樣可以爽YY, 不過以上的股都只係活在我幻想中, 一係買左捱唔住放左, 一係想買但無行動, 怨得邊個呢?