2019年10月16日 星期三

沒意見...你想怎樣我都隨便

中央話係澳門搞個交易所, 即刻有一百幾十人話咩想取代香港, 又話澳門洗黑錢....

搞個人民幣離岸中心je...唔洗講到洗黑錢咁嚴重....分到十分一香港的人仔離岸業務都禾味龍.....

林鄭放鬆按揭成數, 即刻又有一百幾十人話係推人入火坑....要人還錢一世....惡毒呀....

400萬條line 搞到個市畸型左咁耐, 放鬆唔好咩? 真係只有弊無利推人入火海局你賭?

咁不如收緊按揭啦? 400 萬降到200 萬, 唔知大家覺得如何?

林鄭搞明日大魚造地又比人插, 搞放鬆按揭又比人插, 讀個包膠都比人插, 班議員除左識搞小動作中斷人地讀包膠仲識乜? 777乞人憎就一定架啦, 但你帶住個人感情去做野, 未即係醫生唔肯醫D 犯罪份子囉..小學雞到不得之9鳥又無建樹,

不過政客其實都係一個演員, 要演好自己的角色, 反對派就要反對到底, 可能其實佢私低下同777 放左工去happy hour 唔通又話你知? 總之話之你出咩政策, 肯定有野挑到骨頭, 唔愁無工開, 嘈幾下收十萬一個月, 有咩工比呢班演員更好撈?