港股的物管股

物管股天生就要食呀媽D 屎, 就算唔比呀媽CAP 水, 都要將管理費送比呀媽去賣樓, 所以基本上呢個係一個糞坑蝶泳的行業, 但跟據萬物有週期的理論, 當中應該都有D 值得賭下

唔好以為國企的仔仔就無事, 保利一樣CAP你水, 越秀可能好D, 但收息唔吸引, 要賭就要賭高息的, 現金大機會係真的, 否則要賭的事太多了, 又要賭加大派息, 又要賭真現金, 又要賭母愛

睇左幾隻, 暫時買左少少新希望同星盛, 只用了利息收入大法去看, 即半年利息收入是否符合佢年報所講的淨現金, 暫時兩隻現金都收到2-3 厘以上, 叫做過關, 新希望係因為我成日飲佢母公司的奶, 買少少睇下賺唔賺得番

前者淨現金10億, 後者淨現金14 億, 同市值差唔多, 應收哥D 就唔好睇啦, 睇你就輸, 糞坑蝶泳就係賭佢無咁臭, 絕不是賭食左會唔會肚痛

其實中概股都係一樣, 不過無息, 唔係我杯茶, 講緊唔係細細隻的, 醜團, 媽媽, 700, 百毒, 精東, 就連最賤格的拼刀刀, 都係現金流爆炸, 現金爆炸, 市值新低, 基本渣一兩年勝面好大

但作為一個收息佬, 學老巴套拳, 要先練好一門手藝, 到股息有一球, 到時想買咩垃圾都無所謂, 因為呢一球係生生不息的, 好似一個人的心臟咁, 源源不絕地供血, 無論邊個部份突然要充血都可以即時送到

未到一球前不要三心兩意了, 專心複投