係有D 樣衰, 不過睇住架火車撞埋黎, 都係避一避先
望下長實最有可能受影響的業務 (賣樓唔計住先)
2018年中盈利
物業租務、35.67億元
酒店、8.76億元
物業專案管理、1.83億元
未計其他持有的REITS收入, 以上幾樣加埋差不多有45億, 基建同飛租就32.5億左右, 半年核心收入77億左右, 一年就154億
如果最差情況, 租金酒店物管都減一半, 即係無左22.5億, 一年就無45億, 佔核心利潤3成
雖然2019全年應該有400億賣樓入數, 加上誠哥十億增持 (次次跟誠哥都蟹...)
但黎緊仲有英國硬脫死線, 最壞情況可能未發生, 風控角度減持部份, 等下機會再入
最後引述我最愛的blogger Jack 哥的一句話:
當你發現每晚都有人拎住火把走入火藥庫, 你要做的唔係估佢邊一次會爆, 而係馬上離開....
老王兄! 你覺得現價仲未反映業績/預期業績咩~?
回覆刪除減持後唔會增加其他誠哥系既股票？
呢兩個星期諗左好多...想試下跳出自己固有的想法, 例如睇PEPB 買股, 或者長和系的信仰等, 1113 長遠係無問題, 但係跳出呢個框, 世界原來可以好大, 於是我的股票倉由一開始買好多隻, 變到只集中幾隻, 而家又變番好多隻, 唔知係原地踏步定係有進步?
刪除又例如其實唔買本地股, 好多內地股唔係想之前想像得咁不堪, 如果對一樣野有偏見, 就有好多野都睇唔到...想試下
刪除李家現在得三成股權，由三成增持到5成有排增持
回覆刪除其實誠哥十億就好似我地一萬咁...
刪除所以我選長和而無選長實
刪除暫時看長和少左本地風險, 煩少樣
刪除有冇興趣explore下美股 ? 世界很大，子彈有限，時間更少。香港人沒有欠虧欠任何一個本地家族。 no offense ，祝你投資順利😀
回覆刪除謝喜爸, 我其中一個有興趣的就係美股, 超級高效真係,業績好就升, 差就跌,完全無咩價唔價值回歸, 比港股爽快好多....
刪除對呀長期來看的確老美股市嘅趨勢和你所說的一樣。 更重要的是一日美金仍然係結算貨幣，美債係最值錢外債，(被迫自願也好)， 同埋美國許多專利/百年老店不倒，他們就有市場定價權 , 呢個先冇得打。 我都身體力行買咗唔少老美etf，最大路果D，簡單入門唔使煩。 香港股市泥漿摔角， 睇見都辛苦。
刪除喜爸覺得美股邊隻ETF最全面? 介意透露下嗎?
刪除不介意，我都係拾人牙慧，自己再觀察追蹤咗半年。
回覆刪除我嘅美股美債陣容以防守性為主 , 以下全部etf
IEF 美國七至十年國庫債
LQD 美國投資級別債券
PFF preferred and income security
VPU utilities index fund
XLP consumer staples select sector
屁股痕癢再加咗隻喺美國上市嘅澳洲股市etf
EWA
以上所有etf大部分每月或者每季派息，公開透明。絕大部分市值驚人流通量极高。 港股我繼續持有，買曬最大嗰十零廿隻擺喺度由佢慢慢 *吽* /發酵 /價值回歸 whatever you call it .
哈哈哈, 謝喜爸, 好鐘意你最後哥句
刪除