2019年3月25日 星期一

古惑狼遠展

買左少少遠展後, 突然被網友十倍哥問, 點解我睇好遠展, 我先醒起原來無睇過佢份財報, 即刻拎黎睇下, 果然係有D 古惑狼, 呢個就係有網友的好處, 一言驚醒洛克人

根據最新2018年9月年中財報:

半年純利6億
現金&證券 72億
NAV 281億 (每股12 蚊)
負債40%

1. 現金&證券中, 實際現金得19億, 有53億係可變現證券

2. 成份財報都話自己NAV 有281億, 其實有155億酒店價值係自己搵人估, official 只係得125億NAV

3. 由於有155億估出黎, 自然40%負債都係水水地, 總負債係188億 (淨債188-72=116億), 如果照official 125億資產即係負債比差不多90%

當然酒店以成本入帳係公認的低估, 但155億唔知佢點估出黎, 自己要留意下


半年收入                     30億                  毛利
酒店&管理 8.8億 3.6億
賣樓 14.6億 6億
停車場 3.5億 0.67億
博彩 1.5億 1.2億

可能我眼殘, 成份財表都無好清楚咁話純利係幾多, 主力係毛利同毛利率, 比1113 難睇好多

賣樓佔大份, 不過酒店同停車場都佔左四成, 我覺得佢地target 酒店都幾重

黎緊一年有155億賣樓入帳加上博彩新業務, 未來一兩年應該會有大增長, KEEP 到6厘應該無問題, 小老虎話未來會重視股息增長, 睇得出對股價長期低迷有D 意見, 而且遠展的華人足跡係幾有趣, 全球佈局, 仲玩埋借錢買樓一條龍, 算係幾多元化的一隻"物業股"

壞處係實際現金得19億, 負債188億, 成份表都唔係好睇到實際純利點分配, 搞埋借錢比外國人買樓的融資平台, 唔知呢飯野搞得好唔好, 而且大家對邱氏家族都有D 意見, 好似係因為根叔搞過D 衰野? 有無網友提供下呢方面資料?

ref:
//向The Star作出之投資港幣1,341,000,000元(二零一八年三月三十一日:無)及向BCS按揭組合作 出之投資港幣436,000,000元(二零一八年三月三十一日:港幣146,000,000元)。//

19 則留言:

  1. 資料就沒有,這間遠東發展我是從2013年當一間新公司開始看,是現任主席開始掌權的時間看。

    如果你看番公司網頁,配置格式寫得好用心和易明。

    如果上一代名聲唔好,今代似乎想從良。以前英皇系中信系和0008都是這個系列。

    這隻股票最大波動肯定是賣樓,外國樓特別是英國和澳樓應該是下一輪房產消費升級。外國樓市不同中國香港不是以房地產主導,波動就肯定大。

    變了這隻持股操盤2個方式。

    1,長持,看好未來越來越穩定

    2,6里息買進,4里息賣出。波動操作。

    回覆刪除
  2. 想看老虎本色,可以看一看1097。有線寛頻供股。

    但我認為1097非核心業務,做衰就預了。

    35是核心業務,應該是顧全聲譽的。

    房產是華人可持續的朝陽行業,除非行業不好。例如利豐利標。財技上應該對小股東不會差。

    回覆刪除
  3. 簡單說遠展和華潤可以共富貴,不能共患難。

    長和系可以共富貴和患難。

    這是兩者分別。

    回覆刪除
    回覆
    1. 華潤系共患難時要割肉割到見骨,佢先至會派人黎幫手醫你,但係藥效好,唔使一炷香工夫你就會識行識走,即刻又同佢共富貴。
      以前291,以後836。

      刪除
  4. 拋磚引出AK 哥, 好同意遠展系只能共富貴, 本來我覺得佢確定性比嘉華高, 現在看都幾浮動, 不過佢係幾重視投資人關係, 呢個早有所聞

    負債重左D, 不過我都會繼續持有, 但就沒有組合其他股咁高確定性, 就不宜太大注了, 先持有觀察下

    回覆刪除
    回覆
    1. 我無記錯你持有長實,長實倉位大於遠東都是正常的。

      我等今日內房煙蒂粵海置地今晚公布業績驗證一下眼光。

      刪除
    2. 現在三隻中型地產:
      嘉華>信德>遠展

      刪除
    3. 作者已經移除這則留言。

      刪除
    4. 粵置唔係呢浪,不過個莊都收得幾靚,等布心開賣開始,佢嘅故事又會再開始。
      賣完布心之後就會炒粵投注資收租同埋房產產業務,到時憧憬無限。

      刪除
    5. Anson 兄好似有D 閱歷咁WO, 有故事的人?

      刪除
  5. 一言驚醒洛克人,哈哈
    話說如果買樓,D人話唔好買佢D樓,質素好差

    回覆刪除
  6. 有樣野唔係好明白
    點解有咁多好既地產公司
    偏偏要搵咁偏門既去買??

    雪明

    回覆刪除
    回覆
    1. 其實我己有好多地產股,但都係主力中港, 之前係貪遠展的全球佈局, 不過發現原來無想像中咁岩自己, 呢獲有D 樣衰!

      刪除
    2. 爛牌有爛牌打法,樣樣野看來都好通常都相當貴。

      刪除
    3. 是的, 我想法係用值博率控制注碼, 呢個係比較主觀的, 但對我係比較有用

      刪除
    4. 高息率的確伴隨相當大缺點

      刪除
    5. 做好晒牌嘅係人都識打,所以一定係貴。
      因此經營一副爛牌要喺最爛嘅時候上手打,遲左上手打值博率唔高,到時好易出銃。

      刪除