組合入面有兩隻股淨現金超過市值一半, 一隻係215, 1.15買, 一隻係934, 2.36買
215買入價6.5厘, 霍霍霍霍已經講左唔會低過而家個派息, 利潤回升就100%派息, 仲有三十幾億現金
934 買入價8厘幾, 管理層都有講過唔會減派, 不過口講口賠, 手上有五十億, 又話造LNG 又話買碼頭
買入呢D 股真係一分錢都唔可以妥協, 215 我底線第一注係6.5%, 934要8%, 唔好望咩私有化特別息哥D, 你望住黎買你一定輸錢, 倉位都好緊要, 215我只買了5萬股, 希望下溝到20萬股, 934 就四萬股, 應該唔會再加了, 每年減0.2慢慢收息
同理2136 我都有十幾萬股, 成本0.8, 你望住私有化你肯定輸, 要望就望疫情正常化後上海新場的盈利能力, 到時可能十幾億市值每年賺五億, 煤炭股估值, 哈哈
最近想加多D 兩桶油, 越黎越覺得而家係油就係兩年前的煤, 勁高息都無人信, 君不見12 蚊的十厘1088? 當年又係狗也不X
三桶油, 三電信, 兩個壟斷行業都係三間, 係咪巧合? 有趣
個倉必定要有油，持有386，printing $!
回覆刪除哈哈, 低調.....
刪除934我在去年底3元樓上賣了獲利之後一直想補回，但不斷傳出他要在歐洲大展拳腳搞碼頭，現有海外項目又不斷蝕錢要減值，就一直觀望，估唔到現在跌到2.4附近，股價的確吸引，但想到歐洲的前景麻麻，怕佢手痕唔服輸加注投入歐洲業務，將手上幾十億現金敗哂，所以唔敢入。我反而對另一隻中海石油化學3983有興趣，股價跌到2.1已經跌唔落，剛公佈中期，業績表面差過去年同期，但若扣除出售特殊項目收益，業績是很好的，最重要的是他有幾十億閒置資金，每年四季都拿去銀行做理財，賺取2至3％收益，去年都賺左億幾，而家買入都有8厘息，總股本46億幾股，大股東中國海洋石油集團佔左6成內資股，得17億幾股在香港發行，市值不過30幾億，上半年賺左近10億，現在重放緊一項值10幾億的棄置資產，手持的現金兄只會越來越多，將來派息也會增加。另外一隻老牌殘股38第一拖拉機，H股市值得十幾億，最近重組成功，中期賺5億幾，最得人驚係有閒置現金50幾億，可回購成間H股3次，但他沒此打算，最近開董事會通過動用不超過26億元閒置資金去銀行做理財。38股價AH一樣不斷尋底，若不怕悶同不介意低息，現價買同佢鬥耐性，勝算很大，另外北水持有此股高達3成幾，不知是否未到價還是被套住？
回覆刪除金戈大佬你真係博學, 934 管理層有講過唔會再搞海外投資, 但似乎唔甘心做收租股, 想搞下國內碼頭或做LNG 船, 買少少都不錯, 每年淨現金流約10億, 真係好痴線, 管理層不作死其實就得, 可惜....
刪除中海化學同中石化煉化我都有留意, 又係一堆錢係度唔知搞乜, 不過業務太複雜了, 中海化學印象中好似用天然氣整尿素? 天然氣長期高位都有D 驚, 我之前都有幾萬股不過平手走了..
其實215我係最鐘意, 本地股有感情, 鉅魔係衰D 但唔會做老千又唔會亂咁黎, 其實215只係派得慢D, 之前炒高到1.7再跌到1.15, 我諗鉅魔都估唔到
883重有一亮點就係發電業務，而家除左江蘇海上風電運行緊外，早排重响福建福州同廣東中山成立新能源發電中心，統籌沿海省份的海上風電同陸上光伏發電事務，海南都搞緊，總之有海的地方就有中海油份，有海水唔怕好似四川咁，河流乾凅唔夠力發電，汕頭海上發電應該好快完工，唔駛幾耐，發電業務可能成為中海油另一重要收入來源。
回覆刪除收到, 多謝金戈兄, 883 我衰在係9.7被震走1/3,換左去電訊, sad,,
刪除