香港商廈的第一滴血

香港商廈而家仲未出現第一滴血, 主要係各大發展商都唔肯減租金, 要頂住個cap rate, 但慢慢開始有D 小玩家頂唔住, 開始傳中環中心接貨買家而家要劈半價出售, 或者大減租

住宅其實一開始都係, 大家都唔肯減價, 吱牙膏咁推, 到大魔頭長實出深水炸彈大家先四散

商廈減值比住宅更嚴重, 因為上市公市的PB 大多由出租物業為主, 賣樓其次, 如果市場出現第一間劈租, 咁肯定骨牌比住宅嚴重, 銀行估值下跌, 之前靠出租物業的融資可能被銀行落雨收遮, 就算唔洗call loan 都肯定再融資困難, 到時一堆高債上市公司肯定G9G, 最慘而家大家都知跌市, 無人肯接, 一係就賤賣, 但賤賣可能間接推林個市, 唔賣又唔得, 一褲都係

香港商廈的減值潮而家先開始

同場加演含膿地產中報後大跌十幾近於, 呢間101 本身都係傳奇, 一直都好高溢價, 好似內房的金茂, 以前好景時已經係, 直到被踢出指數前都係, 哥陣遍地低估值地產股, 但101 PE 都仲可以有10? 商業地產憑咩可以咁高估值, 真係謎, 最後爆雷, 但都仲有260 億市值, 點計都肯定跌穿200 億先合理, 都未講高奢內地唔掂水加負債高呢D 問題, 真係一個謎

另,  和記果然無特別息, 但數據都係向好, 只係賣電話收入大跌, 漫遊升三成, 利息收入竟然半年去到成億, 唔明佢36 億收5厘點可以咁勁, 今日希望大跌吧, 我只求慢慢變富.........