和仔特別息的機會不大

和仔於2019 及2021 都有派特別息, 然後2022 及2023 無派, 大家留意下和電的固定派息政策係2022全年業績時提出的：

///

集團將繼續派發與 2020 年相同水平的股息（即 3.61 億港元），直至股東應佔經常性溢利超過

3.61 億港元為止，屆時股息派發將改為相當於股東應佔年度溢利的 100%。因此，集團會在考慮

現金狀況及任何潛在投資機會後，於 2023 年公佈中期業績時決定盈餘現金的用途，屆時或會考

慮宣佈派發特別股息。

即係話兩次派特別息時都未有固定派息的政策, 所以要維持3.61 億的固定派息, 手上的36 億現金正常係必要的, 因為每年收息可以高達1.5 億, 已經足夠固定派息的4 成, 如果減少了36 億現金, 和電一係就放棄固定派息政策, 一係就要燒現金維持固定派息, 呢個情況係李大少手下係唔會發生的。

所以要派特別息應該要有兩個條件

1. 美國減息, 36 億收息食之無味, 或者有機會令管理層派特別息

2. 和電的3.61 億派息可以靠自身業績進行, 意味住要利潤貼近3.61 億

暫時唔到上面兩個可能會發生, 就算美國減息到3 厘. 和電都可以收到1億利息, 派左出去和電的固定派息壓力會大增, 掉轉和電已無派兩年, 大家開始對特別息不抱期望, 老霍應該唔會冒險, 而且和電未來都要用錢拍頻譜, 加上和電本身靠業績短期到達2-3億, 機會不大, 漫遊就算恢復到100%, 加上換新iphone, 我估都係2 億左右。

所以大家唔好期望有驚喜, 穩定當銀行收息, 現價7.3厘左右即可, 依然係泊錢退休一大寶物。