1883 係我以前的頭號舊愛, 識我的人應該都知, 最高峰以前佔我倉4成, 同而家941 一樣
1883 係澳門人的情意結, 壟斷, 高息, 現金流好, 係以前真係收息之王
但自從澳門特許經營傾唔掂 (唔係牌照, 唔明點解好多人都話牌照問題), 已經失去左佢獨有的特質, 就好似中國突然話唔限三大電訊(其實仲有廣電), 任何有興趣的人都可以申請咁, 點可能唔受影響?
1883 以前都會獨立公布CTM 條數, 但近幾年無, 所以跟本唔知影響幾大, 可能大, 可能細, 呢個本來已經好大不確定性, 收息的主倉可以唔一定最高息, 但一次要派足, 唔好突然同我講一時9厘一時8厘一時6厘
再插一刀係23年下半年利潤同上半年比大降, 然後2024上半年繼續跌, 已經無左業績的可預測性, 即突然爆賺, 突然又唔賺, 管理層跟本無解釋當中的國際電訊業務係咩黎, SMS 點可能突然賺幾億, 半年後突然又無賺? 超級可疑
然後疊加2025年借的4.5 億美債到期, 加上辛爺爺退休, 西成哥上場, 會唔會財務大洗澡?
呢堆不確定性都要至少到2025全年業績後先可以稍為清楚
1883 而家95億市值, 如果只賺到8-9億, 加上還債, 仲可以派到幾多? 這是一個謎, 總之收息只需要理派息的確定性, 而家1883 只可以係跌到殘時撈少少睇戲, 同我倉入面的完美, 東方錶, 領賤差唔多, 世上果然沒有長持的收息股
多謝分享。
回覆刪除國際電訊業務懷疑係果堆詐騙電話，管理層梗係唔可以係枱面講我地因為冇晒詐騙電話而賺少左
回覆刪除至於SMS 應該係一來冇晒COVID 短訊，二來香港銀行基本上用晒自家APP取代SMS 驗證短訊
吹遮，你講乜都得，詐騙電話半年可以賺2-3億？一係1883有份一齊做，唔係點解得1883受惠，跟本靠估
刪除都係哥句, 管理層一句國際客戶調整就可以唔洗解釋, 係我角度完全唔合格, 話知你做咩灰色產業
刪除今次大跌既話算唔算入貨好機會？
回覆刪除你計下1883 最差賺幾錢, 然後睇下市場其他股, 就知1883 性價比
刪除作者已經移除這則留言。
回覆刪除連個天都幫我，7月4日至12日期間頭已清倉1883，換曬去3618+3668，至少後者有潛力再上，又唔洗被澳門政府玩殘…🤣
回覆刪除師兄個名好過癮, 哈
刪除巧合而已，CTM意思係陳大文，並非指澳門電訊🤭
刪除215 都有澳門業務, 股價處於低位, 咁佢可能係低調高手
回覆刪除215 一早已盈利, 繼續造出虧損假像, 電訊股睇自由現金流比較重要
刪除港澳電訊市場規模太少,容不下甘多間電訊公司存在,再加上同國家安全有莫大關係,演變落去,通訊業務可能只剩941獨大,雲服務,數據中心就由三傻瓜分,今早1883大跌20%,應該有雷爆,再加上中信系是壞孩子,國資委已整治左佢好耐,應該重沒完.
回覆刪除香港暫時穩定, 中移動香港的確係以本傷人, 但我經驗係中資入港澳會水土不服, 其實中資電信只需要幾十億收購本土電訊股就可以即時搞掂, 不過我估政府未必比, 因為要拍賣頻譜掠水, 香港三間應該走唔甩
刪除