點知今日整單鼠頭, 一野令220市值蒸發左10%, 我真係得啖笑中帶點無奈, 先唔講單野假到不像真, 係包酸菜要塞得落個鼠頭, 個事主唧完出黎仲要食晒成碗面再咬一啖先知係鼠頭, 成件事本身已搞笑, 再發生係食用油, 農夫山泉之後, 個時間點真係完美
我只係想講, 任何股都會有黑天鵝, 一隻幾老定的股都可以出意外, 分散永遠係散戶的自保力量, 世事變幻無常, 無常才是有常
BTW 6.2 我都買番4000股支持下220, 又睇下個鼠頭真定假, 哈
同場加演勝屍被爆擊, 打野三寶716. 220, 732, 得番732 頂得住...........嗚哇
台資企業始終有一定政治風險,若大股東是熱烈擁護祖國統一就冇問題,若唔覺意被查出是台獨支持者或有台獨傾向,再離奇的事都會發生,維他奶公關幾年前做左件大傻事,搞到股價大插水,國內市場冇哂,至今都恢復不過來,其實李首富都有類似風險,別讓他跑了,投資其旗下上市公司,都要計埋風險溢價,業績不是好差,有錢賺還年年派息,股價一樣可以長年往下跌,若中途做了些惹惱阿爺的或說話,小股東可能要跟住佢陪葬,死左都唔知發生甚麼事.
回覆刪除小倉無壞, 收下息又係淨現金, 成本5蚊
刪除我認識統一在香港的高管，帶過我巡街舖睇貨架，教左我唔少。一兩年前股價低位，暗示過業績。不過冇理佢，冇買。業績公佈後升了不少。
回覆刪除tai bro 都識好多大粒野
刪除政治風險不容小覷
回覆刪除thanks bro
刪除