睇番上一次講創仔, 2020 年頭十蚊, 2020年尾5.5, 收左三年息, 私有化9.15, 真係唏噓
創仔為我賺過錢的, 只係當佢狂買公路又用自己錢買17 的5厘債券又話回購點知吹水又賣晒D 優質野之後, 我地就分手了, 所以我地係和平分手
真係估唔到創仔會比私有化, 因為17 幾窮大家都知, 更估唔到係周大福呀媽一野食晒, 買埋17 哥份
記得和記兄講過創仔係當年純純搞亂檔被迫分拆出黎救老母17 的, 全部都係靚到乜咁的資產
可惜係659 在位多年都坑唔少人, 其實後兩年佢有左派息承諾之後, 如果唔係亂咁買野同賣野, 659 真係一隻拍得住941 的靚股
太可惜了, 純純系的股的確難玩, 不過都曾經為我帶來快樂, 祝你地以後白頭到老, 以後無咩唔到再分拆啦
十幾二十蚊買659長揸收息的散户真係冇仇報，收左的息肯定追唔番價差，重要浪費左機會成本，白白冇多年時間，若兩年幾前才開始買入並長揸的散户就十分满意，望都望收購成功。我都算好彩，前年6個幾入過659，揸咗唔夠一年，收過兩次息就走左，彤叔一去，大樹漂零，後兩代似乎是一蟹不如一蟹，新世界系的股票真係令人冇物信心，少掂為妙。
回覆刪除今天中移動消息多多，官方宣佈了多項壯舉，真係似足一隻高科技股，第一單是宣佈自家研制的二款通信蕊片已完成，並已生產了二億片，相關的5G設備產品有四千萬部，佔全球的40%,是甚麼東西我真係識條鐵，唔知係物，但蕊片已可自給自足量產，無需外求，早幾年起的蕊片廠應該有大量盈利，隨時可分拆上市圈錢。第二件係商用5G通話模式今年可開始，係物東東我唔識，只知係屏幕好大好清，可隨時視像開會，不計流量，俾贵d月費就可廣泛作商業用途。第三件係成立元宇宙產業聯盟，自已做武林盟主，已有24間企業加盟旗下。第四件係5G衛星通訊又搞掂左，係物野科技我又係識條鐵，我只識低位買左中移動來收高息，重大概率會派多好多年高息，呢幾件事件件都會為中移動未來帶來可觀盈利，三傻中中移動的升幅已由年初至今的包尾變為帶頭，其餘兩傻可能在長途赛中前段放得太快，後勁不及中移動。
回覆刪除中移動我真係唔擔心...除左擔心60樓下買得太少...哈
刪除國家统計局公佈5月份具規模工業生產利潤仍有雙位數跌幅，跌幅已較1至4月份大為收窄，但電力行業盈利在5月份增幅達40.7%,唔駛等到出半年業績，一衆電力營運商的盈利肯定靚爆，1071,902等一早已創新高，並在高位徘徊，相信今年發電行業會發圍，相對暫時升得冇甘誇張的836更令人憧憬，入番恒指成份股後，股價經常被人為刻意壓低，但是金子始終會發光，待半年業績公佈後，大户收齊货，再借以15至20倍PE分拆新能源發電回A，而836的PE得番5至6倍，到時股價想㩒都㩒唔住，10倍PE俾836一d都唔過份，另外中期息隨盈利急增一定大增，假設股價唔升就變左高息股，而家有少少後悔為何不在12蚊時放胆買多d，雖然都揸左佔倉位20%。
回覆刪除836 我17蚊被震走左....轉左去762, 感覺不太妙...
刪除