最新發現一隻傳奇淨現金股中國精密591, 停牌11 年復牌
最搞笑係佢渣住14億淨現金, 市值2億, 十幾年前上市CAP 水最高炒到7 蚊
停牌原因都係匪而所思, 話其中一間子公司 (福洲XX...姓福的比較易停) 因為涉及生產國家機密產品唔可以透露, 當時的核數師畢馬威對唔到條數, 591 又解釋唔到, 所以要保留意見停牌
之後搞左十年, 換左間天健, 搞笑在呢十年天健博老命咁証明591無問題, 到2022 年6月復牌前突然唔做, 轉左比一間叫咩國浩的核數師, 終於用說服証監比佢復牌
但奇在完全睇唔出佢呢十年究竟提供左D 咩, 亦唔知最後証監點解比佢復牌? 就算佢唔可以提供敏感產品資料, 都無理由條數都對唔上架, 香港大拿把國家機密公司啦, 唔見佢地停牌?
出於對佢帳上14億的尊重, 0.255買左十萬股, respect.
btw 原本我想講淨現金股的好處, 例如手上的亞太衛星 (18億)同中海化學 (80億), 點知591 一野証偽左淨現金股, 唯有加個條件, 淨現金國企股囉
2012年停牌至今都可以復牌，一定唔係間公司財務有問題，十幾年前有d數唔講得俾畢馬威知，就算犯例被停牌亦在所不惜，十幾年過去，世界形勢唔同哂，以前唔見得光的數現在可能已不是秘密，呢間公司可能真係造緊一些國家機密級產品，表面係造鐘錶錶蕊和一些儀器配件，完全唔係d物野賺大錢的業務，去年做左7千幾萬生意，蝕左幾百萬，全公司連香港都成4百幾人，蝕的錢都唔夠出糧，但個十幾億現金仍然冇消失，福州廠房仍然運作，佢應該唔係國企，但係有供貨俾中國航科，中石油，中石化等大型國企，係物野貨冇人知，嗰十幾億現金是否是國有资產，不能亂動？而家有間叫capital resources 的基金仍持有8%股份，唔知係外資定係內資,冇查證過。首先要令間公司有盈利先可以有借口派息給小股東，否則長期揸住十幾億現金都益唔到小股東，只能寄望股價倍升，而家市值得二億幾，只要有一年賺番半個億至一億，股值就要重估，股價就會大升。
回覆刪除金戈大佬, 準備迎接爆擊未?
刪除