我一直奉行的投資之道就係分紅流, 以分紅為主, 睇落無乜但其實非常不易
玩左咁多年發現分紅流其實就係睇選股能力, 以前會只係睇分紅同簡單分析下行業(以前買的卓悅, 內房, 內銀, 香港本地股等), 但其實唔夠, 要睇分紅的質量
分紅質量入面分為賺錢質量同管理層質量, 前者係保持分紅的能力, 後者係保持管理層分紅的意願, 缺一不可, 君不見一堆管理層大方分紅但利潤質素其差的股( 1310, 8, 以前的3323), 亦有大把能力分紅但偏偏唔分的(不能盡錄), 其實呢兩個質量西選己經可以淘汰9成股, 要求一D都唔低, 利潤質量意味你要識睇股票基本面, 行業, 大環境 (週唔週期, 能否保持), 睇完就睇管理層, 我而家覺得最好係國企, 民企老散贏面太低
分紅流佔我八成倉位, 兩成倉位走去打野, 呢幾日我又睇番以前關注過的兩位大佬, 雪球的我是丁蟹, Blogspot 的jack li, 竟然發現有好大相同, 兩個都係用混沌流, 當中實操最易的就係我是丁蟹, 講究的就係極度分散+低殘( 注意, 唔係低估) + 飛標, 持有以年為單位, 每隻不超過2 %, 咁樣每年都一樣有12%收益, 重點係唔洗煩, 高就賣, 唔升就當佢不存在, 輸十隻都係10%, 但問題係個倉要夠大, 我估至少要500萬以上先可以玩出愛火花( 初期成效不顯眼)
其實兩個流派也不是完全無重疊, 你可以用分紅流去加強混沌流, 極度分散持有一堆低殘而有分紅歷史的股, 我而家6成倉941 762 883, 再加2成倉其他收息股如173 1088 1898 564 1883 215 315, 奧思, 其他2 成倉係TMT 同打野, 下星期考慮下打野倉掘一成出黎搞個混沌分紅流, 體驗一下
其實而家港股好似遍地黃金, 8,9,10厘遍地, 但邊D 符合上述我講的兩個質素, 其實唔多了, 反而混沌流有一堆, 3323, 東風, 好多啦支國企股, 呢堆啦支有一堆缺點, 3323 水泥內房重債, 東風下坡有排走, 但就係咁, 先符合混沌流條件, 因為混沌意味乜都可能發生, 三年後可能又變香砵砵, who fucking know ? 所以先要極度分散, 係極度分散
混沌流精粹:
博主所言甚是。多謝分享。
回覆刪除愛恩斯坦曾講過複利是人類第八奇蹟，年化率有12%當然好，但人生苦短，以年計實在太折騰，但若把年變成星期甚至日，成效就會快好多。我去年就利用馬會，做實驗，效果出乎地好，我強調不是鼓吹賭博，而且是零成本，起動資金僅100蚊，玩左一個馬季，回報150倍，話多唔多，盈利萬五蚊，若非内心唔夠強大，為左蠅頭小利而戰勝不了心魔，匆匆割禾青的話，回報會更驚人。方法如下:利用近年馬會的最偉大發明靈活玩，買一條過六關的注項，不是要中足6場個種，中一場或2場都有錢收個種，如6串15或6串21,不需要刻意買回報高的冷門，買命中率高的熱門即可，目的是分散風險，避免本金全失，命中率3成中2場平圴有回報30至50%，若中3，4場回報會有幾倍，看似沒甚麼威力，但重點是到下一次賽事的所得，例如上次100蚊本金連本帶利有152蚊，下次就再把152蚊進行投資，就算眼光差只中得一埸，本金都不會全失，可繼續運行落去，若間唔中有次中番4至5場，個本會滾得很大，去年的經驗是袋番100蚊本後，個基金有翻幾仟蚊時，就會違返初心，收番大部份盈利，改為由幾百蚊再開始，结果又係俾番幾十個巴仙回報給你，但注碼已大減，浪費機會。今日馬季開鑼，又用100蚊試驗，幸運地扣除成本後，重有147蚊免费資金積存，下次賽事買哂147蚊，若每次都有幾十巴仙回報，好快又到擊球區，今年一定要戰勝心魔，儘量延後割禾青，就算割都割少d。
回覆刪除投資生涯餘下20年。20年後退休？
回覆刪除