印SIR 終於被人拉走, 但都唔係話真係判佢坐幾多碌
一直好奇點解印SIR 搞到而家先被中央搞, 似乎好多事情都唔係我地老散睇得咁簡單
以前D 乜乜系老總, 直接充公你身家兼搞掂你啦, 洗鬼比咁多機會你
印SIR 可能只係成個遊戲的一隻棋, 似係一個傀儡皇帝, 享受住虛假的權力和生活
講真印SIR 真係無一忽似企業家, 似暴發戶多D, 仲搞咩歌舞團, 又汽車又足球
其實恒大應該有至少三至五次收手機會, 由2020 年三條紅線開始
我覺得印SIR 都係身不由己, 所以先孤注一擲, 唔係我唔信有人會癲到同中央作對
之後搞美國破產應該先係令中央死心的一步
印SIR的個案, 似乎係中國發展無可避免的一部份, 就算唔係印SIR 都會有其他SIR
點都好, 印SIR 已經千古留名, 可以紀入史冊, 總比廿年前一個小房企老總更不枉此生
如果我係印SIR, 可能都要玩一舖, 不枉到此一遊
腦中又響起一首歌~每次我抄底時都會響起的歌
"人生~太短~出手要更大~~傍觀者不需~理解~~"
皮帶應該都是白手套，幕後老细肯定是有權有勢之人，能舆一男子鬥左甘多年才敗下陣來，樹倒猿孫散，印印都再冇利用價值，走又走唔甩，連個二仔都走唔甩，一大班高管馬仔全部陪葬，真係一鍋端，遲些中央電視台肯定有特備節目，由印印親身上陣，向全國人民致歉，講述自已的罪行。我最想知香港有幾多富豪同上市公司揩左恒大高息毒債重未爆出來，醜婦终須見家翁，真相好快會浮面。
回覆刪除有個年僅38歲的私募基金經理離世了，生前管理的4隻基金大跌7成以上，全部重倉民企内房，融創，恒大是主力，人走左，已叫客户前來銷户，拿番僅餘的本金。此君來自農村，冇學曆冇靠山，憑藉多年打工儲埋三十萬，遇上地產狂潮，大炒地產股，三十萬滾下滾下變左幾千萬，變左雪球大V，不斷推廣自已的價值投資觀，又出書，名叫傳世書，深信投資房地產必勝，除了自已訓身投資民企内房，重開左4隻傳世基金，由於信衆衆多，不少人真金白銀買左佢d基金，之後基金大跌，他仍堅信自已個套，對内房股不離不棄，堅信自已冇做槓杆，内房又超高息，一定捱得過去，但買左佢基金的散户就反面，大罵他是騙子，甚麽一年10%回報，百年後就變萬倍，足可以傳幾世，全是鬼話。我相信他也不是騙子，只是對自已太過有信心，選錯了賽道，在錯誤的路上不斷努力，無論點努力，結果都會好悲惨。少年得志，可能是靠運氣赢左第一桶金，不懂進退，最後憑自已實力失去了一切。
回覆刪除唔知真瓜定假瓜, 雪球所謂私墓都係無乜好下場, 得個丹書叫做頂得住, 私墓門檻太低, 呀豬呀狗係雪球吹下又話私墓, 時勢做英雄, 呢班私墓渣FIT 人清盤但都已經肥左好多年, 最慘係一班入局的老散
回覆刪除