2023年3月23日 星期四

941 1045 業績

941 全年賺多8%, 可惜因為匯率同回A, 每股只賺5.88人仔, 派67% 全年都係派得4.41HKD.

失望, 不過現價仲有6.9厘, 比728 762 好

增速什麼的我就不講了, 繼續留意941 的派息能力


係度想請教各位大佬, 呢個非流動資產中的金融類資產係乜東東? 是否具備可變現能成?




流動資產又有





現金流差左, 未睇點解


1045 全年賺少左10%, 派息少左10%, 主要係匯兌輸左兩千幾萬, 上年係賺1700萬, 非戰之罪, 派息率雖然升到88%, 但現金由13.6億增加到17億, 你都唔派多D, 又真係失望.



但奇在年報話自己現金等價物減少左2億, 條數我點都對唔到, 真係唔識睇




後記, 睇番以前D年報, 我終於知係乜, 五億八係做定期, 兩億幾係股息同租賃費, 我真係服左你








12 則留言:

  1. 根據畢馬威在附註中說明非流動資產中的金融類別,是指中移動把閒置的錢去銀行做理財或債券投資之類,一般年期都在一年或以上,都係要簽約保證利潤回報,幫襯都是幾大內銀。好多大大細細有大量閒置金錢的央國企都係甘做,如王兄最近持有的3983中海化學,閒置資金幾乎多過成間公司市值,每三個月就將幾十億資金分散在不同的內銀做理財。

    回覆刪除
    回覆
    1. 多謝金兄指教, 加加埋上面堆野都有五千幾六千億....繼續唔洗愁

      刪除
  2. 今晚中移動的業績講解大會,楊總大大聲話23年營收必過萬億,22年都9千幾億,都係多幾百億姐。最令人安心係話23年資本開支會大幅減少,22年最顶峯係1千8百幾億,今年會減幾多冇話實,不過少幾百億應該冇得走,至於A1,又賣花讚花香,話22年已成功變現左幾十億,日後會更多,擁有大量數據的中移動,在國家數據法實施後,若能攞正牌成功將數據變現成為盈利,先至係最偉大,最無敵的貢獻。

    回覆刪除
    回覆
    1. 三傻大餅, 聯通最大, 中移都唔錯, 中電信都係吹天翼雲

      刪除
  3. 聽真d,原來楊老總話23年資本開支會減到1832億,22年為1852億,少20億甘大把。原因是5G基站開支大减,但其他新業務的基建開支會增加,但保証開支不會超過全年營收的2成,並斷言23年盈利百分百會創歷史新高,但盈利增長不一定會超過7%,保守同坦白好,起碼有數得計,小股東起碼會知來緊幾年至少會收幾多息。

    回覆刪除
    回覆
    1. 金戈兄提及5G基站投資會減少,即刻想起長飛光纖,是否收入也可能會減少?未知其餘兩大都同時減少?但長飛正積極外地收入貢獻,未知能否抵消。

      金水

      刪除
    2. 直至2022年底,全國有231萬個5G基站同埋1000個千兆城市,工信部上個月最新指令23年要起多60萬個,主要在鄉村,年底要達到290萬個,其實數目同22年差唔多,分別只係邊間冇甘多要起多d,可能中移動一向擁有最多5G基站,重有一間合作伙伴廣電都係專在偏遠地方搞5G,起5G基站,因比中移動在起基站的支出可能會減少,但對長光飛纤應該冇影響,全國今年點都要起60萬5G基站。

      刪除
  4. 其實762一出我已經知資本唔會大減, 因為要搞雲基建, 所以我已經無預三傻可以減到, 黎緊只要保持到增速(762 >15%, 941>=8%), 加上派息率增加, 我已經好安樂

    回覆刪除
  5. 1045 定期入落投資資出就當左現金減少,定期做到13億但派就得2.幾億。失望

    回覆刪除
  6. 王兄早前買入的現金牛3983中海化學,今晚出業績,盈利16億幾,增長不多,但派息增加11.4%,每股盈利0.36元,派息0.178人仔,今日股價收1.85港元,又一隻高息股,成間公司市值不過85億,竟然有80幾億放在銀行做理財收息,當佢股價長期不升,淨係收息都好快零成本。

    回覆刪除
    回覆
    1. 咁多隻, 得3983 超預期, 941, 883 中等, 其他炒粉, 今年真難玩

      刪除
  7. 中移動母公司中移動集團以每股6.64,買哂郵儲行增發的新股,盛惠450億,今日郵儲行A股收市價4.65元。中移動必成一隻龐然巨物,超级撒亞人。

    回覆刪除