之前做過一個預測, 1113 每年200 億利潤應該KEEP 到, 睇黎真係太樂觀
今年有波仔道20 億加持下都係賺百七億, 主要因為賣樓急跌, 以後賣樓每年可否KEEP 到? 真係一個謎, 取決於1113 推盤速度, 同埋樓市, 我個人保守估每年50-70 億已經好好
另外酒館真係廢廢廢廢廢廢廢廢廢, 買哥陣印象每年賺20 億, 而家疫情過左去2 年都仲係10 億左右, 呢件野真係鉅頭失敗之作
其他都係穩定收入, 租金, 酒店, 基建, 加埋150億左右, 另外原來利息都比左四十億? 邊個話長實係淨現金公司? 睇真D 淨負債百幾億, 咁睇唔覺有幾值
未來1113 長年應該維持150 -170億利潤左右, 其實佢今年派息比率升到42%, 都有交袋, 咁未來有無機會去番200 億? 如果得, 咁派4成都有七厘幾八厘, 但係呢個同長和能否KEEP 到300 億一樣, 係一個謎, 就咁睇就唔樂觀, 長實英式酒吧同長和電訊一膠樣, 都係外人無法睇得明, 但又佔公司好重要的一個業務, 都係等佢跌穿30 再睇吧
結論, 市場無死錯人, 1113 跌唔係單純因為減派息, 賣樓同土儲都係一個變數
超人, 一代英名....敵不過時代
講笑咁講, 超人係敵得過時代, 只是股民敵不過. 安全起建, 地產股唔好睇, 更加唔好淋
回覆刪除2018年李大少破紀錄每呎8614元補地價,金額129.71億元,搶左同港鐵合作的黃竹坑6期項目,此項目分三期,第一期係商場項目,起完免費送俾地鐵用,第二,第三期共有1200個單位,上個月趙國雄話準備賣第二期單位,取名blue coast, 重話成本價要28000蚊一呎,若冇作大,呢個盤一定要蝕到喊至賣得出.重有在2023年頭,見同新地合作的飛揚好似好賣得,結果係賣左2年幾賣到今時今日,減左唔知幾多次價,撻定又撻左好單,都係賣唔哂,而家重賣緊,2023年以每呎4800蚊獨資投左大欖一大塊地,當時就沾沾自喜話以超低價投得,因同區最高價係6仟幾7千蚊,由内房好似係恒大投得,呢塊地由於面積大,需投資130億,大欖呢d地區,又唔係屯門市中心,又無鐵路,交通又不便,離内地又遠,反而最近荃灣,起好左真係揾阿水買.
回覆刪除