美團2019年上市, 69蚊, 最高升到400 蚊, 當時我一個80 蚊重倉的朋友仲請我地去食日本大餐慶祝, 今日2024, 股價去番68
歷史帶比我地的教訓, 就係人類永遠唔會係歷史吸取教訓
世上如果存在一隻長持的股, 咁一定唔會出現係港股或A 股, 因為唔止公司, 仲要國家環境市場民族各方面配合, 以前唔明呢個道理, 而家終於明
如果恒指升番3萬點, 我都唔會再長持任何一間公司, 因為呢個地方係唔會出現"偉大的企業"
當然你可以話美股人地NVDA MS FB 一堆靚公司呢兩年爆升, 唔通人地唔偉大?
我只可講, 投資係十年廿年三十年的事, 千其唔好有幸存者偏見, 找到自己的路最重要
可悲, 可悲, 今日恒指又挑戰萬四
慶幸自己由頭到尾都只係貪股息, 從無想過搭成長的順風車 (雖然當年玩TMT 都玩得幾開心)
反撲歸真, 行到最後, 能夠永遠陪係你身邊的, 只有你已經落袋的股息, 其他只係廢言
現在中國行緊具中國特色的國家資本主義，能長久生存的只有央企，目標係造十隻八隻巨無霸出來，類似纳指7雄之類，你可選擇唔玩，要玩又想嬴的話，就只能跟新遊戲規則玩。
回覆刪除加左好多552 , 371同英軍, 又可以繼續為國作戰
刪除新世界10蚊都穿埋，人稱實力好勁一定冇問題的16又創新低，朝住6字頭尋底，負債高就是負債高，高息係要還的，有幾多磚頭在手都冇用，好價賣得出先有用，波叔個仔賤價不停賣野還息就係人版。
回覆刪除1883下午出左通告，獲澳門政府續約9個月，之後再傾，是好消息嗎？
回覆刪除正常會續, 但係9個月真係太短, 以前起碼續兩年, 業績有保障, 九個月真係好雞肋
刪除原來不經不覺間，長和的市值已經低過中電、恆生、港鐵等...
回覆刪除當年睇鉅頭, 還是睇錯了, 一蟹不如一蟹, 盲目守業, 逆境完全睇唔到有咩作為, 或者是我不懂他
刪除1883得9個月長合约，9個月後很大可能會失去，這或許是市場的推測，開放市場競爭不能只講不做，可能過去十幾年澳門電訊沒甚麼作為，早已惹澳門人不滿，換間更具實力的中國電信，做更多5G相關服務，都是好事。1883下午跌近5%已算少。
回覆刪除今早仲有班人以為會爆升, 2.9 逃生門開走一早, 2024係政府換屆年, 變數極多, 仲要深熊市得8厘, 唔賣的真係唔知講咩
刪除