投資多年, 個人感悟最幸福的事係比你係合適的價位買入一隻安心的股票
買入後可以三至五年, 甚至十年唔洗理 (沒有任何股票係永遠唔洗理的)
我個人認為投資基本上係無樂趣可言的, 除非你追漲殺跌, 今個月玩煤, 下個月玩科技, 再下個月玩地產
少數人係可以用輪動的方法賺大錢, 但對一般老散, 最美麗的結局係買入八至十厘股, 收三至五年息, 最後係3-4成升幅情況下賣出, 其實已經賺了一倍
每日望住股票APP 是很累的, 會忽略人生很多美好的事物, 遇到一隻好安心的股, 然後係一個好安心的價買入, 是幸福的, 因為需要天時地利人和才能遇到, 買得夠唔夠多又係另一問題
以前有個同事, 一出糧就買合和公路, 買左好多年, 然後私有化爽爽, 這就是老散最美麗的結局
賣出唔難, 問題係賣出後的錢怎麼辦? 多數人會憑實力輸掉
後記: 關於幸福感, Jack 哥的意見我非常同意 (Jack 哥你去左邊......)
https://jackliinvestment.blogspot.com/2019/06/blog-post_18.html
多謝分享，老王兄你的觀察我是認同的，特別是賣出後再投資的問題，很多時換馬的比原有的更差。
回覆刪除保持原有的，可能只是把賺來的輸回部分。換馬的就輸鑊金。
刪除換馬也要天時地利人和, 很藍的啦
刪除本人深感認同👍
回覆刪除謝謝老王
回覆刪除通常買到好價錢
1. 世界末日，個個人唔睇好
2. 冇乜其他人談論提起的股票
以上都是敢於與人不同，透過自己努力做好功課
萬五點時真係好多呢D 股, 可惜我修心不足, 繼續等下個機會
刪除你說的絕對是
刪除加上市場很多雜音，見高拜，見低踩，跟紅頂白
除咗理性分析，EQ心理質素不可少
數人會憑實力輸掉... :)
回覆刪除最幸福的是增加零成本股票的數量，好過買樓收租，唔怕欠租唔怕大维修唔駛交差餉，一直收息收到告别地球，間公司重可能千秋萬世生存下去，零成本持股不外乎持有派高息公司，揸個三五七年，若想快d達成目的，一年做番一兩次有肉食的T，連埋股息，一年有3成幾回報，三年就可白嫖一隻股票，好似打機唔駛課金就可白嫖道具武器般感覺特爽，中海油好快會成為我下一隻零成本股票，買左年幾，總共收左2個1毫8息，買入成本6元左右，期間做左幾次T，持貨成本3元左右，今晚出左盈喜，賺左1400億樓上，盈利升100%,如無意外，未期息至少派1元，揸多2年，不理股價大升或大跌，淨係收息都收回成本，去到24年，883保證每年派息不少於7角。倉內重有幾隻零成本股票，包括3983中銀，836華潤電力，1171兗礦資源。另外一隻941相信不出幾年都可零成本收回，4O零蚊買，兩年收左好似7個幾8元息，做T賺得一元幾毫一次，威力不大，若來年每年派到5元一股息，甘就好快達標，悶係悶d但穩陣。
回覆刪除我唔係太認同零成本
刪除我比較鐘意賣出增加股息
例如100元買十里股，升一倍200元賣出。就用200蚊買另一隻十里股。
一年所收股息多一倍
零成本有兩個問題, 首先你要搵到一隻高息靚股, 然後你要買入足夠多, 最後為左減成本要做T 或賣出, 三個環節是旦一個失敗都唔掂, 所以我不會強求成本為零, 去到不敗之地就夠, 例如師兄3蚊成本的883, 其實已係不敗之地, 希望我50成本的941 都可以係下一個不敗之地
刪除AK 哥, 搵到一隻10厘靚股唔係咁易的, 如果咁簡單我就開心囉
刪除買入足夠多，其中一個要求係穩陣嘅才有信心，足夠多而下跌，可能跌三成五成，都是壓力
刪除某程度上 大多數十里股都是50億以下細股。很多時退而求其次6至9里息搵50億以上中市值股票。50億以上有十里息通常週期性強或高比率負債。
刪除所以點解我4成倉941...除非你當埋電訊係週期股
刪除728 also rose a lot
刪除電訊股係有週期，只是較長。5 g轉6g常規昇級。
刪除A股三大電訊商一齊發力，中電信升停，中移動都升4.4%,收77.87元，只要升多19%,就到100元人仔一股，成為百元股指日可待，工信部昨日公佈22年電訊業全年收入同比增加8%,三大電訊商盈利肯定又大增，雲計算等新業務毛利率肯定極之高，未來幾年開支又大減，盈利只會越來越多，加上7成派息比率，啱哂躺平收息一族，好似中移動一年派兩次息，我一年收息都收6位數字，2022年已派計，23年肯定收多d，講真收中移動息已夠哂我全年使费包括差餉，管理費，收多幾年息到零成本時，就算941升到一百元樓上都唔會沽出。
回覆刪除無買728 可能係我2023 最後悔的事, 但高位不敢追了
刪除真利害呀！
回覆刪除其次能遇到同路人的開解，也是另類幸福的快樂泉源，祝各位博客，兔年投資有道，財源廣進，身體健康，一本萬利。草上飛
回覆刪除多謝飛哥, 投資可能係一條孤獨的路, 但交流係學習的一種是肯定的
刪除不跟從群眾，買入時當你係儍仔
刪除