2022年8月10日 星期三

混沌VS 混沌

多年前我曾經提過一個雪球人物 我是丁蟹, 佢的混沌投資法很有趣, 呢兩星期再重溫, 發現其實都幾適合港股呢個垃圾市場, 佢主張股票所有野都係混沌, 然後股價和估值都係根據一些混沌而來, 所以股價也是混沌, 而由於人腦天生無法處理混沌事物, 所以佢選擇....猴子擲標法, 以混沌方法去處理混沌

人唯一可以控制的就係資金管理(倉位), 所以佢每隻股不超3%, 主要買殘廢高股息, 持有年期由6個月至五年, 佢提到每年收益10-15%, 但從來唔洗用腦

我個人非常鐘意呢個玩法, 重點係可以用極低生活成本達到10-15%回報, 我之前也有提過交易成本除左錢, 仲有生命和生活, 時間等, 人係唔應該花太多時間係交易上面的

同時佢亦提到我另一個好有興趣的人物纏中說襌, 所主張的纏論都係同樣道理, 不過佢更偏向睇技術分析, 唔太岩我, 但纏論中的"纏", 我理解就係混沌

係度我想再重申一次, 一般人係無法學習老巴的, 大家真係唔好太迷信老巴, 價值投資係對的, 但一般人跟本無條件去衡量"價值", "價值"本身就係最混沌的東西, 人們希望透過什麼PB, PE, PEG等等去說服自己或別人隻股好低估, 好值得投資, 跟本只係水中撈月, 希望有新手睇到呢段說話, 救得一個得一個, 哈

我認為成份財報最真實的只有一樣野, 就係股息, 因為係真金白銀派比你, 其他只係會計遊戲

試下學習下混沌大佬, 盡量將電訊組合外的資金打散, 係恒指20000 點時買入一D 覺得低殘的股, 每隻佔1-3%, 又試下行得通無?


中鐵建

合景悠活

建行

農行

807

778

934

彩客

利福中國


watching list

中車

中國通號

北控





7 則留言:

  1. 我都幾認同股息才是一切~既然港股都有咁多高息股~何不每隻都買D~盡量分散~來股息來生活~減少煩惱

    回覆刪除
  2. 多謝老王師兄派number,抄低先再研究。

    回覆刪除
  3. 恭喜王Sir成功押注於三大高息中資电訊股! ^^

    回覆刪除
  4. 呢幾日看中央台新聞聯播,d政府廣告片全部係推廣數字經濟,甚麽數字經濟帶來美滿幸福生活等等,就知中國政府今次係嚟真的要搞大數字經濟,三大電訊商多左條有政府照住的大財路,未來的真正成長股係三大電訊營運商。而家私人雲市場重係由亞里,華為,百度,騰迅四朵雲掌控,佔7成份額,阿里以3成幾領先,四朵雲之後就係中國電信的翼天雲。至於政企公用雲,各省各市政府機構各大小企業的份額幾乎俾三大電訊商搶哂,涉及國家安全的點會放心俾巴巴,騰迅做,只會俾親生仔做,早排阿里雲被黑客偷取警方資料被上海警方約談的事重未解決,要玩你以後唔受你玩都重得,唔駛幾年,私人雲市場阿里的領導地位隨時被三大電訊商取代。未來幾年三大電訊商的盈利只會不斷增加,希望他們守諾言,儘快提高派息比率去到7成,咁一大班40幾元買中移動長揸的散戶,收多幾年息,就可以做到零成本持有中移動。

    回覆刪除
  5. 941增速雖然有水份, 但盈未來有望繼續每年6-9%, 慢慢來...

    回覆刪除
  6. 睇大方向,股息,混沌,轉實物放埋一邊,瞌埋眼。

    可以考慮加埋 152 watching list,主因是深圳GDP,人口組成,增長率,152 對交通運輸覆蓋率,股價去返10年前,背後是國資委,股息稅0%, 可能要為國犧牲,但也需要派息給深圳政府進行各項支出, 深圳政府唯一派港元的機構。

    利申….今年 152 加入長🧵持倉組合。

    回覆刪除
  7. 深圳航空虧損減少或有盈利之時,將是152股價回複正常之時。7元樓下可放心持有,年內去到8元也不是奢望,加埋每年都派特別股息,息率近10厘,揸幾年收番幾十厘息,若股價有幸上番10元樓上,真係財息兼收。

    回覆刪除