我相信好多人初初買股票. 總會覺得周圍都係機會
好似今日見到銀行股, 又覺得好穩陣, 收息幾好
聽日見到公用股, 又覺得幾好, 跌市都唔會點跌
後日見到科技股, 又覺得幾正, 日日升唔停
其實我自己搞左股票咁耐, 到而家都仲係有呢個心態
好似睇人地推介某股, 自己再睇下, 又係WO, 好似幾抵WO, 56週新低仲唔係機會? PB 咁低, PE 又唔錯WO, 仲唔係機會?
不懂不做, 能力圈, 等等其實一早都聽過, 我相信所有有睇過巴老書的人都會知, 但係我自己真係做唔到, 硬係覺得全世界都係機會, 唔係唔買下
直到我睇到一個叫大巧不工的Blog, 我覺得睇佢每一篇文同每一個回應, 都會令我個腦被人用棍仆一下咁, 唔知點解, 哈哈
佢話對於投資, 唔明白就唔好買, 永遠不明白就永遠唔好買
其實都係講緊能力圈, 但唔知點解我突然明白了什麼? 重點係最後哥句 "永遠不明白就永遠唔好買"
係囉, 點解要迫自己去買? 點解去商場一定要迫自己洗晒全部錢?
別人睇到的係機會, 但係你盲跟就係陷阱
又或者話機會係相對的, 當你發現成個股市都係陷阱而不是機會, 你距離獲利不遠鳥
永遠不明白就永遠唔好買 --> 這句真係金句。唔聽貼士，唔買D牛鬼蛇神，只係持有睇得明的，已經輸少好多冤枉錢。
回覆刪除當你發現成個股市都係陷阱而不是機會, 你距離獲利不遠鳥 --> 又係金句。港股嘛，好的股票著實唔多...
似乎師兄已經成為得道高人了！
三兄, 我都想成為高人呀, 可惜成為高人唔代表一定賺錢呢~ 有時做錯的事反而會賺錢, 係咪好奇怪? 哈
刪除我認同不是能力圈就不要買。另外，我覺得重點係如何擴大能力圈，因為長線而言，揸太多現金沒有好處。
回覆刪除謝夢想爸, 但我有少少不同的意見, 我覺得我地要收窄我地的能力圈, 盡量做到接近100% 確定, 畢竟一生人只需要幾個成功的投資就可以致富了, 你認同嗎? :)
刪除明白你的意思，收窄是為了進深地認識能力圈的投資項目。另外，我們要做好資產配置，避免一些不能預計的風險。
刪除一生人用幾個成功的投資就致富，這是高難度動作。
\\一生人用幾個成功的投資就致富，這是高難度動作。
刪除夢想爸有道理, 或者我們應該著重如何持之以恒的獲利才對
認同應擴大能力圈,因為如果自身能力圈或行業認知有限,而某行業或公司會因時間而變得不賺錢,而你又只認識果一類型公司,會出現買錯行業或選錯股或没有選擇
刪除有時我會諗, 所謂能力圈或者唔係只係熟悉該行業咁簡單, 正如每個人都有自己從事的行業, 但係咪真係可以係該行業中的股票賺到錢?
刪除如果不是, 咁能力圈除左對行業的熟悉外, 還有什麼呢?