買入信德, 創科, 中海外

早幾日沽走左春泉同泓富後, 分別買入左信德, 創科同中海外

信德其實我2.6 同2.7 都有買過, 不過2.55 哥陣被人震走左一半, 早幾日見佢爆番上來就嬲嬲豬加注, 其實我每日都會行過佢個地盤, 我知佢棟樓一起好就可以賣到錢錢, 之前買左又震走又買左又被震走只怪我自己無料, 今次再買我唔會再咁脆弱!!!!

創科買入係因為特朗普效應, 如果佢真係搞基建加上美元叻叻人仔慘慘下, 呢隻野應該有得搞

中海外純粹因為之前24 買賣過今次無LALA 跌到22 買番一手珍藏

回顧下之前最傻仔的操作, 就係來回買賣左幾次信德同國壽, 高住加注左泓富同置富, 搞到回報由20% 急跌到而家<10%, 我個心真係好痛....

講到尾都係衰係兩樣野:
1.買賣無規律, 一有閒錢就想買, 明明講左年尾前唔會郁個組合結果郁到PK
2. 受唔住震倉, 買之前有一百個理由, 點知一震即走

我諗我要諗下定一個規則, 無論點都要定左先, 再去諗點完善佢, 唔係唔會進步, 賺左都係運氣