求問: 美國有可能搞香港嗎?

聽到美國出聲話考慮香港獨立關稅區地位, 而且跨國企業有機撤出香港

呢個消息我覺得震撼過脫歐同貿易戰10 倍, 而且條例一通過, 唔好話國際, 連大陸D 神秘水源都未必敢落黎買野, 香港的獨有性漸漸失去, 某官員唔好話咩人地誤解, 同埋要過香港終審哥D 廢話, 中央話要個人, 你敢唔敢唔比先, 中央話要凍Q 佢係香港D 資產, 你敢唔敢唔做先

真心求教美國有無可能做Q 香港? 之前聽咩貿易戰我真係未驚過, 直頭想話關我D 股票銀事咩, 跌多D 仲好, 但係我聽到美國講D 咁GE 野, 真係比佢大到......J 都縮一縮...

誰大誰惡誰正確

呢個世界表面好似好正義同好公平, 其實呢兩樣野從來無發生過

連美國呢個全球領先的國家, 睇邊個唔順眼都可以完全以莫須有的罪明去做低佢

大佬華為完全無犯法, 你都可以亂Q 咁黎話禁就禁, 同你老屈人地有大殺傷力武器真係無分別

只係發生係美國, 好似好多野都好合理咁, 如果係北韓? 又比人話係邪惡軸心國所作所為了

人越大越覺得表面哥套規則越黎越薄弱, 身邊都開始有好多人問究竟一路相信的哥套係咪真的

由自細續書, 努力做野, 腳踏實地, 係咪真係就可以過美滿人生?

而家連美國呢個"世界警察"都係貿易戰下不顧食相, 世界所謂的真理恐怕好快就不被任何人相信了

難怪世界上劍走偏鋒的人越黎越多, 因為已經開始越黎越少人相信傳統的"智慧" 了

至少我地呢代人, 係絕對唔會教D 仔女, 比心機讀書呀, 唔讀書無用架, 我真係講唔出口了

利申: 9up

最近換馬

沽
173 6000 @4.8
242 16000 @ 3.5
遠展16000 @ 3.6
保利達 20000@ 1.06

買
1113 1000@64
001 1000@82

風險不等於波動

侵仔每次出招的理由真係層出不窮, 今次竟然話傾得太慢要加稅比你嘆下, 果然係一個趣味撚.

個市有借口回調了, 個市又波動了, 但風險是否有高到呢?

風險對小王黎講應該係造成永久性損失的可能性

而波動係好友定敵人, 就看官人自己點看待了

BTW, 任何時候留D 現金都係好事黎

賣出保利達 208

業績前屎忽痕入左20000 股208. 今日清了, 賺4000 幫補下

原本係想等睇佢變十厘股, 之前見佢話大股東注入珠海同中山等大灣土地, 以為有朝一日佢可以變大灣內房股, 頭先禁入去搵下佢接左大股東咩貨咁巴閉, 因為唔熟, 就去GOOGLE MAP 查下哥塊用12億由大股東買入的中山南區北台村住宅地

一睇乜乜村都覺得怪怪地, 仲話起大型別墅, 再睇下北台村周圍全部係工業用地, 荒到唔荒, 用成5000 蚊一平方接番黎, 真係有D 擔心

留意番大股東講左海一居會包208底, 即隨時要拎70億出黎還俾208, 今次賣兩幅地己收番18億, 未來唔知會唔會"注" 多幾塊靚地收錢, 最後大大方還70億比208 再豪派特息俾自己, 猿!

不過208新盤而家岩岩推第二期, 仲賣得好好, 聽講要排隊拎籌, 今年業績同派息實無走雞, 只係大股東有D 妖, 唔岩我

睇黎我都係等唔到你長大成人架啦, 都係留錢入鉅鉅算吧

慎入! 細B 問題

話說最近公布左幼稚園收生, 其實小女係極小B, 即係適齡報考生中最細哥個月出世, 原本諗住撞下手神今年考下唔得就下年再報, 點知真係中左其中一間心水幼稚園, 而家同太太煩緊入唔入好

太太意見, 見過太多人因為細B 入, 差一年係可以差好遠, 去到小學跟不上而無心向學, 讀到無晒心機無自信下刪一百字

朋友意見, 佢自己個女都係細B, 讀得很快樂, 早得一年得一年, 最多小學重讀一年

我自己因為呢間係心水之一, 下年再考就未必有了, 而且極就腳, 唔知各位點睇?

準備迎接30000 點

沽500長實 @72
沽8000信德@3.5
買8000中銀@3.72

黎緊會再買3988, 好奇成三萬點中銀都仲有5.7厘但都無人買?
實有人話債務問題架, 呢個世界有邊間銀行無債務問題?
實有人話盤數假架, 假得有道理未得囉