長實置業?長實基建?

最近操作, 出清年頭買入的8000 股建行, 獲利1.2 萬, 睇番之前自己寫的話內銀爆煲系列就好笑, 好彩我都仲留番一半無賣晒, 哥陣真係草木皆兵, 又話咩股轉債一定死, 又話咩壞賬嚇死人, 我呸, 正如有個師奶講, "樓市專家食屎啦"

拎到GE 錢再加一注長建同長實

最近不斷重溫長和系, 最轟動就係重組和黃分拆長實, 同長建電能合併, 有師兄話呢個只係佢重組的第一步, 咁第二步呢

參考番九倉, 斷估無痛苦下

1. 1113 賣產/ 分拆長實置業/ 物業注入現有REITS ==> 套現
2. 空殼爆cash長實+電能+長建進行世紀重組

最後只有兩間旗艦公司: 長和 + 長實基建

哈哈哈哈

懷疑人生系列

個市終於都破左30000 點, 可惜正如大家都知, 唔係個個散戶都可以賺到大錢, 包括小弟

有時望住自己D 股, 明明睇黎睇去都唔覺有問題, 甚至有時想一野all in 落去等下年業績, 但係又會擔心係咪自己心存偏見, 有D 野自己睇漏左?

好似1113 , 今年賣樓肯定爆錶, 又賣埋中環中心, 點解都仲係跑輸16?

1883 收入係下跌, 但盈利上升又派息靚仔, 點解又會跌到P 係度呢?

700 大升, 我早排都忍唔係入左一手, 想FEEL 下隻股個威力, 結果唔洗一星期佢就由388 升到430, 痴線, 我真係唔了解佢, 所以執幾千就走左, 但係買入之後, 日日睇住佢爆頂, 哥刻個心係好安全, 覺得同個市企係一線,  同買D 逆勢股真係兩種感覺

曾經有人講過, 股票係坐出黎, 只要用90%時間分析, 1%時間睇盤, 淨低時間就去飲杯啡就得

個市已去到3萬, 但其實好多股都無升, 如果呢一刻爆, 我都唔知好嬲定好笑

模糊的正確 OR 精準的錯誤?

係呢個一馬當先的大牛市, 小弟的組合依然大大落後, 但係我想試下靠自己的判斷, 如果呢個大牛市結束前都証明唔到我係岩的話, 咁可能....我真的錯了...哈哈

再加倉1113 同001 各500股


1113: 今年每股至少賺8 蚊, 其實佢係一隻內房股, 但可惜無乜人知

001: 油價升番D, 歐羅升番D, 加上歐洲電信今年應該收成, GOGOGO

1113 之我見

1113 終於賣到中環中心, 不過402 億只係收益得145 億, 唔明點解咁少? 有無會計界的朋友可以解釋下呢?

1113 最後應該會行番長建條路, 我覺得長建由大公子一手一腳帶大, 唔理係長建影響佢, 定佢影響長建, 佢最後應該係想將1113, 1038 同6 合併, 成為一間超級能源公司

講番1113 , 雖然佢己經無再買地, 但照而家佢係大陸的土地加上開發速度, 足足可以玩多7年, 你覺得7 年內大陸房地產會爆嗎?

1113 雖然無其他內房龍頭下下幾多萬億平方米土地咁癲, 但佢左手成千億cash, 右手仲有7年土地貨仔, 中間仲有香港的核心物業, 講折讓我估佢最少應該值100蚊吧 (斷估)

係衰就衰在PE己經去到13唔算平, 不過聽大公子講佢搵的非地產投資回報都可以有雙位數, 而且應該係可持續, 當然而家內地佔佢的收入依然有95%, 希望佢可以加快賣產, 變成另一隻有大把錢的長建啦

富一代同富二代有咩分別?

就係一個窮一生將利益最大化, 一個就係要守住老豆傳落黎的家業, 如果我係大公子, 我己經有錢到乜咁, 一千億身家同二千億身家對我有咩分別? 我應該會著重點去守住家業吧

學誠誠話Dry, 最後一個銅板一定係最貴

誠誠, 係我心目中真係一個傳奇, 真係好佩服佢

全數出清太古

今日終於都決定賣晒太古, 計埋息來來回回應該都係執得一千幾百, 其實之前我都無好認真睇過佢的財務狀況, 只係覺得買佢等於勁折讓買太地, 又想博下AB 合股, 又或者博下佢搞下賣資產, 不過諗深一層, 或者唔應該要買一隻"博" 佢資產重組的公司?

又或者講, 有更好的選擇, 如加倉長建, 長地, 又或者我的蟹蟹1883, 起碼我睇得通少少
又或或者, 起碼渣得安心D?

和記電訊的不負責分析

之前和仔賣野大升到超過3 蚊, 不知不覺而家回落到2.9左右, 又開始研究下呢隻奇股

點解佢叫奇股, 因為佢賣固網的錢己經超過隻股票市值, 如其他blog 友講代表流動業務係送的, 而流動業務亦係有盈利的 (非固網約佔50%), 但搞笑地呢隻野好似硬係炒唔起咁...雖然話己經比公布之前爆升左好多....

固網賣145億, 每股約3 蚊, 分析下賣左野之後的幾個情況:
1) 3 蚊全派, 股價變成接近0, 實現終極價值回歸加免費擁有流動業務(連負債)

2) 現時流動+非流動負債接近100億, 還晒佢, 派45億, 每股約1 蚊, 因固網佔利潤一半, 除淨完盈利同派息同時減半, 每股1.9, 市盈率20 --> 26, 上年派11 仙, 當之後派一半5.5仙, 息率2.8%, 淨現金公司, 由於而家利息同融資成本一年大概1 億, 每年可慳番1 億, 但同時無左協同效應利潤亦可能下跌...所以當打和

3), 派少少或唔派, 無咩搞作, 唔知留黎等到幾時, 和仔唔同電能, 母公司好難可以用特別息cap 到錢, 而且長和都唔志在哥十幾億, 唔知會唔會有其他方法cap 到錢?


情況一最爽, 但應該無咩可能, 我都未見過有股派息多過股價, 唔知係咪真係變0.01?

情況二最複雜, 機會都最大, 雖然未必用晒100億黎還數, 但咁樣的一隻市盈26倍, 息率2.8的淨現金公司, 市場上好似大把....長地好似都係有幾百億係手?

情況三最慘.....公佈唔派息肯定大跌....

純粹討論下, 大家有無咩IDEA? 一齊研究下呢隻奇股?

老火雞

從前有個好勁的操盤佬, 佢同一個投資呀伯講佢隻股下星期一定會跌, 叫佢放左佢之後搵位再入.

個呀伯同佢講: 多謝你呀!! 但係我唔可以放呀!!

操盤佬話: 下星期一定跌!! 唔跌我賠錢俾你!!

呀伯話: 我知佢會跌, 但係我都唔可以放呀!!!

操盤佬話: 點解你明知佢跌你都唔放? 你之後可以用再平D 的價買番架嘛!!

呀伯話: 因為而家係牛市呀!!!! 我唔可以失去我的頭寸呀!!!!

呢個呀伯, 就係老火雞 --  <<股票作手回憶錄>>



74蚊重新搭上匯豐快車~~

=================================

人類係大自然下真係好渺小, 當大家以為過去的56 年打風都只係行行企企放下假, 偏偏佢就黎一個迎頭痛擊, 唔想話邊個失職邊個無能, 大家要好好珍惜, 世上沒有必然這種事..