2017年9月11日 星期一

和記電訊的不負責分析

之前和仔賣野大升到超過3 蚊, 不知不覺而家回落到2.9左右, 又開始研究下呢隻奇股

點解佢叫奇股, 因為佢賣固網的錢己經超過隻股票市值, 如其他blog 友講代表流動業務係送的, 而流動業務亦係有盈利的 (非固網約佔50%), 但搞笑地呢隻野好似硬係炒唔起咁...雖然話己經比公布之前爆升左好多....

固網賣145億, 每股約3 蚊, 分析下賣左野之後的幾個情況:
1) 3 蚊全派, 股價變成接近0, 實現終極價值回歸加免費擁有流動業務(連負債)

2) 現時流動+非流動負債接近100億, 還晒佢, 派45億, 每股約1 蚊, 因固網佔利潤一半, 除淨完盈利同派息同時減半, 每股1.9, 市盈率20 --> 26, 上年派11 仙, 當之後派一半5.5仙, 息率2.8%, 淨現金公司, 由於而家利息同融資成本一年大概1 億, 每年可慳番1 億, 但同時無左協同效應利潤亦可能下跌...所以當打和

3), 派少少或唔派, 無咩搞作, 唔知留黎等到幾時, 和仔唔同電能, 母公司好難可以用特別息cap 到錢, 而且長和都唔志在哥十幾億, 唔知會唔會有其他方法cap 到錢?


情況一最爽, 但應該無咩可能, 我都未見過有股派息多過股價, 唔知係咪真係變0.01?

情況二最複雜, 機會都最大, 雖然未必用晒100億黎還數, 但咁樣的一隻市盈26倍, 息率2.8的淨現金公司, 市場上好似大把....長地好似都係有幾百億係手?

情況三最慘.....公佈唔派息肯定大跌....

純粹討論下, 大家有無咩IDEA? 一齊研究下呢隻奇股?

11 則留言:

  1. 我覺得用私有化的方式機會較大, 145億之中動用數十億私有化, 之後長和就可以全資擁有3 + 剩下的現金^_^

    以前吳光正都曾經試過"零成本"私有化會德豐地產, 當時會德豐地產有70億現金加一堆地產物業, 佢用69億向小股東私有化, "買樓原來是不用花錢的xd"
    你可以google下這件往事, 我相信李生同吳生一樣的精明

    利申: 隨口up, 沒有215, 只有315 :(

    回覆刪除
    回覆
    1. 我都有諗過私有化, 不過李生在我心目中雖然比較厚道, 但佢絕對可以係公布呢單刁之前私有化丫, 哥陣最平先2.2, 佢出2.8 股民應該噴飯答應掛~

      如果而家幫D 股民舖好晒路先私有化仲要出個靚價, 咁李生唔係超人, 直頭佛心到爆!!

      刪除
  2. 呢單deal賺57億,就算派哂都只係俾38億長和(持股66%)。

    長和有1500億現金,多2.5%現金意義不大,未必會派息。
    (長建只有<50億現金,才會想電能派息)

    我看215升唔起就係呢個原因。

    回覆刪除
    回覆
    1. 係囉, 純市值上黎講佢賣一半己經等於成隻股市值, 點都無得輸, 但股價又話比我知好似有D 古怪, 唔係咁簡單....定佢地諗多左...?

      刪除
    2. 有些股票長期P/B < 0.3, 也是無解, 不私有化難以反映價值。

      刪除
  3. 同市場鬥氣 需要付出嘅機會成本與回報 好多時因為基數嘅問題 就算將來成功都會變得不成比例😝

    回覆刪除
    回覆
    1. 師兄指而家入電訊股? 我注碼好少~頂得住, 只係提早步個靚署je

      刪除
    2. 問题正正係出於基數之上!😁

      刪除
    3. 呢個唔係投資建議所以唔怕
      德國一個股神~科斯托蘭尼嘅名句~
      正正係一般投資者面對最大嘅問題就係~基數

      刪除
  4. 固網個負債要還,因為已出售需要即時還款,之後把全數資金以75%派息比率派發機會極大,接下來出售流動業務,長和其實等錢用,小超人有好多動作,老豆為保小小超賣走流動業務不出奇

    回覆刪除
    回覆
    1. 但七除八扣長和得到唔多WO..巴打可唔可以講多D 小小超有乜搞作?

      刪除