2022年8月30日 星期二

國企分紅盛世之年

 2022 絕對係國企分紅盛世之年, 由三桶油, 幾堆煤, 三電信, 中建材, 到尋日的海控, 全部都實施高分紅

我記得幾年前, 中移動如果有五厘已經要跪謝皇恩, 以前所謂的高息股要係港股小票, 咩賣眼鏡呀, 賣鞋呀, 賣衫呀, 印刷呀, david webb D friend 先有可能有十厘, 而家同你講周街都係, 仲要唔係十幾億, 幾十億的小票, 係一千億, 幾千億, 一萬億的絕世大股, 眼見仲要係可至少持續三年

我相信港股已經到左你敢買就唔會輸的時候, 最多輸時間, 遍地好票, 就算你驚國企, 港股本地股都有一堆困境反轉股, 1270, 215, 008, 778,載通哥D 都一樣只會輸時間不會輸錢

當然你走去高追D 爆升的或走去抄底, 唔敢講未來高增長不會持續, 或者已經到左底部, 但何必呢?

22 則留言:

  1. 只怕佢再跌 50% 比夠 20% 息你
    再 低價 (50% 跌了后的) 50% 私有化 = 0.5 x 1.5 = 0.75 of 今日價

    回覆刪除
    回覆
    1. 咁唔係叫你淨係望住個股息率做人...基本常識都係要的

      刪除
    2. 私有化喺啊爺角度無意思,供股就得。

      刪除
  2. 國家減稅,所以國企要繳交填補,未來幾年可能會這樣,多謝提點,多啲研究下國企。

    回覆刪除
    回覆
    1. 同意,價同息,喺啊爺角度都喺用黎時間換空間,打曬開口牌,其實唔難玩,睇你幾時敢去

      刪除
  3. 國進民退,造大造強各個行行業的龍頭國企已是既有國策,高盈利高分紅更是是新常態,要共同富裕,早點趁有低位儘快買進有高盈利高派的國企,非但有口湯飲,揸耐d隨時無風無險有肥肉吃,去年是買入這些股份的最好時機,正所謂早買早享受,40幾元的中移動,6個幾的中海油,10零蚊的神華,兗礦,還有中遠海控等任你買,買左揸一年已財息兼收,就拿過往都被人覺得出冇息,藍燈籠的中移動做例子,去年46元一定買到,揸一年已收到6元息,明年3月未期息隨時有3元,唔理股價升跌,你持貨成本已下降到30幾元,當佢一年派息5元,揸多6年,已是零成本持貨,重未計你肯複投或股價有可觀升幅,就算股價長期不移動,你零成本持貨,年年收息,就真正是達到價值投資的標準。若這批巨型國企今年有低位出現時,千萬不要錯過,過多幾天,我手持的941,883就除淨了,下個月又有息收了,諗起都開心高興。

    回覆刪除
  4. 我想同大家分享下對1072東方電氣的看法,此股A股市值600億,H股發行量少,市值只有30幾億,公司董事長由朝到晚都嘮叨著要把市值做到到一千億,成為千億國企。此股的走勢和去年的兗礦1171極為相似,從來不會漲停,慢牛上升,高位定必回回落,但每次調整較深後例必很快V彈,不斷在吸貨,昨天股價一度跌到10元,今早股價已在11元樓上,上個月股價一度跌到9元,但很快上番10至11元區間,長揸固然可以,低低買高賣走短線都可食幾次糊。此股的盈利和增長前景我在此不多講了,剛公佈的中報也符合預期,但最吸吸睛的是十大持股股東,A股新加進了社保基金,養老基金和國內知名私募基金,H股美資兩大基金持股10%以以上,我是在低位持有此股,作長倉,另外逢低回落買入作短線買賣,操作手法同去年十幾元買賣1171般,1171由10幾元升到而家31元,今年收左2元人仔息後,就沒再在20幾元玩短線,但估佢唔到長升長有,每次回調就v彈模式不變,浪費多次機會。

    回覆刪除
  5. 韓正昨日一番對新潔淨能源的講話,更加強我長揸1072的決心,雖然派息不高,但股價有大幅上升的勢頭,利好的基本因素太多。另外電力股轉好的基本因素越來越多,下半年的升浪應該會啓動。

    回覆刪除
    回覆
    1. 金戈大佬,電設我只有威胜,也是貪8厘息,嘻

      刪除
  6. 我想講,很多國企股的股息率是跌出來的,而不是本身質地好。另外,萬一人民幣貶值就即是收息股出現黑天鵝。

    回覆刪除
    回覆
    1. 你講的是那些?上面提的肯定不是

      刪除
    2. 三桶油, 三電信都是股價多年下跌,才有現在的高股息率。

      刪除
  7. 有高盈利和高派息比率才會有高的息率,股價也會長期保持平穩甚或慢慢向上,而不是靠跌而得來的,更談不上是坑,而是金子,早買早享受早點收取高息,不出幾年你手上的貨已是零成本,例如中銀3988,股價長年在2個幾上落,很多散戶包括我都是零成本持貨,我還是比較進取的一群,股價升到3元樓上定必沽出,候回落到2個幾時買回,每年連收息收取5至6角,唔駛4年已收回成本,之後就每年固定收7,8厘息直到我在地球上消失,間銀行可能重在地球上,繼續派息,就算買左長期不理,都係多幾年時間就可達到零成本,未來幾年,更多大型高盈利國企會提供上車機會,趁股價有低位時就要上車,相反一些本地所謂傳統收息股就唔好掂,例如香港寛頻賺一元派夠個一息俾你,但盈利向下股價也會同步向下,股價由高位14元跌到而家7個幾,收多十年息都補唔番,多次傳出賣盤抽高但沒次真很快又回落,為了保持高息股稱號,股價就只有不斷下跌,類似例子還有煤氣,領展等,煤氣跌到8元個個個都話平,但息率唔夠4厘,而家跌到7個半,息率都唔夠高,跌到7元就勉強叫高息股,哪些是質地好的股,哪些是靠股價跌落來而成高息股的,應該不難區別別吧?我而家手持的兗礦,華潤電力,中銀都是零成本。下幾隻將會是中移動,光大銀行,中海油。目標已越來越近達到。

    回覆刪除
    回覆
    1. 內銀有少少感覺,不過我嫌佢未夠殘,939 4.5左右我就開波,不過內銀係有少少驚內房斷供壞帳,多少少安全邊際好

      Ps我係老王,每次用電話覆話匿名

      刪除
    2. 早買早享受?你肯定?
      我有個同事,十年前就買了941,夠早吧?
      當時大約$80,現在$50,享受了十年大閘蟹。

      刪除
    3. 如果個個買股都能賺錢,咁呢個世界真係活得太容易了,人各有志,美股或者更適合你和你同事

      刪除
    4. 除了美股,港股都有好野,我主要買長和系、太古系

      刪除
  8. 新加坡GIC忍唔住出手增持中建材,持股超過7%,接近10厘息,又係五間國有資產投資公司之一,股價大升係早晚的事。至於第二季社社保基金持股顯示持貨金額最多仍是紫金,超過幾組社保基金同時增持了中移動同中中海油A股,第一季社保新加入的兗礦就股價大爆升,社保基金持貨好有參考價值,社保從未輸過錢亦不淮輸錢。

    回覆刪除
    回覆
    1. Gic成日中伏,之前2蚊全清新天綠能,之後升到7蚊,工商又中伏,好笑呢隻野

      社保基金買入同加大分紅時機很對,不然無錢發退休金

      刪除
  9. GIC成手都係國企,但又唔買大隻個d,買728唔買941,嬴少少就走,蟹左個d就低位入多d,彈d就拉上補下出多d貨,十足老散操作方法,可能壓力大唔輸得,佢揸得最多好似係788鐵塔,一直蟹,8毫子左右勁溝貨,升少少就走,跟住788係甘升到1元,揸耐d就可解救多d蟹貨,若遲d中建材升番多少,佢一定走夾唔抖,跟住中建材可能重會升多d。

    回覆刪除