2022年8月4日 星期四

為什麼我要押中資電訊

買股收息最怕就係唔派或減派 (岩岩知道405 又奶左野reits都無仇報), 分紅保証係最理想, 雖然無法律效力, 但起碼寫左入年報, 總好過靠估佢過去5年派息

中資電訊普遍派利潤6-7成, 先唔講利潤下滑, 而家就算唔係估值底部都係非常接近底部, 買入的溢價風險極少, 而且強如中移動, 現金類資產四五千億, 佔市值一半, 加上每年經營現金流三千億, (中電訊和中聯通1000 億), 只要唔再發生國策性風險(提速降廢), 跟本唔會有問題 (內房....其他公用股的減值問題...週期股的週期問題)

中資電訊過去幾年不斷被提速降費搞到雞毛鴨血, 但同時資產用極變態的方法折舊, 中移中電信七年, 聯通誇張到五年, 最近三雄同台唱好, 側面証明已經唔會再打價格戰, 行業前景無大風險

至於D人擔心6G 7G 8G, 咁我只能講你都係擺錢入銀行算, 我都未講IDC 物聯網元宇宙哥D 

搞股咁多年, 我都未見過好似中移動而家咁天時地利人和集於一身的收息股, 唔重倉都對唔住我股息廢物回收機的外號

至於點解唔all in, 係對市場的尊敬同保持一個敬畏的心, never say never, 越有信心越要有介心, 見到重倉翻車的例子太多, 無一個不是好似我咁對某股或某行業有信心到飛天( 內房?)


倉位:

941 -->3成

728 -->1成

762 --> 1成


11 則留言:

  1. 而家國家大搞數字經濟,涉及國家安全一定信自已友,不會任由巴巴,騰迅坐大,大數據,雲計算等業務一定大力扶持三大電訊商,政府部門的數字經濟化合約大部份都交給三大電訊商做,三大電訊商除左傳統的電訊業務收益外,數字經濟帶來的收益更不能看少,11日中移動的半年結就可見真章,昨日巴巴第一季業績中的雲業務比預期差,就可知打壓己初見成效。樂觀地看,三大電訊商除左不斷增加派息外,股價也不會長期不移動,可能會有一定的升幅。

    回覆刪除
  2. 回覆
    1. 恭喜王Sir, 762.HK剛公佈了良好的业绩,派息率又高於預期! 👍^^

      刪除
  3. all in??
    當越有信心贏大錢既時候,就要越小心

    回覆刪除
  4. 說得有道理!
    不過我想提出多一項風險:人民幣貶值
    面對經濟不斷轉弱,政府的應對方法不多,有機會再加印銀紙。萬一印得多,未來一兩年很有可能貶值兩成或以上。

    回覆刪除
  5. 自己大約一兩成倉位941。50 左右好難輸,最大問題係升就唔會好似科幻股咁有爆發力但買啲黎穩守突擊都唔錯呢。

    回覆刪除
  6. 762中報靚到爆,又大增派息37%,之前三大電訊商阿頭圍埋一齊話數字經濟是一片賺錢藍海,很多人唔當一回事,當佢地亂嗡。而家762中期盈利增加19.5%,內地三大電訊商先至係增長股,巴巴和騰迅不斷沉淪,佢地就越發,連中移動咪唂都搞埋網遊重獲上架,就知騰迅有幾大鑊。

    回覆刪除
  7. 762今次派息比率都係4成幾,五成都唔夠。728話派7成,中移動坐底都有6成,似乎最孤寒係佢,可能業績最靚係佢。

    回覆刪除
  8. 762 真的驚喜, 股價亦係多年底位

    回覆刪除