2019年8月13日 星期二

一個朋友

最近身邊開始有越來越多朋友不斷分享屬於自己立場的片, 新聞

其中一個朋友自稱是理性討論者, 但點解我見佢分享的全是一面倒?

我開始奇怪, 點解無一個人會將不同意見的片都分享呢?

所謂譴責暴力的人, 我所見的也只是譴責不同立場的暴力行為

即使係主流媒體, 都只係盡全力咁報導某一方的不是, D 片越爆越好

我所見過兩條最痛心的片

一條係幾個警察壓住個成面血的後生仔, 個後生仔係咁講對唔住...

一條係今日有個媽媽抱住個仔想登機, 比人圍住, 佢喊住咁問點解....

我知, 你想話個後生仔自己攞黎, 出得黎就預左?

我知, 你想話班後生都係想爭取五大訴求, 係政府唔回應, 要怪就怪政府?


大家會唔會夜深人靜時回想一下, 呢兩三個月係咪突然有大量資訊舖天蓋地咁係我地身邊出現, 然後自已思想上也跟住出現了變化?

我地每日所看的, 媒體所報導的, 朋友share 的, 甚至係自己所堅持緊的立場, 是否真係咁理所當然同無懈可擊?

從我朋友身上, 我發現某種思想一但稙入腦中, 就會不斷自我強化

我之所以打緊呢篇文, 可能都只係因為某種自己強化了的想法, 但我不認為我一定是對的, 學某個前輩講, 係你想說服人之前, 請你先假定你係所有人當中最無知的, 你先可以同人理性討論

當然, 依我暫時所見, 跟本就無人想理性討論

"理性討論? 你無野下?喂黑白是非已經好明顯啦? 你仲有咩想要討論? "







飲大兩杯...失言了

33 則留言:

  1. 老王兄,其實也有很多理性的人。但因為怕得失親朋,所以才盡量不去討論,我在最好朋友的whatsapp group,就不會出現這種話題。最多都是講句,唔好去危險地方云云。

    現在大家都紅了雙眼,只看到人們眼中的刺,而見不到自己眼中的樑木,理性討論最後只會淪為感性。

    回覆刪除
    回覆
    1. Yau兄, 你講得岩, 或者而家呢個時勢講理性討論真係有D 奢侈, 但失去理性最後會演變成什麼, 真係希望大家靜靜地想一想, 我不是講緊某一立場, 係大家

      刪除
    2. 止凡兄的youtube channel 算是我見過比較中立的video, 他兩边的事情都會說。

      正如 Yau 兄所說, 其實理性的人还有很多, 不過這班理性的人深知此時此刻說什麼都没有用, 更別說要將每件事獨立地評論對錯。

      刪除
    3. 斗滿兄, 我所見大部份blog友都係理性的, 所以我唯有借呢度抒發下

      刪除
    4. 仍有不少blog表明撐黑衣,持相反意見唔歡迎你喎,仲會刪埋留言,搞到成頁都係一面倒,言論自由呢喂????

      刪除
  2. 但好可惜, 未失去理性的, 已成為我城瀕危物種。LOL。

    回覆刪除
    回覆
    1. 老實講我都有我立場, 其實大家都係成年人有立場好正常, 但係妄想日日share 幾條片發幾個PO就想去說服身邊的人, 人地唔受就攻擊人, 唔會太荒謬嗎?

      刪除
    2. 更可怕的是失去理性還堅持自己是理性的人

      刪除
    3. 筆者一直謹記家父由細講到大嘅一句說話, 當然佢而家久唔久都有講。
      「耳聽三分假,眼看未為真]
      亦即係話事情沒有絕對嘅真假,所以呢個世界上面好多嘢自己略知一二就可以了。
      始終人活得太明白唔係一件好事,惹禍上身嘅人有時就係因為活得太明白。

      刪除
    4. 是的, 和投資一樣, 世間又怎有絕對的黑白呢

      刪除
    5. 我相信又未去到瀕危物種...
      只係如果仲存有一點理性, 比較中立既思想, 就可能會係呢個時間唔出聲...
      個個都紅晒眼...同班人講咩道理都只係落得俾人鬧既下場...
      特別係家人有不同意見就更加易出事...

      刪除
    6. 係呀, 現實世界我都係龜宿, 唔係怕討論, 係跟本知道無人有心想討論, 大家只係想說服咋

      刪除
  3. 有立場絕對唔係問題, 但不要盲了心眼, 亦要懂得尊重別人的言論及思想自由。

    回覆刪除
  4. "理性討論? 你無野下?喂黑白是非已經好明顯啦? 你仲有咩想要討論? "

    這句說話好有共鳴

    回覆刪除
    回覆
    1. 從前呢句說話通常都係見面時衝口而出,但在手機即時通訊Apps盛行後,情況變得很壞...

      刪除
    2. R bro, 同一句說話係冷冰冰的通訊APP 和親口說出黎, 分別真係好大...

      刪除
  5. 老王兄,呢篇真係寫得非常到肉! 極少人寫倒咁精彩嘅blog文。
    Ross

    回覆刪除
    回覆
    1. 歡迎Ross, 希望小王的雞文唔會污辱到各位眼球, 哈哈

      刪除
  6. 留言支持一下王兄!
    有一位中間偏淺朋友跟我說他無論面對黃營朋友,面對藍營朋友,都是兩面不是人。他甚至說只能跟我這位怪人談政治。其實很多人都想理性討論,但似乎在社會上已無甚空間作理性討論。

    回覆刪除
    回覆
    1. 我都唔討論衝突期間的事,D影片都唔知有冇刪過,但衝突前就可以吧,
      警民衝突前警署外俾人破壞CCTV喎,之後又噴上「死全家」喎,仲勁叫開門放人

      喂喂,仲勁過收數佬,攏明犯法啦,拉得啦,D撐黑衣的陣營一定視而不見仲話林鄭造成。我的媽呀,咩世界呀。

      刪除
    2. 三人兄我諗你都體會唔少, 我發現可以係投資世界站得住的人通常較理智, 因為如果太感情用事一早己被市場清洗, 可能都有D 關係

      刪除
    3. 王兄,小弟是感性大於理性的人,只是當執起支筆,我會嘗試去除感性的部份。我之前都試過情緒上頂唔住,都要搵返中間偏淺的朋友來開導一番。小弟最幸運的是太太都是中間偏淺的人,願意接受我十分奇怪的觀點與立場。

      刪除
    4. 借三兄的留言係度分享一下一個blog 友講到美國過去點用政治手段搞死其他國家:

      http://3945120.blogspot.com/2019/08/blog-post_15.html

      之前已係香討睇過一個高汁文, 講過邊個敢搞石油美元美國就要邊個死, 紫夜兄的post 更清楚列出時間表, 國際政治從來無離開過我地

      刪除
    5. 睇左紫夜兄篇文。
      都係信的信,不信的不會信。

      又分享一段短片。當中有講英國留給前殖民地 (印度 巴基斯坦 克什米爾)的一堆禮物:
      https://youtu.be/RRca8OXXEVQ

      又係信的信,不信的不信。

      刪除
  7. D刑事破壞,擺明啦,我都唔明果D撐黑衣的陣營點解視而不見。
    警員被咬斷手指,D醫護唔叫「以指還指」,D黑衣中彈係就「以眼還眼」。

    而定真係黑白不分,阿媽有錯不認就可以用暴力對阿媽。
    我話果班人刑事破壞,佢地竟然話係因為林鄭唔理你,唉,成班都係低X黎,仲話大學生...

    回覆刪除
    回覆
    1. IP 哥先唔好咁勞氣, 其實每人心中都有一把尺, 是同非只存在個人心入面, 所以什麼大是大非我聽到真係得淡笑

      什麼是對什麼是錯, 每人睇法唔同, 殺人犯都有人同情

      唔係戴頭盔, 而係講多都無用, 大家你來我往嘈到幾百個留言我經常見到, 但最後得到D 咩? 真係有人因為呢幾百個留言改變嗎?

      刪除
    2. 唉,一句懷疑,燈都鋸埋.......

      刪除
  8. 其實雙方都要負擔所有責任,冇邊個全錯全對,所以係冇得討論。
    要解決可以嘅,雙方都要交人頭,換特首,立刻停止示威。
    不過示威者又點會肯,佢地要贏盡

    回覆刪除
    回覆
    1. 一個事件, 一個動作, 一個新聞, 背後可能只係整盤棋其中一步

      刪除