之前己經誓神劈願講過唔會再犯同樣的錯, 但係呢幾次的操作都係失敗收場, 我覺得自己真係好無用...定落的規距一樣都遵守唔到
1. 高位追入左香港建設, 然後幾日後被震走
2. 高住追入左華能新能源, 今日無LALA 又爆出低位配股又被震走
3, 低位入左南航, 升左加倉, 然後一跌又被震走
4. 低位入左國航, 升左加倉, 又係被震走!!
我真係對自己好失望好失望, 明明講左恒指24000 後就唔再買賣, 一樣都做唔到, 升就驚唔夠貨, 跌就恐慌, 經常懷疑自己的判斷, 左搖右擺....
我唔會怪罪市場同任何人, 呢個係我的問題, 克服唔到我一世都不會成功
有無人可以教下我點先可以做到嚴守紀律?
如果你有睇我個資置配置，你就知道我每樣嘢都有formula，都有rules，機械化操作，排除一切感情：當你能夠抽離你自己個投資組合，用局外人的角度冷眼旁觀，就可「守紀律」。
回覆刪除所以，先問下自己，「抽離」、「冷靜」、「嚴守紀律」是否適合自己的性格。
謝魔術兄分享，可能真係同我的個性有關，我太著重回報，一千幾百都放不低，會朝住魔術兄的方法鑽研！感謝！
刪除能寫得出和面對自己的所謂過錯，已經是了不起的事情。不必失望。
回覆刪除我相信真金白銀去投資的人以上所有全部有做過，或正在做。一定要給意見，我個人認為REITS + ETF + 公用股 溝埋一起大額月供，堅持十年以上，效果如慢火涼茶，醇厚而味甘。
退步原來是向前，一起加油吧爸爸 !
不建議長期月供，仲要係大額就更不可取。十年前已經寫咗，原理請見：
刪除https://magicianyang.blogspot.hk/2007/10/2nd-edition_30.html
其實我今年年頭已決意只買熟悉的藍籌同ETF，ETF絕對適合我呢種左搖右擺的人，無左個股舖天蓋地的新聞我應該可以集中精神，希望來緊可以專注自己喜歡的股票，謝喜爸同魔術兄！
刪除Oh 謝謝校友魔術師意見，定會重新檢視現行五只月供股票的操作。月供煤氣盈富港交所多年， 除港交所股價有明顯升幅外，其他股價回報率計算只有個位微利，計及港交所煤氣紅股效益則個人感覺不錯， 期間省回心力及出入時間 ， 月供股票個人定位是一个有效的儲蓄習慣。
刪除//月供股票個人定位是一个有效的儲蓄習慣。
刪除不同意。此等「儲蓄」只適宜年輕人在起步階段操作，以三至五年為限。除了我之前引文所講的重點之外，你儲到第六十個月，每月供款只佔全 portfolio 的 1/60 （或更低，如果你個portfolio 係有賺的話）,平均成本效用頗低，同「以市價追貨」無異。
其實應該問點解會買, 點解會賣?
回覆刪除原因係睇圖定係基本因素?
你講多D DETAILS 等各大師分析一下 (而我不是)
二當兄，我買任何一隻股都有做一定研究架，只係當見到佢壞消息或震倉就會想沽之而後快，又會一下推翻自己當初的研究，我真係好鬼煩
刪除王生,我應該在你還是小孩時以開始炒股,看過有關炒股的書籍可開間小型圖書館,巴菲特理論,睡著也識背。但也不是常常繼續犯錯,有些更是明知故犯。
回覆刪除我試過買入的股票變廢紙,不夠一星期輸了近半家當,還有了失眠病,但留得青山在,那怕無柴笑。
刪除若然真的對選股無信心,就以後只買11,66,3328,16,2五隻,候位買入後無錢賺就不賣。
炒股若真的容易賺錢,還有誰人去工作？來日方長,只要吾好一誧就輸到翻吾到身,每次新投資都進步一點點,最後嬴家必是你。
回覆刪除謝Billy兄，可能我真係經歷太少，所以成日左搖右擺，或者真如你所說，路還很長，希望將來我可以有所進步！感激！
刪除升就驚唔夠貨, 跌就恐慌, 經常懷疑自己的判斷, 左搖右擺....
回覆刪除我相信這是人之常情，不知道老王兄心裏會不會這樣想：博唔博好，博左賺多D，唔博之後升左又覺得好蝕。
我自己有時也會有這種念頭，尤其是在這種巿況。我自己的解法方法就是唔去睇股票，升跌也好，只要知道自己持有的是什麼股票，有什麼質素就可以
感謝Vision留言，我真係要試下遠離股市，希望唔好俾佢影響自己判斷
刪除王兄，你犯的錯是人性使然，好難一次過改。犯錯後一心急，好容易連續犯錯。
回覆刪除離一離市，令自己冷靜幾日先，再行檢討。
謝風兄，市場資訊太多，我又太得閒，可能要從生活上改變自己先得，謝謝！
刪除其實我和你一樣都有紀律差的毛病, 好多時呢d野係搣唔甩, 又或者改完之後點都會仲有少少(人既本性), 但我傾向在選股方面唔揀周期股, 集中買公用/收息類股票, 呢d野波幅細, 睇錯市又可以死坐收息(之前我買數碼通奶野坐貨坐到而家, 差唔多返家鄕), 你只要唔犯大錯基本上唔使蝕, 當然個缺點就係每年回報率唔會太高
回覆刪除之前我寫係hutchison capital一篇長文介紹過下我既投資方法, 基本上就係公用股+炒波幅, 其實每年都可以安全地有10-14%回報, 當然及唔上你買科技股增長股, 不過如果你接受一年10%回報左右, 我個方法應該work既, 希望幫到你:)
刪除謝和記兄留言，我其實只求每年5至10%架咋，不過市場太多傳奇，有時又會想放少少落去增長股試下，可能股票都要夾人，有d人真係注定不可買波幅股，希望我可以戒得甩:)
刪除信心要累積！
回覆刪除我對自己組合成員都頗有信心，即使交易所停市十年也沒多大影響。
以後只買2800也可，專心專一。
回覆刪除謝Lok兄，希望我自己真係記住呢d教訓，真係好多謝各位的留言, 我會努力的
刪除