反反覆覆的我

今朝終於都係放左中海外同長汽....

我再次為我的反反覆覆感到不爽.....

諗番咁多年, 到左今日自以為己經有番D 修為的我, 原來始終都係原地踏步....

不過呢一種反反覆覆總比死守的偽價值好吧?

諗番其實呢種做法都救左我好多次, 如澳博, 永利, 中海油, 卓悅......

到今日上述股票比當年跌超過50%, 如果我堅持死守我諗今日己經唔會再有彈藥入市....

又或者咁睇, 原來我買買埋咁多無無謂謂缺乏分析的股, 哈哈...

如果我可以再慬慎一D, 我真係可以慳番唔少....

粗略計過如果我由頭到尾只買405, 我回報起碼比而家多50%....

而家渣住幾萬蚊, 又再想找蠢蠢欲動, 彷彿唔買野個心唔安樂, 定D 來吧....


目前搵到最令我舒服的方法:
1. 買香港本地股
2. 買REITS
3. 如要買非1, 2 的買不超過3 萬蚊

我又係咪可以做到巴菲特當年科網咁...睇住佢暴升都同自己講, "呢D 唔係我杯茶" ?