中海油買左一星期多D, 石油破百都係大概率, 如果大家相信黎緊係能源危機....未買夠
另外重新買回一注越服, 3.2, 買少少煲下醋
煤電氣油, 我最睇好油, 雖然無其他三樣咁暴力, 但價格最國際化
2021年9月27日 星期一
2021年9月22日 星期三
2021年9月6日 星期一
關於割肉
最近睇到有篇文, 有個老散持有836超過六年, 最後係今年七月11蚊左右割了, 回報大約打和
就咁睇可能覺得好可惜, 但割的一刻呢位老散一定覺得鬆一口氣, 畢竟能持有六年也不是普通人了
這又牽涉到割同唔割的問題, 其實每個操作都係基於現有資訊的判斷, 可能佢覺得836下半年火電會輸死, 或者覺得新能源都係炒, 對836利潤無實際改善?
令我想起天龍八部中的珍隴棋局, 虛竹置之死地而後生的做法, 可能金庸都係炒股高手
人好多時都係比重倉股拖累, 睇唔到全局, 投資書普遍教你有想唔通時先清倉再看, 都係同道理
只係對於呢個老散, 清完一個月後升了一倍, 實在有D 殘忍....畢竟人心肉造....
割同唔割, 都係一個有趣的學問, 背後包含無數個決策因素
2021年8月31日 星期二
關於股息
呢兩年有D 體會, 點解股息咁重要, 其實好多股最怕係倒在黎明前, 好似今年的火電, 或者未來的內房, 如果2,3年前捱唔住個下跌趨勢, 跟本無可能捱到而家
講到尾股票炒股就係一個混沌, 估公司, 估管理層, 估行業, 估國家, 估世界時局.....
睇岩趨勢可以睇錯公司, 睇岩公司可以睇錯管理層
點解要有分紅? 首先分紅係最實在, 可以係而家就回報到你的唯一東西
第二, 人都係要比個借口自己去持有一隻股票, 而所有股票都有黑暗時期
如果你捱唔到, 倒在黎明前, 真係慘過你買中老千
所以我覺得最適合老散, 分析完基本野, 要捱過股票黑暗期, 唯一的就係靠分紅
當然啦, 派息都唔係MUST, 唯有MUST 的派息只有REITS
如果9988 今日有7厘息, 我任佢點打壓, 肯定唔需要擔心
至於什麼賺息蝕價, 跟本係偽命題, 你會蝕, 就算無息, 你都一樣會蝕, 呢個係分析股票的問題
賺息蝕價點都比蝕息蝕價強, 不止十倍吧?
2021年8月26日 星期四
2021年8月19日 星期四
電訊股業績, 又又又八月
早幾日和電賣左換埋電型, 而家手上淨番 941 1883 762 728 008
業績同預計都差唔多啦, 中資普遍都係提速降廢陰影走出黎, 回A, 加派息, 5G 支出又比預期小, 繼續放心重倉
1883 有少少失望, 上年靠MSG 頂住無倒退, 今年都無雙位增長, 有平滑利潤嫌疑, 不過加10%派息又仲有咩好講? 拎住啦
和電無係1.8 走晒, 失策, 諗住渣一半睇情況, 最後1.5 走左換電型, 有賺就算了
電力真係勁, 836 一成倉利潤等於五成電訊倉, 哈 , 15蚊減左少少, 無聽AK 哥講入中國電力, 傷心
TMT 傷呀, 700 咁插法, 雖然唔係好多, 當年700 700仲笑鬼001 , 而家....說明投資真的有週期
另外就物管, 基本將上半年合景賺的都輸番了, 而家打和, 越服, 合景, 6677, 大概一成倉吧, 越服質地唔錯, 都放心持有
最近加左公路, 深高速同越建, 收下息 等運到, 深高速多D 小動作, 又加派息, 又睇下點
下半年繼續動蕩, 中概地獄, 美股高位, 港股暗湧, 繼續主倉電訊, 無喜無悲, 中間搞下游擊, 回歸收息之路, 仲有同伴嗎? 嘻
訂閱：
文章 (Atom)