中信國際電訊極簡評

業績同預期差不多, 收入多左成廿億但純利先多得億幾, 可想而知賣電話毛利低到.....

香港收入有三十億, 拍得住澳門四十億, 香港應該無電話賣(求証實), 即係搞企業同數據中心都開始拍得住澳門獨市電訊+企業+數據中心+賣電話條數 (有錯請指正)

淨現金流入18億, 同上年差不多, 期內拎左十億還債

唯一要注意係2020 年有廿億債到期, 而家仲未提再融資, 現時六十幾億總借貸成本約4.6厘, 有D 偏高, 背靠中信同澳門政府再融資實無問題, 但唔知有無機會減低D 借錢成本就更好

派息比率六成七, 如果唔係有特別事應該可以維持到

至於大家成日講5G, 唔洗講, 到民用起碼十年後先普及, 亦看不到有咩重大盈利, 最多未用多左流量.....嘻


=====================
後記
業績第二日先黎料, 單日升8.9%...唔知講咩好

高估自己

有時我地會對一D 公司決策者的行為指指點點

例如話佢唔應該買邊度D 地

唔應該投資咩地方

唔應該投資咩業務

唔應該借幾多錢

呢個時候我地係咪自以為能力比公司的決策者高?

我地係咪漠視左決策者背後運用了幾多的時間同付出先得出的一個決策?

我地又憑什麼覺得自己卑微的判斷會比決策者好?

 唔通就憑睇過兩集時事多面睇或者經濟日報?

好多時自己都忽視左呢個因素

當然D 老千股明CAP 水先一供十再向下炒再一百合一哥D...自己睇路吧....

減持一下長和

脫歐不確定性大了, 加上和記港口自動減值100億應對風險, 我都自己減值2000 股長和應對風險先, 希望可以盡量將買入價降低

最近我發現如果你長期看好某一隻股, 用降低買入價的方法令自己立於不敗之地係不錯的做法,  未必一定要做到話零成本咁極端

如1883 我平均成本價係2.2, 而家2.8左右, 而我又長期看好, 我就可以唔理佢

相反買入價偏高的如長和, 長實, 同173等, 要適當減持同低位增持先可以做到, 其實2018大跌己令我長和買入價由90降到80, 1113 由65降到60, 173 由4.8 降到4

慢慢來

唔通呢個就係所謂的"建倉"?

=================================
買入遠展8000@3.62

金融鍊金術--假說

假說一:
1, 英國不會脫歐
2, 英國脫歐也不會影響長和系
3, 英國脫歐影響長和系, 也不會是永久性

死穴: 英國脫歐對長和系造成永久性的傷害


假說二:
1. 美國不可能長期加息
2. 美國加息也未必令香港樓市下跌
3. 加息影響樓市, 也不是永久性
4. 香港樓市長期下跌也不會對目標發展商造成永久性傷害

死穴: 美國長期加息以致對香港樓市造成長期下跌並對目標發展商造成永久性傷害

假說論好處係令自己唔會被固有的框框綁住, 壞處係太有彈性, 如何係信心同懷疑之間取得平衡以避免自己彈出彈入?

買入遠展

買入9000股遠展 (35)

信德連個走勢都勁似嘉華, 當年又係一買就上, 4蚊升到5.8唔走, 之後跌到3.2 而家先番家鄉..

今次會有進步嗎?

矛盾只因深愛著

黎緊年尾有水回塘, 加埋手上的現金, 真好想加注落誠誠度

有幾次已經入到去禁制落盤, 最後都決定要忍

要按計劃進行真係好難, 唔知各位點樣可以克服自己?

信德集團可愛的地方

信德集團, 其實就係澳門版的嘉華, 平時搞下地產同收租酒店, 重點係持有約6%澳博

尋日終於出現爆點, 股權爭霸戰

信德持有澳娛11%左右, 澳娛持有澳博超過5成股權, 意思係得澳娛者得澳博

信德本身都唔係殼, 大大個新盤係度, 澳門人都知佢幾賣得, 可以話係2018年賣得最好的新盤, 分三年入帳, 今年起碼入帳20億, 加上一大堆睇得唔打得的資產

噴射: 每年收入三兩億, 條橋有影響so what? 唔明有乜好擔心, 而且金巴佢有分
酒店: 打醬油
收租: 每年兩三億固收, 夠派息
地產: 澳門玩埋今個大盤就無, 主力應該係大陸醫療城, 橫琴同新加坡

加上澳娛隱藏資產一直以成本入數, 而且得澳娛者得天下, 期待下


但係

大股東人品出名差, 唔知佢有咩殺著, 可能為左爭產玩供股質低個價私有化信德, 又或者搞增發攤薄, 為左爭產有咩做唔出?

如果個大股東係誠誠? 我即刻賣樓ALL IN 啦, 不過又咁講, 唔係咁, 會咁平咩?

控制注碼, 就能控制自己