減持一下長和

脫歐不確定性大了, 加上和記港口自動減值100億應對風險, 我都自己減值2000 股長和應對風險先, 希望可以盡量將買入價降低

最近我發現如果你長期看好某一隻股, 用降低買入價的方法令自己立於不敗之地係不錯的做法,  未必一定要做到話零成本咁極端

如1883 我平均成本價係2.2, 而家2.8左右, 而我又長期看好, 我就可以唔理佢

相反買入價偏高的如長和, 長實, 同173等, 要適當減持同低位增持先可以做到, 其實2018大跌己令我長和買入價由90降到80, 1113 由65降到60, 173 由4.8 降到4

慢慢來

唔通呢個就係所謂的"建倉"?

=================================
買入遠展8000@3.62

金融鍊金術--假說

假說一:
1, 英國不會脫歐
2, 英國脫歐也不會影響長和系
3, 英國脫歐影響長和系, 也不會是永久性

死穴: 英國脫歐對長和系造成永久性的傷害


假說二:
1. 美國不可能長期加息
2. 美國加息也未必令香港樓市下跌
3. 加息影響樓市, 也不是永久性
4. 香港樓市長期下跌也不會對目標發展商造成永久性傷害

死穴: 美國長期加息以致對香港樓市造成長期下跌並對目標發展商造成永久性傷害

假說論好處係令自己唔會被固有的框框綁住, 壞處係太有彈性, 如何係信心同懷疑之間取得平衡以避免自己彈出彈入?

買入遠展

買入9000股遠展 (35)

信德連個走勢都勁似嘉華, 當年又係一買就上, 4蚊升到5.8唔走, 之後跌到3.2 而家先番家鄉..

今次會有進步嗎?

矛盾只因深愛著

黎緊年尾有水回塘, 加埋手上的現金, 真好想加注落誠誠度

有幾次已經入到去禁制落盤, 最後都決定要忍

要按計劃進行真係好難, 唔知各位點樣可以克服自己?

信德集團可愛的地方

信德集團, 其實就係澳門版的嘉華, 平時搞下地產同收租酒店, 重點係持有約6%澳博

尋日終於出現爆點, 股權爭霸戰

信德持有澳娛11%左右, 澳娛持有澳博超過5成股權, 意思係得澳娛者得澳博

信德本身都唔係殼, 大大個新盤係度, 澳門人都知佢幾賣得, 可以話係2018年賣得最好的新盤, 分三年入帳, 今年起碼入帳20億, 加上一大堆睇得唔打得的資產

噴射: 每年收入三兩億, 條橋有影響so what? 唔明有乜好擔心, 而且金巴佢有分
酒店: 打醬油
收租: 每年兩三億固收, 夠派息
地產: 澳門玩埋今個大盤就無, 主力應該係大陸醫療城, 橫琴同新加坡

加上澳娛隱藏資產一直以成本入數, 而且得澳娛者得天下, 期待下


但係

大股東人品出名差, 唔知佢有咩殺著, 可能為左爭產玩供股質低個價私有化信德, 又或者搞增發攤薄, 為左爭產有咩做唔出?

如果個大股東係誠誠? 我即刻賣樓ALL IN 啦, 不過又咁講, 唔係咁, 會咁平咩?

控制注碼, 就能控制自己

脫歐鬧劇

又係你地話脫, 玩大左又想收手, 珊姐只執行"民主"結果又要被人話無盡力?

無論有咩方案都話唔滿意, 最好係歐盟每年送一千億比你地洗, 成班KAI 頭淨係想舒服無諗過後果, 到奶左野又話唔關我事架我乜都唔知架唔係我經手架

法國又係咁, 搞到一PAT 屎, 個總統不是你地班KAI 頭選出黎的嗎? 選完啦, 又唔支持人地執政, 喂你玩晒啦咁好無呀?

不如所有參加公投同選舉的人都要實名, 到時邊個嘈就公開你地D 選票, 唔係個個都亂9 咁投又唔洗負責任, 你未好著數?

唔係長和系有大把業務係英國同歐洲, 真係想睇下你班KAI 子點樣收科

從誠哥看未來

尋日睇左一個新聞係講Amazon 貝哥點發跡, 佢話做未來兩至三年的事, 要成功非常難, 但當你做七至八年的事, 突然成功唔係咁難

AWS 我相信係貝哥誤打誤撞之下"步署"左好多年, 最後就救左全家

又睇番我偶像誠誠同鉅爺, 一路強調呢個係種樹遊戲, 要學佢地真係好難

能源/港口/電商/基建, 我等小輩可以有看七八年的勇氣嗎?



另外係長和年報搵到以下一段, 或者呢個係零售業務的真正存在價值, 現金流呀!