1.2, 都係雞肋, 賣左, 又唔知買咩, 都仲有6.25厘, 有咩好選擇? 似乎沒有, 或者跌穿6厘再諗吧?
215 而家開左個頭, 事有Q K, 如果唔賭落去, 真係有點對不起自己呢個長期老股東
另外, 頭先計一計, 今年單隻獲利最多的肯定係1133, 應該係投資生涯之最
但如果我年頭一直持有呢一刻先放, 可以比今年暫時的全年總收益賺多3成...
而家沽淨2 萬股, 唔打算放了, 忍唔住獲利的衝動, 無計, 不過已好感恩啦
最新DRAM 爆升, 第一受害的肯定係賣硬件的, 第二受害的應該係無法轉嫁下游, 而又要狂買硬件的, 講緊係三大國內電信商, 特別係雲佔比高的
941 雲佔比唔高, 所以我仲渣住, 但應該唔會大搞了, 始終財務一直慢性中毒, 加上DRAM, 而家渣住的收收息算了
最新煩緊賣唔賣自住, 層樓已30 年, 加上香港最新單新聞, 真係好唔想經歷一次外牆維修, 就算無事, 生活質素肯定大降, 變左又要出去租屋, 硬食2 年租, 分分鐘貴過夾哥舊錢
睇下澳門派糖可否推高樓價, 好價就賣左佢, 轉做租租算, 最緊要有被動收入, 老左係大陸買間屋, 或者入安老院, 或者住澳門長者公寓, 似乎都好多選擇
不過賣樓轉租, 唔係我一個決定, 心理關口不少, 有咩好idea? 有諗過丟空間屋一年, 出去租下體驗下, 先再決定, 歡迎各位比下意見 :)
如果份工穩定, 投資又穩定, 換樓咪當改善生活
回覆刪除澳門樓唔同香港樓呀Tim gor, 澳門樓基本無投資價值, 作為一個偽價投, 換樓真係只能當係純消費
刪除照老王兄嘅網絡資料，本身投資嘅資金已經有返咁上下，
回覆刪除樓就無畏賣了，無需要搏進。
你都話唔係你一個決定，意思姐係佢地觀點同你唔同或者叫有保留，
租俾人當買個保險，睇黎已經係極限，起碼叫做第日還有退路。
出去租無問題，當改善生活環境，係澳門其實代價並唔大，
人一世物一世，投資又有成績，享受下唔係問題。
除非話你本身已經豪裝，而且功能上又滿足到家庭需要，
咁就無畏了，萬一遇到唔好嘅租客，租幾年俾人隨時蝕凸。
如果唔係殺雞取卵，決心換間濠字頭一步到位，先租、再賣、然後買，咁就OK！
不過我識得有投資開而又有賺嘅朋友，租樓之後，跟本唔會買就係~ 哈哈哈
我都同意, 租左係番唔到轉頭, 身邊有個朋友都係今年自住轉租1湖無敵大單位, 其實最新的濠字3 房無敵海景都只係租22~24K, 非常抵玩, 只係未諗到而家間高位接貨的30 年舊樓點搞, 除非當沉末成本, 唔鬼理佢, 但唔住由得佢繼續折舊落去, 財務角度黎講, 始終都係一件不好的資產, Btw 我無講的係, 自住樓我仲有十幾年樓要供....仲要供唔少, 差不多夠租上面間濠仔T.T
刪除咁你要先租間好嘢俾"異見人士”等佢改觀下先。然後用比息等於比租，加上本金可以股票增值嘅角度，還有租俾人要時間拖一拖，去收服佢地。
刪除啱啱AAstock有個po話，香港杏花村有個盤以2.65萬成功租出，業主22年買入價係1133萬，現租金回報約2.8厘。
唔查以為好近，一查呢個size嘅單位E+有盤放緊8球，賬面都輸緊333萬。
澳門仲搞笑，你放8球嘅單位租唔租到1.3萬都係問題。