兩隻被市場忽略的金融股 + 自住樓廢UP

沽出1883, 減持海螺材料

加注兩隻被市場忽略的金融股

海通恒信, 中關租科技

越升越重危機感, 但想減又無咩好減, 手上一堆電訊, 周生生, TMT, 火電, 海油平安海控, 新創健, 西泥亞泥, 哈電

有咩可以減呢? 全部都仲係好平呀, 難度我屁股決定左腦袋? 哈

妖股南方通信, 真係妖, 升左五成了, 但睇下長飛, 都係繼續渣算, 8 皮野, 可能係下一隻爆升股呢

============================

最近收益的確不錯, 但澳門樓繼續跌, 我自住樓按買入價已跌了兩球, 都未計裝修

一計埋呢個, 股票收益即時不香了, 真係諗下自問投資收益都算係咁, 都要被自住樓隊一刀

如果普羅大眾, 用盡全力上車, 個兜一蚊都無, 再被樓市插一棍, 真係一世都唔洗翻身

係呀成日話計岩數就GO, 背後的opportunity cost, 可能係牛市無得放大財富, 每月供三四皮, 供到呀, 不過唔洗諗儲錢囉, 生活到呀, 不過月月清囉

其實借錢買樓仲有一個誤區, 就係供三十年的利息, 好多人係忽略的, 但呢個同你買股分紅複利效應一樣的, 借錢買樓, 係反複利效應, 你利息埋單係間屋原樓價的幾成, 如果你玩開股息, 你就會明白條數係非常甘的, 絕不是每月攤開幾千可以唔計

自住樓, 絕對唔係大家諗咁樣, 自己住唔洗理盲眼入, 犠牲的可能係兩至三代人的上流機會, 非常險