同期762 同728 爆跌, 原因好簡單, 因為之前跑贏941 太多, 特別係762, 開左火箭咁
諗番之前佢地升乜, 就知佢地跌乜, 市場預期電訊商資本開支減少下762 最受惠, 然後762 管理層之前有講過全年雙位增速, 市場自然覺得起碼有15%-20%利潤增長, 加上又YY 加大派息比率, 又話幻想三年後十厘之類, 點知941 一出即刻幻想破滅, 其實941而家就算零增速, 三年後除淨都一樣有十厘, 唔洗賭, 但人性就係鐘意賭, 哈
我自己就覺得對三大電訊商成為成長股的老散太樂觀, 收息睇現金流同負債同派息比率無問題的, 但你要增長, 你就要分析埋行業, 收入佔比, 大環境, 未來增長業務, 增速, XXOO 一大堆, 任何一個FACTOR 不合預期都會被打臉
所以買股真係買D 無乜預期的就好, 超出預期偷笑, 無超就繼續收息, 唔好YY 太多
市場先生對941 分析很到位, 大家可以睇下, 唔好比低估, 成長之類帶偏, 專心收下息吧
https://mrmarketofhk.blogspot.com/2024/08/20242024-941.html
//////
後記
70.8 賣出2000 股941, 5.93 買入30000 股762, 又平衡一下個組合 :)
完全同意，941我都係收集足夠後，除非派息政策收緊或其他管理層重大改變，否則唔理股價安心收息。
回覆刪除同意。良好心態。知道要甚麼（收息第一）。
回覆刪除主宰中特估股價升跌的話事權全在北水資金流向手中,隻股有冇成長性根本唔重要,能得到國家隊背書長期持續派息更重要,此外同一隻股A股的表現也會影響H股的表現,就以中移動為例,上個月中移動入左上證50做權重股,股價由98個幾人仔短時間内升到108蚊人仔,941也因此跟住有不錯的升幅,短期有一成升幅,實在冇必要再把股價大幅推升,國家隊資金甚或識玩的散戶,就會趁高沽出獲利,等股價下跌後再買番,即是他們的必殺技做個靚T,108蚊買中移動收2個6中期息同100蚊附近買中移動同樣收2個6息的分別差天共地,當然若你一早買夠貨又收左幾年股息,完全不用理會北水做T所造成的股價波動,其實波幅根本都不大,做完T後股價又會一切如常.國家隊資金高位沽清中移動已有前科,國新投資除左但有一筆長期唔走的資金長揸中移動成為十大股東之一,又會用另一大筆資金成立國新投資2號,趁低位大量買入中移動,成為另一個十大股東,不同的是此位十大股東是會走的,有可觀盈利會沽到一股不留,待股價回落時才番場.2023年報國新二號已唔見左,但今年可能會見番佢踪影.同樣去年唔見左某社保基金,之前是十大股東,又係贏住走,但今年剛披露的社保資金流向,第二季度買得最多的七隻股份,中移動A股排第三,低買高沽是投資股票穩勝的不二法門.今日港股通,941是淨流入的,相信已做完T,至於762,北水幾乎全是一面倒沽貨,淨流出4億,762全日成交8億幾,數字相當吻合,728也淨流出億幾,呢2隻北水可能未沽完,若業績同派息無物驚嚇就會回穩.
回覆刪除762 始終有佢的價值, 合理價應該7左右, 所以6蚊開始可以買少少, 又睇下中報會否驚嚇
回覆刪除