其實以前一路置業的想法, 係由細到大被灌輸的, 而樓市又真係我懂事開始就狂升, 所以一直都有向上換的想法
但而家想法唔同了, 主要係因為收息流已開始上軌道, 基本上花3-500萬去換樓, 今天同等收息可以收20-40萬, 每月的現金流真係美滋滋
但呢個係不能強求的, 如果而家係恒指25000 或30000點, 而我又有舊錢, 可能真係換樓好過, 因為搵唔到穩收7,8厘的股, 咁又雞肋
講真都主要係有和記同941 在手, 而股價仲係叫低位, 我先會用錢收息, 如果941 100蚊, 或者和記1.5, 又或者定期去番2厘, 咁你拎住5球cash, 真係唔知點搞
講咁多, 想講現金的用法唔應該一成不變, 樓抵時換樓, 股抵時買股, 這不是最正常不過的事?
又咁講, 其實恒指25000以上, 都係2020 的事, 唔係好遙遠, 但恒指低位感覺真係好似過左一萬年咁
btw 如果呢一刻有人高位接埋我自住樓, 我都OK 的, 但成日諗兩個問題,
1. 樓的剛需係一個人咩情況下比較重要? 我暫時諗到老左之後無人租樓比你, 呢個case 似乎無解? 或者申請老人院?
2. 樓的壽命到底有幾長? 70年? 結構性問題仲可以翻新? 曾經問過一個工程朋友, 話而家水泥或鋼筋都係有壽命, 100年? 咁一間屋的價值, 係咪係個人資產盤數上都要折舊?
咁岩見到另一Blog 提到的樓市觀點, 深感認同, 分享一下
歡迎討論
所以要keep 住換樓
回覆刪除恭喜老王兄上軌道！
回覆刪除有錢邊怕無樓住，怕嘅係你無錢。老咗你有錢，租Service Apartment一樣得，係怕你唔夠錢。
仲怕無業主肯租比你？除非你係孤獨精，無兒無女無親戚，懂嘅都明，有錢洗得磨推鬼。
另外，講得果幾句嘅，老王兄發唔發覺，都係"唔多成功組"嘅偉論，至少我認識比較成功嘅人，唔見佢地關心呢個“問題”。
雲
係呀, 要煩換樓定租樓哥D 通常都係岩岩好夠, 但又唔知做唔做到, 好似我咁...
刪除Full Pay買樓同高按揭買樓係2樣野,前者是將樓當消費品看待,層樓升跌都唔駛理,後者是買入負債,係當借槓杆來投資,遇上樓市上升周期,就早買早享受,隨時享受到槓杆帶來的暴富,若在上升周期水尾摸頂買入,隨時令你永不翻身,如最近有條友幾年前以4萬8蚊呎買左間3百幾呎的北角樓,即前北角邨舊址,對正北角碼頭,發展商當時開價5萬蚊呎都賣左幾間,但重有大把單位未賣,呢條友早幾日輸4成投降蝕住賣,買間3百幾呎樓可以輸一千萬,凡是借錢買樓就唔係剛需,都係帶住賺價心態,真正剛需的可做租租或買遠d買平d的舊樓,剛需是個偽名題,有升值潛力出現的樓市就有剛需的樓市,估錯市冇得怨,等同借盡孖展買某隻股票想短期發達,結果隻股大跌搞到爆倉被斬倉一樣,有甚麼剛需,發達的剛需？
回覆刪除同意！
刪除財富 Onepiece！
追尋吧，財自撚~
金戈大佬講得岩, 世上沒有所謂剛需, 唔做就會死的才叫剛需
刪除兩睇啦
回覆刪除租樓可以係又叫維修唔係都叫維修，叫業主整水整電，天花甩皮甩骨甩油，然後廁所不暢呀，水壓唔夠，冷氣唔凍，門鎖呀，鐵閘呀，鋁窗呀，咩7都入業主數的話，真係做租客抵喎，業主也可能怕了你，你一副租霸樣也不逼遷你添呀。
如果係正常人，冇咩要求，少少滴水少少嘈音少少不便都接受的好租客，咁都接受?其實生活質量變相下降左，只有真正自己野才會搞番好。然後，你咁順德人，我是業主都傾向搵個易加租的你，你遭遇搬遷的概率也高，不說搬遷費，光是搬遷過程已經心力交瘁，而且後面一大堆更改住址，改死你，尤其是我(十幾個銀行,幾個保險,政府野,水電煤,會藉等)
回覆刪除無汗兄講的也有道理, 換屋的成本除左搬野, 都仲有一堆手尾跟, 其實我未租過屋, 呢個的確係幾麻煩, 預到西業主更慘
刪除月結單電子化，其實無咩單。
刪除重要嘢咪用父母或者PO BOX都可以解決。
其實比市值租金，亦唔使2年搬一次。
租樓係生存，買樓係生活，不能一概而論，睇CP值。
很多機構例如銀行唔要郵政信箱，逐間登入網上理財更改住址亦是麻煩，部分還要上載新住址證明，意味你還需搬遷1個月後才能補證明，重要野用父母的話最後一但都係要改咪姐係拉埋兩老落水?唔通指望兩老自己攪?也不見得兩老開通一切網上服務，沒開的話全部線下搞，到時拖老攜幼去攪更加X
刪除英國當年喺香港用嘅標準, 鋼筋水泥壽命50年
回覆刪除講就 50年遮，但英國美國，大把大把樓超過一二百年，都係企係度冇問題，只要不是腐蝕性環境，石屎間中修修補補一下，同石頭差不多
回覆刪除