最近1038 爆升, 又番去睇番好耐無留意的長和系, 其中一隻惜日舊愛1113
不知不覺1113 已經有一半利潤來自同樓無關的業務
睇番中報100億利潤的構成
賣樓 -- 35.3 億, 香港中國各佔一半
租金 -- 23億, 香港19億
管理-- 4.5億
公用事業 -- 40億
敗家酒館 -- 5.8億
市值1350億, 每年保守都應該賺到200億, 派息6厘, 淨現金120億, 其實真係無乜好講
未來賣完樓唔補地, 應該都繼續變身1038, 慢慢公用事業佔大頭, 派息應該可以增長, 走1038 模式
睇番當年用250億買酒館, 每年賺10 億, 不過不失啦, 收購之前酒館每年都賺到4億英磅, 當你一半每年賺20 億應該得掛
誠哥鉅頭睇野, 又點會好似我地D 凡人咁睇三五年?
利潤是很好，問題是估值在遺址中很難提升起來。
回覆刪除另外始終是估值偏低的綜合企業，若不做分拆上市或像太古瘋狂回購之類的動作，估值長期低水也是很難避免。
大家都明白，李生咁多年點會唔知，看他在股東會的口吻，低股價恐怕是正中下懷吧...
R bro, 你研究地產比我通透, 睇兩李而家已經無再大力回購就知佢地想點, 放風睇淡香港等執平貨, 但又不得不配服疫情前1113已轉行搞英國酒館, 時機真係無得頂
刪除2021年4月，李生用左193.8億，以每股51元，回購左3.8億股長實，5月完成行動，各大外資行一致唱好，認為51蚊係鐵底，散户不會在51元樓下沽貨，當日長實單日升左6%,股價53蚊樓上，之後長實股價就拾級而下，李生有9981注本錢，22,23年每年都回購股份，都係每年回購3仟幾萬股，最近股價創新低都冇出手回購，是否已買夠貨？股價再下跌深d，會唔會私有化1113？上個星期城規會正式否决長實將货櫃碼頭物流中心改建成數據中心，條氣頂住，借周女士把口發洩對香港經濟的不滿，大公子又貪小便宜平過恒基，嘉里5%價錢走去搶市建局土瓜灣重建項目，呎價萬一蚊呎，使左60億，信和新近以19億最高價搶得同區市建局項目，呎價4千幾，重要拉埋鹰君，招商局一齊合資，信和之前已在同區執死鷄，以每呎8仟幾投得塊地，今次再以4仟幾蚊呎溝貨，相比恒基，長實，嘉里以萬一，二蚊盲搶地已算執番身彩。恒基亦唔苯，用百幾億投左土瓜灣地後，好快就揾到帝國，希慎一齊玩，減低風險。大公子除左在土瓜灣揩野，同樣也在啓德區中伏，用左百幾億投左塊地，價格又係平過其他發展商少少。未來在港的售樓收益一定唔慌多，唔蝕都偷笑。
回覆刪除金戈bro, u are right, 而家香港地產發展商始終係雞肋, 如果真係要搞, 我都係偏向酒店類多, 按死亡順序應該係寫字樓>商場>住宅>酒店, 不知我有無估錯?
刪除可能鉅哥冇諗過波老道交易告吹，左手賣盤208億右手掃地204億，又一錢多人傻、成手現金身痕實例。
刪除阿仔財技一流，但做刁同地產相比老豆都真係差一大截，如果1113可能完全擺脫中港地產就好了。