之前買左少量REITS + 173, 主要係因為上年尾暴跌時入左貨, 食左一轉, 例如808 1.5買2.1走, 173 2.2 買2.7走, 以至於今次又想再食一轉, 但再諗真D, 上次跌係疫情前的最後一水加港股系統性爆跌, 擺明係亂咁撈都賺, 今次明顯不同, 有機會真係高息持續加香港寫字樓+商場結構性需求下降
而家基本全部REITS 受兩個因素影響, 一個係高息, 呢個我唔擔心, 因為最新中報已經反映左, 但需求下降係完全未反映, 全部出租率仲係90以上, 正是向上有頂向下無底之格局, 加上大陸REITS最新業績一年由出租90 跌到60%, 唔係講緊D 雞雞REITS, 租戶全部係快手哥D 科技公司, 一退就全層半層
香港未至於咁衰, 但寫字樓同大環境正相關, 商場又被北上消費加大環境拖累, 上有頂下無底呢個格局真係極之不利, 加上幾塊地流標, 香港物業成個牌面真係G9G之局, 施主呢獲係有D 麻煩
咁岩電信三傻加港澳電訊三傻(和仔, 數碼, 1883) 都係相對底位, 有新錢都係買D 確定性高的, 就算賠率無咁高都好, 90%賺三成同40%賺七成, 其實係一樣的
港股風向已改, 銀行,地產唔多掂.炒股周期性已經短左, 長坐收息支歌仔無左
回覆刪除又唔係無, 不過唔可以盲入
刪除加息不會是永遠的，總會有減息的一天
刪除其實商業地產可以惡化得好快，美國三藩市可以幾年間由CBD變成一條街都係空置商廈。
回覆刪除要擺脫過去20 年長升長有的思維
刪除再繼續高息落去，個 cap rate 仲唔加真係唔知想點。
回覆刪除一加，更加唔知會點。好恐怖。
香港已經有六塊地流標, 我估減辣都頂唔住, 係成個香港環境唔掂, 美國減極都唔會低過3厘, 出租下跌有排捱
刪除