市場氣氛係八月連續幾個大核爆後極速改變, 以下係幾個受影響較大的資產類別
1. 重債的, 特別係美債
2. 人幣爆跌, 人幣資產為主
3. 內房相關, 金融相關, 上中下左中右游, 基本係範圍攻擊
4. 地方國企, 應收帳相關
5. 帳上現金要可信
大環境差, 只能買淨現金公司(80% 股收皮), 而且要高息(淨低的80% 股再收皮), , 而且要非內房金融相關(內銀保險內地綜合企業收皮), 而且要低應收帳賺真錢(物管教育某些公用股收皮), 而且要少政治任務(基本98%內地股收皮), 而且要受大環境影響較少(淨低的99%股收皮), 最好不要賺人仔的(基本99.99999%收皮)
883 似乎可以
941 有ZZ同埋人仔下跌風險
1883 都不錯賺HK MOP, 黎緊有四十億債搞得掂就無事
而家係就係一街八九十厘, 但無人夠膽講邊隻可以未來三年持續到
結論, 做定期啦, 我真係諗唔到有乜好過定期, 但我不會做, 死多頭
1883 市值只有一百多億，都幾重債下
回覆刪除佢哥40億係債券, 我希望佢搵佢呀媽中信食左條數佢啦, 大把錢幾十億唔係問題, 最好轉埋人仔債, 唔好再用美金債
刪除40億債但有17億現金, 淨負債23億, 一年OCF 27億, 扣CAPEX 4億仲淨20億以上, 唔派股息一年還晒, 派股息2年還晒, 咁都叫重債?
刪除1883 中報的增長係非常有驚喜, 值得睇高一線
刪除3983出左業績，現金越來越多，三個月定期存款有99億人民幣，現金有10億，現金多達110億，市值80億，間公司到底想點？不斷滾大現金然後私有化？定係年年不停加派息派番俾大股東。上半年賺左17億幾，全年斷估都有20幾億，若派息比率加到6成，甘就肥啦。
回覆刪除3983 真係多錢到傻傻地, 可惜最新賺的8億一次性收益只有1.5億係真錢, 拎成100億去做定期, 收哥丁屎利息, 但都好過買中融中植爆雷, 唔知話佢乜好
刪除今早941,883都能逆市上升，似乎已是超越牛熊的重要股份，基本上重倉左呢兩隻股，可擺埋一邊等財息兼收，望住成街平到嘔的股份，幾乎忍唔到手想小注怡情，但沒有最低，只有更低，學陳啓宗話剂到滿街鲜血就是出手之時，現在重未係滿街鲜血。16重未跌到郭老太出手價，4叔孖寶癈老股3同12雖已跌左好多，但重未令老散投降。1号未穿40,1113未穿50,1038重未創一年新低，老散還存一絲希望，但每日跌些少，好快就到價，到時老散心理上重頂唔頂得住，忍痛割肉離場。
回覆刪除搞左個不死熊香港組合, 但睇個勢唔樂觀, 不過唔算多錢, 等睇下係咪真係會爆煲到時先考慮再加倉, 四大不了, 奸的奸, 廢的廢, 買我都只會買REITS 同小型高息地產收租公司, 又可以博下私有化
刪除現在是中國熊、外國牛，只要少買中港股就可以了。正如32年前日本熊市，港股都無受影響。
回覆刪除都係, 但美股都高位危, 我只有港股同現金
刪除美股估值貴，港股估值更貴。
刪除但其實全世界有好多選擇，例如坡股，收息幾好。
多謝分享
回覆刪除多謝分享。又到抉擇時候，買定離手。開呀！
回覆刪除同數據要素有關的A股全綫上升，數據將是一項新資產，來緊又係每年以千億計的生意，電訊三傻又來料有排升，前聯通劉總做左數據局局長，三傻的數據生意又會大躍進，最得益當然是持有最多數據資產的中移動。
回覆刪除渣941 都無咩好諗了, 放飛未來五年收番廿蚊
刪除836出左業績，盈利大增54%,火電止蝕只賺7億，其他60億全來自新能源發電，派息又大增，我超低位入左唔少货，揸3年應該收穫甚豐。
回覆刪除16 蚊成本, 全年120 億, 而家PE6.7, 跟金戈大佬搵食, 不過都係唔敢太重倉
刪除隻517派息重誇張，賺幾多派幾多甘滯，派息增加100%以上，真後悔2個幾冇大大力買，而家升左好多，唔敢再買，低位買左就恭喜哂，收息收到手軟。
回覆刪除如果3983 有佢一半咁生性, 我就安慰了
刪除此外，公司亦會推動智能工廠、智能碼頭、智能銷售等領域的數字化場景，抓好八所港碼頭建設，促進國際貿易及港口物流服務產業的發展，而且積極佈局清潔能源產業，推動綠色低碳發展，而匡效兵亦補充，公司目前積極部署物色更多投資併購機會，希望把公司做大做強。故此下半年派息政策基本維持於10%左右不變，公司股份部署回購亦料十分有限。
刪除3983 真係唔好期望過高
刪除首席財務官、副總裁及公司秘書匡效兵表示,市場變化大,但預計集團全年利潤相對於同行業企業也會有相當大的競爭力,料整體全年利潤較好。他又指,集團股息收益率在國內集團中是
回覆刪除較高,近幾年維持在大約10%,未來的派息政策不會有太大的變化,集團會維持派息率50%的基礎,此基本派息政策。
被問到集團會否作出股票回購,他指集團正在研究這個問題,企業未來方向是希望做大做強,以及回饋投資者,集團有足夠的現金流及資金,但由於上市規則的限制,集團或許不能做太多回購,這方面集團會再研究。
另一版本
3983有搞碼頭？現價股息收益率有10厘甘高？主業具競爭力，今年利潤應不錯，保持5成派息比率。果真如此的話，今年最保守估計賺22億，派一半11億，每股至少派2毫幾港紙，以我買入價計成16厘息，我會笑住收息，不作過多期望，只望佢唔好亂使錢進行併購大動作，安份把現金放在各大國有銀行收息，派多2至3年高息俾小股東，我就夠皮，到時候再飛起佢都未遲。
回覆刪除查番有個叫八所港的碼頭, 我一開始睇以為3983 有八個港碼頭,6626 都派中期息, 國企是認真的
刪除934都加派中期息，手揸54億有排派。
回覆刪除影響尿素價格的原因我唔識，上半年已大幅下跌，近月就不停上漲，今日尿素期貨又大漲，今早3983上升唔知與此有冇關係？尿素價格回升，3983盈利又會增多，其實股價升唔升都唔重要，不大幅下跌已足夠，用來收高息最重要，最好長期保持現價上下幾個巴仙遊走。
回覆刪除金bro, 有無考慮配置香港本土收息股, 始終人幣未來應該弱
刪除本地收息股爆雷機會甚大，很難揀中隻長期冇事的，一來盈利難以維持高派息，派過龍個d又驚有古怪，一爆起上來走都走唔切，輕則長期坐艇，重則永不翻生，過往所謂有買貴冇賣錯的收息鐵股如兩電一煤，恒生，领展，地鐵，長和等不能盡錄，若在高位買入收息，隨時十年八载都返唔到家鄉，浪费哂機會成本，人生冇好多個十年俾大家浪費，呢批股份要跌到好殘至有買入價值，暫時唔會考慮，細價高息股重易出事，近期傑作有日本城，David Web手持個批重危險，跑出一兩隻就被吹上天，跌到Pk甚致摺埋就冇人提，有長期派高息的優質股大都由第二代接捧，例如408葉氏化工等，唔知第二代會唔會搞亂檔攤，四大的第二，三代有版俾大家睇，富不過三代真係有d道理。
回覆刪除1883 883 941 934 517都有, cash同cash flow都好強, 惟一都係怕政治任務
回覆刪除Ching有冇留意392？
刪除