爆虧恒大

第一次接觸恒大係財自哥的Blog, 一兩百萬孤注一擲3 蚊恒大, 最後一戰成神賺過千萬

恒大最新負債2.5萬億, 年蝕5000億, 我都唔係好知呢兩個係咩數字, 要知道廣洲一年的GDP 都只係兩三萬億, 佢一個負債已經等於一個一線城市一年的GDP, 每年蝕緊5000億, 所有港股最賺錢的公司, 宇宙銀行工商, 2022年都只係賺4000億, 我愛股941 一年都係賺1300 億, 陰公豬

內房我係賺過錢的, 哥陣真係求其買都賺, 講緊係邊隻賺多D 咁解, 記得玩內房之前只敢玩香港發展商股, 睇死內房好快爆, 之後內房突然爆勁, 我亦一改睇法, 加入陣營, 金茂, 合景, 旭輝, 最垃圾的佳兆業, 我都賺過錢, 因為係風口, 豬都會飛, 呢D 就係曹仁超講的"勢(si !!!, 第四聲)"

過左十幾廿年, 終於爆煲, 同我十幾廿年前的預測一樣, 我正確了嗎? 哈

同末日撚一樣, 地球總有一日會玩完, 停左的鐘都會一日岩兩次

預測如果唔加上一個期限, 即係廢話, 一年好似好短, 但你親身入市就知一年有幾長, 唔好話十年, 二十年, 當你五年後比你最終正確, 你都輸左時間

所以炒股通常勸人盡量避免左側, 但我都做唔到, 成個倉都係左側, 即係所謂收息撚假頭

點解老散咁鐘意左側, 因為左側你仲可以比個假希望自己, 右側你一睇錯方向, 或者走唔切, 好似內房科網咁, 一世都無可能回本

對一般投資者黎講, 唯一可以較大機會識別的, 只有股票的便宜程度, 咩行業景氣, 大國經濟, 資源危機, 真係講句算撚數啦你