越黎越少blog 友發文, 或者同政治有關? 但我更覺得同舊經濟股沒落有關, 今年新VS舊經濟的回報完全癲覆了很多相信"價值"的人, 或者不多不少令好多人意興闌珊
我組合新經濟大約係舊經濟的一半, 但回報係舊經濟10倍, 無誇張, 真係十倍
舉個例子:
組合中舊經濟主力, 一隻垃圾長和(原諒我咁叫, 愛之深責之切) 輸的錢, 竟然比我一隻超細倉位測試用物管銀城救番有突, 不知該開心定因為買得太少而傷心....
不過最新買的垃圾新創建同垃圾長建似乎有番D 起色, 我個人偏向資金開始追硬資產落後
恒指又挑戰25000, 唔想再講咩復唔復甦
只想講今年太刺激, 但都太累了, 最近在想一個想法
拉長20年睇, 而家係咪一個投資的好時機?
或者講三到五年之後看, 而家買入係後悔多定慶幸多? 我偏向後者
比起一齊輸, 睇住人地賺絕對痛苦得多, FOMO
買入303 @49.7
買入長建 @41.9
計埋之前又買回2000股了, 有機會穿40再加, 其實而家我偏好新創建多
最後附上偉哥blog 中一文
http://hkstockinvestment.blogspot.com/2020/06/blog-post.html
PS. 唔好奇怪點解我完全無提買入新經濟, 因為全部我都係跟大神買, 完全沒什麼分析, 我就不寫了...哈哈
老王兄隻銀城賺到笑，其實大勢都係高增長股會跑赢舊經濟股，洪灏的文章也有提及，恒生指數會迎來一波反彈，舊经济股都會随大市反彈。
回覆刪除銀城我真係買得好少，但個威力真係好驚人，連續三日10%以上咁爆，我始終不會放棄舊經濟，留比子孫都好呀
刪除老王兄長實還持有多少壓倉？
回覆刪除另外點解加長建唔考慮長和？
長實在香港運動初期已全清了
刪除長和今年比石油拖50-100億，連續幾次用其他數頂住，不夠長建純粹
更正，好似係中期清的，一開始我仲抱有期望....
刪除好多句垃圾，好搞笑
回覆刪除唔好誤會，我係話組合中在座咁多位舊經濟都係垃圾....(大師兄mode )
刪除長線價值投資者覺得自己既理念
回覆刪除被大市近月走勢而動搖
傳統地產股，銀行股，收息股價息齊跌
要重新思考投資該類板塊
是短期下跌將來回升
還是本業已出現問題，未來一沉不起？
所以要定期檢視所投資既股票
有冇變質或行業出現衰退
適當時候真的要沽貨離場
可惜情意結往往令人無視現況
繼續持貨
越跌越唔捨得斬倉
因為金額損失太大
有時就係睇唔到變質先大獲丫藍鳥哥T.T
刪除想當日我的至愛長實，我有幾愛你爬下我文就知，一發生問題我都即斬唔洗問幾點
咁多隻係唯一長和唔夠決斷呢個真，唔知自己仲期待d乜，蠢！
其實我係大嬸
刪除曾經犯左女人心軟既毛病
早幾年我重倉太古
可惜旗下業務
除左地產ok外
其他既都唔多生性
國泰玩期油對沖蝕到眼光光
開頭都唔捨得斬
話哂優質企業
但係持續不斷陰跌
到最後真係唔止蝕唔得
有本金才可再戰市場
謹記謹記
而家重倉放左喺1883身上
刪除話哂澳門獨大
呢兩年受惠行業前境繼續有錢賺
可以幫補下我每個月交比ctm既費用
Me too, 1883揮手區
刪除註：ctm是指澳門電訊，近來都多了不少澳門的blog友，例如邊個邊個！：）路過的讀者
刪除澳門揮手區~~
刪除大嬸加油，股票第一格言，不要跟股票談戀愛愛！路過的讀者
回覆刪除有時你分析左好耐，覺得佢點都無可能跌，仲叫你放棄，不容易纯呀
刪除謝謝鼓勵
刪除幸好只係步入中年不久
有排都未退休
應夠時間追回所損失的
呢幾年當係交左昂貴學費攞經驗
不過亦引起一d迷思：
1）資產配置問題，好股重倉無可厚非，
但亦有一起限度，小心黑天鵝，我哋睇唔到既問題，唔代表個股冇隱藏問題，一爆起來心亂易做出錯誤決定
2）現金比例問題，通常有錢都會投資避免蝕通漲，但買錯股/入市時機不當，當中損失分分鐘多過每年蝕3%通漲率
其實投資係個人性格延續，資產配置怎安排，
人人不同，最緊要坐貨坐得舒服，定期有現金流入同埋夜晚安心瞓得好已ok
以上純個人睇法
唔岩聽唔好打我～
我記得王爺買過bitcoin 輕輕鬆鬆贏大錢，而家又隨隨便便買中銀城反敗為勝 =]
回覆刪除哈哈，bticoin同銀城都買得鬼咁少，都係得啖笑ja
刪除